حسناء القايد (قصة رمضانية في طور الكتابة )

35

🌙حسناء القايد🌙
👑oumaima mega 👑
⚡113⚡

ناض وقف من مكانو ...و هي رجعت خطيوات بللور و كلها كتخرشش بالخلاخل

دار يدو من وراه و علا حاجبو : كتخافي زعمة ؟ باقي منسيتش ليك داكشي لي عملتي و دوك الرجلين الطوال فين طلعووك و باركة طلي من فوق الصور
حسناء خطفت شوفة و رجعت عينها لرض وقلبها تيترعد : كنت تنشم شوية الهواا تخنقت في داك البيت واش تالهوا غتقطعوه فياا
فخر الدين : بارااكا من لهضرة لخاوية و طولت اللسان مجبتكش هنا باش نسمع هاد لكلام ...خلاها واقفة و مشا لمكتب وقف قبالتو و هز برية و عطاها ليها بلاما يدور عندها : هاكي هاد الجواب قرايه
حسناء هزت عينها في الجواب و رفعت فيه الشوفة : و ليني انا منعرف نقرا منعرف نكتب
فخر الدين دار غير نص شوفة وهو عاقد حجبانو حيت عمرو جاتو مرا متتعرفش تقرا : علاش السي عبد السلام مقراكش
حسناء حدرت الراس : لا مقريت لا انا لا خواتاتي
فخر الدين زاد كمش حجبانو وهو تيشوف فيها : هاد الجواب من باك
حسناء طرطقت الشوفة : باااااا ؟ و شنوو فييه ؟
فخر الدين دور راسو و حل لبرية و كيدوز عينو على الجواب : كيسلم عليك و قالك بلي ختك لوبانة تخطبات ....و هي تنقز و تغوت من فرحتها في مكانها : تخطبااااات ههههه ....بدات تضحك و ترطا من مكانها فرحانة ...فخر الدين دار غير بشوية ..و كمش حجبانو تيشوف في تبسيمتها عمرها ضحكت ليه في وجهو ولا بينت سنيها ...زادتها فتنة على فتنة ... تبشر لضحكتها وهو رزين و عالي و تيشوفها في مكانها تتنقز و تضحك ...بلا هواه مشا لعندها بشوية و هي وقفت في مكانها وتشوف فيه و مقدرت تجمع تبسيمتها من الفرحة توصل ليها و علات فيه الشوفة

حسناء تناخد بالفرحة : بغيت نمشي عند واليديا نفرح مع ختي في نهارها
فخر الدين عقد الغوباشة : ياك تكلمنا في الحمام و قلت مكين خروج
حسناء هبطت التبسيمة و ضمت يدها : وليني هادا نهار ختيي خاصني نشوفها و نبارك ليها
فخر الدين : لا بغيتي ختك غانقولها لسي عبد السلام يجيبها تال هنا و في جناحك
حسناء بغات تبدا تطلب و ترغب : عافاك ا سيد القايد غا خليني ؟
فخر الدين كمش وجهو و زاد قرب ليها تا ما بقا يفصل بينو وبينها غير شبورة : شنو ؟ باش ندهتي عليا
حسناء هبطت راسها دغيا و قلبها كيطبل ويزغرت من قربها منو : س س سي القايد
فخر الدين حرك راسو و شوفاتو حد من الموس : انا معاك ماشي سيد القايد قولي فخر الدين
حسناء نزلت عينها تتحشم و تخجل : م م منقدرش
فخر الدين مكمش حجبانو : متقدريش ؟ (سكت شوية ) مهيم سيري دابا لجناحك
حسناء هزت فيه العين : و خطبت ختي
فخر الدين حمر فيها عينو قاطع فيها النفس : كلاامييي راه قلتووووو
حسناء رجعت بلور و دموع عندها دغيا يسيلو و هي تطلقها بالبكا : هيء هيء خليييت لييك الله خليييت ليك الله ربيي لي غيحاسبك على شنو تتعمل فيا منك لمولاك ...دعات فيه و خرجت باكية ...و خلاتو قابض حجبانو واش ضربتها تسطية و لا حماقت