⚠️جميع المواقف و احداث هاد القصة هو من محض الخيال ، اي تشابه في الاسماء او اسماء الاحزاب او اسماء فالامااااكن ، سواءا -كانت على قيد الحياة او عداد الاموات - بينها و بين الواقع ، فهو بمحض الصدفة لا اكثر ⚠️
❌القصة ممنوعة من النشر او الاقتباس
...
🌙حسناء القايد🌙 👑oumaima mega 👑 ⚡179⚡ و كملت شافية مشيتها راجعة لكوزينة ...و فاخيتة لحقت عليها من وراها ...دخلو من باب الكوزينة العريض و العاليي ....لقاو الخدم و العبيد واقفات مصافااات ...و حادرات العين للرض ...و حسناء واقفة و دايرا يديها على خدها و حجبانها قربو يتقرموو من كثرت التخمام ...غا شافتها شافية مشات لعندها في ساع شافية : لالة اش بيك ؟ حسناء دارت عندها تكلم و تنطق و حروفها كحلين يغرقو فيهم نسا و رجال : لقيتيني غارقة في تخمامي في اش نعمل لسيد القايد و على مجا في بالي نعمل للحم و دجاج تا لمبغاش من هادي يمشي لهادي شافية : تاهادا كلام ا لالة حسناء : وقلت نعمل شي مطيليعات (بطبوط ) و شوية الحلوة شافية تتبسم و تتنطق : كلامك هو لي يمشي ا لالة ( و دارت من وراها و عينيها على العبيد و تزادت فيها ضلعة حيت لالها حاضرة ولات الشوار شوارها و الري ريها ) سمعتو لالة اش قالت يلاه ريشو دجاج و وجدو للحم و ديفيو المااا (و هي تهز عينيها في فاخيتة لي بانت ليها كيف لفعة وقفت تدور عويناتها في لرض تتقلب فين تعض و هي تعمل يدها في جنابها ) فاااخيتة (هزت فيها فاخيتة شوفة حامية ) جيبي قدر الطحين للالة ... فاخيتة طرطقت فيها لعين حيت حاطة مقامها من مقام لالة حسناء ...حيت هي جاية غا من الدار الصغيرة معندها لا مال لا جاه ...دارت بسمها كتغلي و تشوط ...و حسناء دارت لجنابها و البشارة على وجهها اول مرة غتطيب لسيد القايد و هادشي مدخل الفرحة للقلبها...و العبيد غا تيجيبو ليها و يحطو عند رجليها ها الكمح (القمح ) ها القدر دالما الدافي و هي تتشوف اشنو ناقص و اشنو زايد ...و عطات لكل وحدة من الخدم اش تعمل و بداو شي تيقطع الخضاري شي تيريش دجاج شي تيقطع للحم شي تيوقد الفران ديال الطين ... و داكشي بالتل و تاوييل ....فاختة عمرت لقدر بالطحين و دارت تتشوف في حسناء زينة الجلسة كتقلب بيديها في داكشي لي حطو ليها ....و هي تم غادية لجيهتها و يديها هازين لقدر توصلت لحدها و طلقتو على طولووو تتششت في لرض حدا رجل حسناء ...لي قفزت من موضعها و هزت فيها عينيها مكحلة زينة بالكحل الحر و كاع الطحين عمر ليها جلايلها و شربيلها الدهبي و لرض لي حاطة رجلها عليها و فاختة قرمت يديها عندها و طلعت حاجبها لسما و قلبت عويناتها بسمها ...هادشي متستاهل بنت الهجيج
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
🌙حسناء القايد🌙 👑oumaima mega 👑 ⚡180⚡
و هي تنوض فاختة من موضعها و محمرة عينيها في فاختة : اش عملتي نتيا واش تعماو ليك العينين و لا تفالجو ليك اليديين فاختة تتلعب و دور بعويناتها و باينة عملتها بلعاني : طاح القدر من يدي اش نعملوو شافية فهماها و حافظاها كيف شربت الما : ايوا فاش يجي سيدي القايد و توصلو بايلا طيحتي لقدر ددطحين على رجلين لالة قولو هادالكلام لاما كنتيشي قادة تخدم كيف الخدم راه باب القصر وااااسع و عريض و الف عبدة و خديدم تعرف تشد و تزير على القدر ...فاختة ولات غاتحمر شوفة و تتفخ و تفش عليها و هي تنوض حسناء من موضعها تسايس و تقاد لخواطر : لا ا شافية مكين ما توصل لسيد القايد طاح لها من يديها (و دارت عند فاخيتة و عطاتها تبسيمة زينة ) اش سماك الله فاختة هازا النفس لسما تقول ضرتها : فاخييتة حسناء : صافي ا فاخيتة غير سيري شافية جيبتي القدر دطحين ...حسناء متقدرش تقطع لشي وحدة رزقها على ود قدر ددطحين و معروف سيد القايد كلامو قاسي و متيرجعش فيه شافية عينيها كيف البارود على فاختة بلحق غا جات في لالها متقدش تقولها لا اما تحفيها في فاخيتة : واخا ا لالة ...هدنت حسناء الشغل و رجعت جلست في موضعها ...و فاختة النفس هازاها و رجعت حدا صحباتها تخدم و تكنس على بنت الهجيج ...جابت شافية لحسناء القدر تاع الطحين ...و تما حسناء شمرت على دريعاتها و طوات كمايمها و بانو يديها بلقيين فيهم الدهب الحر الغاليي ...و بدات بالتل تاويل تخلط الطحين و الما في القصرية و غتبدا تعجن عجينتها ....كانت واقفة بين الخدم عبدة كحلة فحمية ...كتكرد الخضرا و عينيها على حسناء ...حاضياها بانت ليها تشغلت مع العجينة لي بدات تدلك فيها و حطت لموس بالهاداوة و ناضت نفضت جلايلها ...و بدات تمشا بشوية غادا خارجة تسلت شافوها لخديدمات و ليني ماداو مجابو فيها ...تمنعت و خرجت من تما
~~~~~~~~~~~ قبالت جناح الصبية وولاد سيدي فخر الدين واقفة عرشية تماا ماعرفة تقدم و لا توخر... واش تدخل و تقول للالة سلطانة اش واقع في كوزينتها و لا تخلي لسانها عندها ....حااارت و اول خطرة توقع ليها ... حيت هي معادية تخبر لالة سلطانة بالشادة و الفادة في القصر ...و ليني دابا حاجة اخرى و عاد زيد عليها لالة سلطانة آمرت ميزعجها حد و هي مع حفايدها و لا يجيبو ليها خبار شي حد لودانها ...و تاني لالة حسناء مدارت لعيب هي غا بغات تطيب لسيد القايد ...الحاصول عرشية بدات تميل جيهة لالة حسناء هاد المرة ...و دارتها في يد مولاها مغتقول والو ...خلات الباب و مشات طرقت طريقها ...و موصلتش خبارها للالة سلطانة
~~~~~~~~~في جناح شروووق كانت واقفة و عاقدة الغوباشة و هازا راسها للسما و قبالتها العبدة الكحلة الفحمية جالسة و تعاود و تبرول اش طاري و جاري في الكوزينة
شروق : كيفاش دخلت تطيب ؟ عيالات القايد ممنوع عليهم يحطو رجلهم تما هادشي في خبار لالة سلطانة العبدة : معرفتش ا لالة لي شفتو و سمعتو هاني قلتوو شروق بان ليها هادشي ماهواش : شنو زعمة سمحت ليها لالة سلطانة ولا دارت اش في راسها ؟ دادا عرشية ميمكنش متعلمش لالة سلطانة بهاد الكلام و تبقى ساكتة ؟سمعي نتي اش يتقاليك سيري و جيبي ليا خبارها واش لالة سلطانة دارية باش تيطرا و يجرا ولا راها غافلة و ناعسة على ودانها العبدة : واخا الالة ...و دارت خرجت من الجناح و بقات شروق تخمم تمااا هادشي ممزيانش حيت في عوايدهم و زمانهم الكوزينة دالقصر فحال السوارت نهار تدخليها و تولي تحكم في اش يتكال و اش مايتكالش تما غتولي هي مولات الدار و مولات الري و شوار ...و شروق دارية مزيان بايلا هادشي في يد مرة وحدة لي هي سلطانة
