⚠️جميع المواقف و احداث هاد القصة هو من محض الخيال ، اي تشابه في الاسماء او اسماء الاحزاب او اسماء فالامااااكن ، سواءا -كانت على قيد الحياة او عداد الاموات - بينها و بين الواقع ، فهو بمحض الصدفة لا اكثر ⚠️
❌القصة ممنوعة من النشر او الاقتباس
...
من بعد كلام فاطمة الزهراء ...شروق تعقد ليها اللسان و تعلات في شوفاتها البهضة ... و تتشوف في فاطمة الزهراء و تطلع شوفة في سلطانة ...لي كانت واقفة جدعة و مخرجة عينها فيها كيف الباروود ...حفيدتها تضرب و هي حية ...و متصادف كلام فاطمة الزهراء ...غا مع مجية ثورية ... لي وجهها تخطف بالصدمة ... شروق مقدرت تنطق بحرف ...و سلطانة عينيها ولاو كيف الجمر الحاميي ...و بحرا غتنطق و غتدوي ...تا كتبان ليها ثورية جات قبالت شروق ...و علاات يدهااا حتى علااتها....و نزلتها على خد بنتها ....طرااااخ ...تا راس شروق دار والدمعة خرجت تجارا من عينها و صباع مها ترسمو في خدها ....حسناء شهقت و دارت يدها على فمها و دراري من وراها تاهما تبهضو من شنو شافت عينيهم
ثورية مخرجة شوفتها في بنتهاا : هاااد الطرشة ابنت كرشي غتعقلك في مقامك و ترجعك لييه باش فينما تشوفي لالاك فاطمة الزهرااء تفكريييها و تضربي حساب تا دوزي من حدا خيالها .... شروق شدت من حنكها و دموع يتسابقو في خدودها و هي تتشوف في مها اما لالة سلطانة فمحيدتش عينها عليها ...جاتها فحال الدفلة الحارة متسرطتش ليها ...ثورية كمشت في شروق من دراعها و زيرت عليها ....و لاحتها تاطاحت شروق عند رجلين سلطانة و فاطمة الزهراء غاصبية ...تطل من ورا جداها مفاهمة اش عملت و لا اش قالت غا تتشوف
شروق تحجرو الدموع في عيونها و هزت شوفة دندامة و خدها تيزدح عليها و هي تتشوف في فاطمة الزهراء : صفحي عليا ا لالة فاطمة الزهراء (فاطمة الزهراء غا تتشوف فيها و شروق هزت راسها في سلطانة و رجعت نزلتها دغيا حيت شوفتها كانت قتالة ) سمحي ليا ا لالة سلطانة عمر داود يعاود ولا يدي تمد مرة خرى على لالة فاطمة الزهراء سلطانة نفرت و تغززت بسنيها : ديك الساعة غنقطعها ليماك من الجدر لا سمعتك دزتي في ساحت ولاد سيدك راه الاولى ليك أوالثانية درتيها بيديك (و دورت يدها حطتها فوق راس حفيدتها ) محد جداك حية ابنيتي لي حط غير ضفرو عليك غيتقطع ليه الراس (ثورية تزعزعت من مكانها حيت بنتها هاديك و كبدتها ) ....اما شروق فا بركت غتدمع موطية راسها حدا رجلين سيادها ....اما من ورا صور تاع الدروج ...حسناء وسعت تبسيمة فرحانة ...و دارت عند الدراري فردوس و معاد تبسم ليهم و يتبسمو ليها فحالا تفكو من الجيحة الكحلة تاع شروق سلطانة علات الصوت تا زعزعت بيه العبيد والسياد و ردو عليها قواس قصرها : عرشياااااااا عرشياااااااا ....مكملاتش ندهة التالتة تا تتبان ليها عرشية جايا تجااارااا و جامعة يدها ....و جاية من وراها شافية خديدم حسناء ...تسلت و تجبد في ودنيها باش تسوق خبيرات
عرشية وقفت موطية (حانية راسها)راسها قدام سلطانة : نعام ا لالة سلطانة : فاااين معاااد و فردوس ؟ ....حسناء هنا جبدت عويناتها حيت دراري هنا معاها
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
