⚠️جميع المواقف و احداث هاد القصة هو من محض الخيال ، اي تشابه في الاسماء او اسماء الاحزاب او اسماء فالامااااكن ، سواءا -كانت على قيد الحياة او عداد الاموات - بينها و بين الواقع ، فهو بمحض الصدفة لا اكثر ⚠️
❌القصة ممنوعة من النشر او الاقتباس
...
〰️〰️〰️〰️〰️〰️〰️دازت نص ساعة و باقا حسناء غير تحط يدها بشواية عليها و تاكل ماكلة الفكرون ... و تهز غا نص عين تلقاهم مزال واقفين جامدين في مكانهم ...هي عيات و مقعدها طاب و هما مبغاو يتحركو ....قفزها صوت عرشية : ساليتي ا لالة حسناء : ءءءءء ؟ ل ل لا مزال ...و حطت يديها تاني تاكل بانو ليها ماغيمشيو تايديوها ليه ...شدتها الغبطة و الغبنة و قلبها يفرفر بالخلعة ...دورت عينيها لديسير كيبان ليها موس واقف سرحت فيه الشوفة ...واش تهزو وليني اش غدير بيه ...عرشية حافضة النسا وفعايلهم بانت ليها كتلعب بالماكلة هي شبعت عرشية عاودت ليها سؤال : سالييتي ا لالة ....حسناء هزت فيها راس و باينة شبعت و تخمت حيدت يدها بشواية عليها هادا جهدها ...عرشية دارت عند فاخيتة بالعين باش تهز داكشي ... فاخيتة تقدمت و تحنات بحرا هزت الصينية ...و هي دور لحسناء في الخوا و تقاست على طبك النحاس تاع الديسير لي فيه الموس : خليو ليي هاديي خليوها لياا ...فاخيتة طلعتها و نزلتها شافت فيها تريكة الجوع
عرشية تنهدت : خليو ليها طبك الديسير و كلشي يخرج من هنا ... فاخيتة حيدت ليها صينية من تحت يدها و ناضت وقفت و مشات هي والعبدات خرجو براا غا سدو الباب و هي تطلقها فاخيتة : يخ على خليقة الحنة حرشة والماشطة عمشة والعروس بوهزاز وزايداها بتعواج كثر من بنات الدار لكبيرة كيحساب ليها معارفينش اصلها و فصلها تمن ديسير تلاحت عليه فحال الجرانة الجيعانة
〰️〰️〰️〰️〰️〰️ عرشية : نوضي ا لالة دابا من تما ...غا قالت ليها ديك نوضي نوضت معاها قلبها ...حطت الطبك و ولات تخمم كيف دير تهز الموس تحت من عينيها ...و هي تبدا تنوض بشوية بشوية ...و عرشية دارت عطاتها بالضهر ...تما الشويطينة الخوافة هزت مسيكينة الموس خباتو تحت جلايلها و كلها تفتف عمرها نوات بيه شي حاجة و تادابا معارفة مادير بيه الخلعة و البكية لاصقة ليها في حلقها.... عرشية مشات لجيهة السرير قاداتو و نفضاتو بيديها و هزت عينها و دارت عند حسناء : اجي ا لالة جلسي هنايا تسناي سيدي حتى يجي ...حسناء هزت فيها الراس مصدومة كان يحساب ليها هي غيديوها لعندو زدق هو غيجي لعندها ...زادت تخلعت كثر وكثر ...و جات تمشا لعند عرشية لي جلستها فوق السرير و هي غا مخبية الموس تحتها ...هزت عرشية شبكة بيضة حطتها على راسها تخبيها على حساب الاصول و تقاليد ....و لصقتها مع خيط الريح
عرشية : غير تسناي ا لالة حتى يجي سيدي راه مغيتعطلشاي عليك ...من حدها تقولها ليها و هي تتكب عليها سطل ما بارد ...و خلاتها جالسة مع فعالها و عمالها و مشات خرجت من الباب ...و سداتو عليها من وراها ...و جمعت يديها مضمومة و مشات كتمشى في داك السطوان ...بعدت تا بعدت ووصلت قدام وحد الباب كبير و عالي الشان هزت يديها و دقت دقة وحدة خفيفة ....تاسمعت صوتو الرجالي القاصح من لداخل : دخل
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
