🌙حسناء القايد🌙
👑oumaima mega 👑
⚡60⚡
بقات طالعة في دوك الدروج الطواال و العراااض ....حتى خرجت في السطح لي كان عرييييض و عاليي و فيه الزروعاات كيتشمشوو و الكبال كيكرم و الكديد كيتنشر ...حسناء مطرطقة عينيها وهي كتشوف وتنضر ضو الله و الشمس بارقة و الهوااا لي كيطير ليها سالفها ...خدات النفس لي كانت مخنوقة ليها ...و شمات الهوااا .... لي كان محبوس ليها و تبسيمة بانت على فمها مشات بين الزروعات تتجريي للصور ...لي كان قصير حد نصها ...و حطت علييه يدهااا كطل شحال بعييييدة على لرض من هنا و الجردة زاهية و عامرة عسااا ...و الباب الكبير مسدود ...و صووور عاااالي و الشجر كيبان
شافية طلعت من وراها : لالة لالة راه ممنوع تجي لهناا
حسناء غمضت عينيها تشم الهواا : الله على نسمة ربيي (و رجعت فتحتهم في السما ) بغييت نخرج من هناااا و نرجع عند واليدياااااا مابغيتش نبقا هناااا بغيييت نمشييي فحاليي و نرجع منين جيت
هدر صوت رجالي في المكان : حبس ياك ؟ ....قفزت حسناء من مكانها و دارت تشوف الصوت منين ....كانت وحد الجلسة زاهية ديال الناس الكبار ...جالس فيها هاداك الشاب لي حمر فيها عينوو ..متكي على الحيط و كيتنشوا بنسيم السطح ...شافية غير شافت السي عبد الصمد تما نزلت الراس و سكتت و مرة مرة دور من وراها لا يكون جاي شي حد حيت غيخاصمو عليها هي و لالها .... حسناء حنات لعين و رجعت جوج خطيوات بللور ...عبد الصمد ناض من موضعو ...و تمشا جيهتها بالثقالة و دار ووقف وحط يدو على الصور كيشوف بعييد : بنتي ليا مختالفة على نسا فخر الدين لي دازو نتي وحدك لي عرفتي بلي هادا حبس ماشي جنة (حسناء تهز فيه العين ا من لتحت و ترجع شوية بلور وهو عينو سارحها بعيد و دار شاف فيها و تبسم جنب ) باعووك لييه ياك هه بلا شوارك بلا ريك هادا هو سي القايد فخر الدين لي بغاها كيشريها ... حسناء كتشوف في لرض في جنابها و دارت و حطت يدها على صور و ريح كيلعب بسالفها و هبطت عينيها و حركت ليه راسها بأيه متواااافقة مع كلامو
عبد الصمد دار قبالتو يسرح الشوفة في الشجر والنخل : هاداك انا لي عاشرتو وعرفتو شيطان بسيفة انسان واقيلة ضهر ليا انا وياك غنتوافقو
حسناء فتحت عينها بلاما تهزهم فيه : انا مابغيت نتوافق مع حد بغيت غير نخرج من هاد الدار و نرجع منين جيت
عبد الصمد ضحك جنب : تخرجي من هاد الدار ؟ حتى حد مكيعتب باب هاد القصر إلا بشوارو و كيف بغا هو و حتى لاو كان وخرجتي حتى كيفوت فيك الفوت و كيكردوو عظامك و مايخليو فيك ميتكاال
حسناء كيزيد يخوفها من فخر الدين بهاد الكلام : عمري في حياتي ما حكنت على شي حد (حقدت ) حتااال لهاد سيهم فخر الدين
عبد الصمد : حتا انا حالف حتى نحرق هاد الدار بكااع لي فيها و نبدا بداك سيهم فخر الدين هو لول ...حسناء شافتو من تحت العين الحريقة و هاد الكلام الكبييير مكيفهمو عقلها الصغير ولا كيستلغاه
عبد الصمد دار عندها : شميي لهواا مزيان قبل ماينزلوك لحبسك و يخنقوك بجوالق الدهب ولبس الحرير ...لاح هاد الكلام و خلاها و فحالا كب الملح على جراحها كلامو كلو صحيح في صحيح و دار تمشا غادي نازل فحالو من الدرج و تبسيمة جنب على فمو حاقدة
أنت تقرأ
حسناء القايد (قصة رمضانية في طور الكتابة )
Romance⚠️جميع المواقف و احداث هاد القصة هو من محض الخيال ، اي تشابه في الاسماء او اسماء الاحزاب او اسماء فالامااااكن ، سواءا -كانت على قيد الحياة او عداد الاموات - بينها و بين الواقع ، فهو بمحض الصدفة لا اكثر ⚠️ ❌القصة ممنوعة من النشر او الاقتباس ...
