حسناء القايد (قصة رمضانية في طور الكتابة )

66

🌙حسناء القايد🌙
👑oumaima mega 👑
⚡185⚡

ديك الساع محمد خضار و سفار و وقف المشي ...معرف يتقدم معرف يتوخر من هاد المرا لي وقفت قبالتو و من لباسها باينة من الدار لكبيرة ...و عاملة لثام على وجهها

شروق تبسمت و بدات تمشا لعندو و تقربو بالخطوة بالخطوة : شكون نتا و اش تتعمل هنا
محمد ركباتو الخلعة و ليني سكت وهدن الكلام : انا ضيف سيد القايد ا لالة و غير تجلات بيا الطريق لبيت الضيافة ووصلوني رجلي هنا
شروق زادت قربت لعندو ووقفت عند حدو و عينيها في عينو : و اش كنتي كتعمل مع حسناء ...سؤالها ضربو ضربت العمر متوقعش تكون شافتهم : اش تتقولي ا لالة
شروق : شفتك نتا وياها ماشيين في السطوان شوف و سمع لا كان شي حد خاصك تحط يدك في يدو في هاد المكان فهو انا
محمد تيطوال فيها الشوفة مزيان من عينيها و شكلها كتبان صغيرة و ماشي مرا كبيرة كيف جا في بالو في لول و ليني الدياب و الكلاب تاع الفرانسيس مقرينوو و محفضينو ما يثيق في حد : غا جاب ليك الله ا لالة مكنعرف لا حسناء لا عتيقة دابا واخا توريني طريق بيت الضيافة راني تجليت عليه
شروق طلعت فيه حاجبها و شوفة حارة و نطقت : مشي نيشان مع سطوان غتلقاه
محمد : لهلا يخطيك و يكثر من مثالك الالة ...و خلاها و زاد خلفة مخليها من وراه ...شورق دورت معاه عويناتها ...كيبان ليها هادا شويطين فحال ديك حسناء بالحق هاد الكلام بتخبية مع وحد غريب متيجي حسناء لا من عائلة لا من فاملة ...و هي عارفة سيد القايد كيشعل ا على فتيلة و هادشي مغيدوزو مغيقبلو ...و هاد الخطرة حسناء مغتصبحش في دار باها غتصبح في القبر عند ربها ...تبسمت جنب و ليني مبغات تنقز و لا تنطق بكلمة هاد ليلة خصها تخلي سيد القايد يشوف هاد بنت الهجيج اش عاملة ...و تمات غادة تمشا و فرحتها تسوى دنيا

~~~~~~~~~~حسناء كانت ماشية و عينيها دابلة و غارقة في حيرة و زايد عليها قلبه كيضرهااا ...اش غتعمل في هادشي و بقا فيها كلام محمد فيها ... مراعا العشرة مراعا لطعام ...و بان ليها باغي يتزوجها ماشي حبا فيها و ليني بشرطو لي شرط عليها ...بحرا هزت راسها بتنهيدة باش تدخل لمراح القصر ...توقفت و عقدت غوباشتها ...لقات المراح مجموع و مطويي ...و فراشو خاوي منو ...وشافت سيد القايد واقف في الراس هاكا زين وعالييي و داير يدو وراا ضهروو و نافخ صدرو و شوكتووو مطلعهااا للسما ...و في جنبو سلطانة تاهيا محزمة و مرزمة و مقادة لوقفة ...و حداهم من جيهة لخرى ثورية تبكيي و شادينها غا بنياتها جوج ...و قبالت سيد القايد كان سماعيل بات عبد الصماد حادر الراس و تيبكي و يشكي ...حسناء بدات تمشا جيهتهم و تحاول تفهم اش بيهم

🌙حسناء القايد🌙
👑oumaima mega 👑
⚡186⚡

تا محمد يلاه كان ماجي لبيت الضيافة تا لمح في المراح المجاوقة ...وقف تما لايح عينو وودنو معاهم ...شروق كانت ناجية تهيا شافتهم مجاوقين و لمحت يماها تبكي و باها موطي راسو في لرض ...و هي تقندش و تجاوزت محمد و تمشات و تجاوزت حسناء ...و دازت عند يماها شدت منها ماعرفة اش واقع تما

سماعيل موطي الراس و يبكي : عارف اسيد القايد اش عمل ولدي الله يرحمو و يغفر ليه و ليني كبدتي صعيبة اسيد القايد واخا مشا مع الخونة نهار مماتو دفنتيه و نعييتيه و صدقتي عليه و خليتي كل مسكين يدعي معاه و ليني اسيد القايد علاش ديعتي في المدينة الخبار و خليتي الصغير و الكبير النسا و الرجال من حدي دايز و عينهم كيف الجناوة فيا و توشويش عليا بقيت موطي راسي في التراب ماقديت نبقا بيناتهم و لا نكمل لمشي وسطهم رجعت فحالي هربان من عيون و كلام الناس عارف ولدي مدار فيها ميصلاح و ليني لاش ديعو اسيدي
سيد القايد كان واضح على وجهو ماعجبو حال من هاد الكلام و عاد السيرة لي تسدها و عاودت تجبدت مدا و جديد نطق كينهض ماشي تيتكلم : سي سماعيل عطيت كلمتي لكاع لي حضر في داك اليوم قبالت عينيك و ودانك باش متخرج تاكلمة من هنااااا (هو يحمر الشوفة حارة ) و شي حد عصاااا كلمتي و طيح بيييها و خرج سرار داري لبرانيي
سلطانة : و شكووون هادا لي عصا كلمة سيد القايد و خرج يبرول في الكلام و السرار
سيد القايد : متخمم في تاحجة ا سماعيل هادااا لي خرج الهدرة النهار مغيطلعش عليه
سلطانة : يقدر تكون وحدة من الخدم عرشيااااااا عرشيااااا ...عرشيا كانت واقفة بعيد غير ندهووو عليها و هي تجي تجارااا و حادرة الراس : نعام ا لالة
سلطانة : شكوون من الخدم لي خرجت خبار القصر من هنا ....محمد بعييد غا تيشوف و يسمع
عرشية : ماعرت ا لالة بلحق الخدم من نهار مات سيدي (ترددت تقول اسمو حيت سيد القايد نها يتكلم شي حد على سيرتو و ليني نطقتها )  سيدي عبد الصمد
فخر الدين معجبو حال و زاااد تعصب و غوت على جهدوووو و يدو من وراه : و شكووون هاداااااا لي خرج الهدراااا
حسناء كانت مخشية في حايكها و تتشوف فيهم و عويناتها واسعين و مكحليين زيرت على حيكهت تفكرت راسها هي بوحدها لي لسانها كلاها و خبرت يماها على عبد الصماد و على مماتو و خيانتو و لسان مافيه عضم و باين يماها محفضتش سرارها و قالتها لناس لي ديعوها ...هزت حواجبها تبقا فيك و هي تتشوف في سيد القايد صاعر و حالو متطمن زيرت على راسها وويط جماعة نطقت بصويتها و دوات : واقيلا انايا ...فخر الدين كان موجه كلامو لاجمعييين و كشاكشووو و عصابو يحرق بيهم مدينة دور فيها وحد الشوفة حارة و و مخرج فيها شوفة تتخلع ...كان مستاعد يقطع لسان اية وحد نطق و خرج السرار و ليني متوقعش تجيه في القلب نيشان ....يتبع

❤️❤️❤️❤️قصة مابقا ليها والو و تسالي باحداث شاعلة بزاف و قريب غتودعووو حسووونة هههههه ... و ليني تا ندوز ليكم وحد المراحيل مهيمة بزاف ...و ينوض شياط و المياط ...محدنا خرجنا من رمضان هههه

باقي يالالة و ياسيدي شلا حويج مايدااار ....و مايتعمل

بخصوص تعطال هاد العامين الاخرين شوية عندي الامور مزيرة في حياتي ديال بصح مهيم امور شخصية مكينش علاش نصدع ليكم راسكم بيها ...زائد ضروري عندي و مؤكد نكتب في قصصي لخرين كيف نتوما قارئات لي كنحتارهم و غنحط ليهم تهما ...يعني بلا ديك الانانية هههه ديال كملي القصة عاد سيري لخرا ههههه

سويي باسيوني ا دريات هههه يلاه نخلكم كنحبكم ...غنرجع ليكم بدورة قريبا كنظن انشاءالله في هاد سيمانة منتعطلش بزاف