🌙حسناء القايد🌙
👑oumaima mega 👑
⚡84⚡
شروق قلبت عينيها لسماها هادشي نيت لي بقا ليها غا تشوف خناين ولاد الهجيج قبالتها ... فحالا عندهم الدياموند و سامحين فيه و هي كانت غا فاخرة كحلة عايفينها تاغسلو ليها عاد عطا فيها الضو
حسناء شادا خواتتها بيدها بجوج و مرة بوسة في حنك القاسمية مرة في حنك لوبانة .... و خواتتها يبوسها و يرجعو يشوفها تبدلت عليهم و زيانت و لابسة الدهب و الحرير و كتبان فيها ...بنت الدار لكبيرة و عروسة سيد القايد ...عجبهم الحال واخا تشهاو يكونو في مكانها ...اما هنية غا تكبر و تسبح ببنيتها ....اما حسناء مهامها كاع هادشي كتبرد فيهم الشوق و القهرة و الحكرة ...و تبوس فيهم ... دازت عليها هاد ليام كيف العوام على قلبها و تبكيي و تهرنن : توحشتكم توحشتكم
هنية : توحشت بنيتي ....عاد جا باها عبد السلام هو لخراني ....عنقاتو فحالا كان في غيبة و البكاوات غا نازلين من عيونها : توحشتك ابااا مشفتكش فاش كنت ماشياااا ...و حيدت منو نيفها حمر و دموعها شلال وسط ضحكتها
عبد السلام : هانا بنيتي جيت تال عندك غير قوليليا نجي نزور بنتي ...حسناء هزت ليه يدو و باستها و باست ليه فوق راسو
هنية نزلت لعين و هي تلقا رجل بنتها مجبرة : اربييي اش هادااا اش طرا لييك ابنتي في رجلك ....باها و كاع خوتتها نزلو عينهم لرجل لمضروبة ...حسناء ولات غا تقرق في عويناتها متصيب تقول هروب ماتصيب تقول انتاحرت والاهتا تقرصصها مها
نطقت سلطانة و تكلمت : راه غير كانت بنتي حسناء تتجرا و تنقز تاطيحتها العتبة ديال الباب
هنية دارت و حمرت في حسناء العين : و تبثي تبثي و حصنييي ...حسناء نزلت عينها متقدر على شوفات مها
هو ينطق سيد القايد و حنحن في مكانو ...تاكلشي قاد وقفتو ...هنية و بناتها حدرو الراس ...و حسناء حنات راسها و تشوف فيه غا من تحت العين و شادة من دراع باها
فخر الدين : كنرحب بيكم مرا خرى وليني عندي خدمة مهمة مانصيبش نضايفكم الحاجة غاتكلف بيكم خودو راحتكم (و دور غير عينو عند الحاجة هز حاجب زعمة يعول عليها و هي ترد عليه براسها ) ...و رجع الشوفة في مرتو الصغيرة لي غير عويناتها السود لي كيطلو ... و شوفتو شرقية رجالية شكون ما كانت المرا التفافا هو يهز يدو و مسح شوية على فمو ... وسعت عينيها و رجعت حدراتهم مغطية فمها ..و تخبا من ورا باها و رجع ليها لون الدم في وجهها ...و دار ضرب بسلهامو لور كيتمشا غادي ....عبد السلام طلق من بنتو و مشا تابعو : سيد القايد سيد القايد
وقف فخر الدين نافخ ريشو كي الطاووس : شنو كين ؟
عبد السلام : بغيت نتكلم معاك فشي موضوع
فخر الدين : تكلم هانا كنسمع
عبد السلام : موضوع شوية خصوصي ا سيد القايد
فخر الدين : معنديش الوقت دابا غاتمشي معايا في الطريق و غنسمع ليك ...عبد السلام حرك ليه غاراسو تازاد سي القايد ...دوا مع هنية بيدو بلي غيدوز عليها يديها هي ولبنات ...خرجو من القصر من الباب الكبير
أنت تقرأ
حسناء القايد (قصة رمضانية في طور الكتابة )
Romance⚠️جميع المواقف و احداث هاد القصة هو من محض الخيال ، اي تشابه في الاسماء او اسماء الاحزاب او اسماء فالامااااكن ، سواءا -كانت على قيد الحياة او عداد الاموات - بينها و بين الواقع ، فهو بمحض الصدفة لا اكثر ⚠️ ❌القصة ممنوعة من النشر او الاقتباس ...
