🌙حسناء القايد🌙
👑oumaima mega 👑
⚡149⚡
فخر الدين : تيعجبك طلعي هنا
حسناء هزت ليه غا راسها و هايمة بشوفها في عيونو و تتنطق فحال النسمة : ااه تنشم غا شوية دالهوا
فخر الدين تبشر من عينو : اجي معايا ...و شد ليها من يدها خبعها وسط يدو و جرها داها معاه غادي تيتمشى بنخوى ...و حسناء شدت غا بصبيعتها يدو و تتهز شوفتها فيه بالحشمة و القانون ...و ترجع تنزلها و هو غادي بيها و ليني فاين معارفاش ....تمشا بيها بشوية مع داك السطح الكبير و الواسع و ضرب بيها الدورة ...حتى تتبان ليهم جلسة على ري شوف تاع سلاطييين و مصايبة و مقادة بالقوس الزليييج ..و مفرشة بتقليدي و بالوسادات و طيبورات مصنوعين بالجلد الغالي ...و قبالتو مايدة داييرة و كبيرة و مزخرفة ...حطتها تاع الملوك و باااايننة للعما بلي هاد الجليسة تااعوو
حسناء غا مطرطقة الشوفة و تابعاه لاصقة عند درعيه مدوي متكلم و غا تتشوف في ديك الحطة ... كيف زينة و شانها عاليي فحال سيدها
لتحت في صالة تاع لالة سلطانة ...باقا الولية حاطة فطورها قبالتها و محطت لقمة في فمها حتى يجي ولدها ...و ليني تعطل عليها ...ربع ساعة باش سمعت صوتو و ليني حسووو مبانش عندها و هي تنده على عرشية
سلطانة : عرشيااا عرشياااا عرشيااااا ....جات عندها عرشية حادرة الراس : هاني ا لالة
سلطانة : فيين سيدك ؟
عرشية : لالة سيدي راه في السطح مع لالة حسناء و علمنا باش نوجدو الفطور ونطلعوه ليه للجليسة تاعو و مديريهاش مني قلة صواب ا لالة غنمشي نطلع الفطور قبل ما سيدي يتعصب ويبدا يغوت .... و مشات و شعلت لوقيدة في لالة سلطانة...خلاتها فايرة على الكسكاس ...حيت سي فخر الدين قباال مايطلع لعند حسناء ....عول على لفطور معاها... مداااام كسرت كلمتو و واخا ضربها رجعت طلعت لسطح هي عزيز عليها لجلسة فيه .... بلحق تجلس معاه هو ....بقات لالة سلطانة مطرطقة عينيها و حالة فمها نزل عليها هاد الكلام كيف الرعدة شللتها من راسها لرجليها ...عمر ولدها ولد كرشها ...من نهار حلت عويناتها مفطرت بلا بيه ...شحال جاو ديال العيالات و النسا ...قشلة تاع النسا قبل من حسناء غير بنات شكوون و شكوون .....عمرو فضل شي وحدة عليها و لا عطاها الشراف تكون معاه الراس في الرااس من غييرها هي ...واخا تكون عندو الف مطرقة و مطرقة ...تتبقا هي ثاج فوق راسو و ميبدا نهارو الا بالفطور معاها ...تا جات ديك بنت الهجيج بنت الوسخ و العفن لي فضلها عليها وبدلها بيها
نرجعو لسطح لعند سيد القايد ...و لالة حسناء ...طلق من يدها و مشا جلس في حطتو و جلستو معلي الشان بداك الجبدور الكحل ...اما حسناء في مكانها بقات ...واقفة وعاصرة على لوقفة معارفة تقدم معارفة توخر ...تهز فيها الشوفة و طبطب ليها بيدو تجي تجلس حداه ... حدرت عويناتها و خدودها تلونو بلحمر ...تمشات بخطيوات خفاف ... و جلست بعيد عليه في لقنت و غا في لرض مربعة رجليها وحانية عينيها... و كلها مبورشة...رفع حاجبو و آمرها تقرب لعندو
فخر الدين بحجبانو مقرومين : اجي لهنا ... ناضت بشوية عليها و جلست قريبة ليه و حانية عينيها ...هو عاد جاتو لبشارة و حلات ليه العين في شوفة و هي قريبة ليه و الحشمة مزيناها ... و هي عاد مزايدا تزير و تقرص و قليبها من كشوشها قريب يخرج ... حتى تسمع صوت عرشية نطقت : سيديي
أنت تقرأ
حسناء القايد (قصة رمضانية في طور الكتابة )
Romance⚠️جميع المواقف و احداث هاد القصة هو من محض الخيال ، اي تشابه في الاسماء او اسماء الاحزاب او اسماء فالامااااكن ، سواءا -كانت على قيد الحياة او عداد الاموات - بينها و بين الواقع ، فهو بمحض الصدفة لا اكثر ⚠️ ❌القصة ممنوعة من النشر او الاقتباس ...
