🌙حسناء القايد🌙
👑oumaima mega 👑
⚡24⚡
〰️〰️〰️〰️〰️〰️القاسمية دارت عند حسناء لي غا واقفة في بلاصتها متحرك ما تكلم
القاسمية : سيري عندو دابا لفين كتلقاو الى كان راجل و سيد الرجال غايجي و يوقف قدام بااا و يقول من حسناء خلاقيت و غادي نتهلا فيها و نحطها فوق راسي و الى تساخر بللور و مابغاش غترجعي لهنا و غتحدري الراس و غتزوجيي بسيد القايد ...حسناء كتسمع ليها و تحرك رويسها... الهوى و الغرام باينين في عينيها و هي عارفة شنو بغا قلبها و شنو تشهى سي محمد راجل و غيوقف كلشي عند حدووو و اولهم داك سيد القايد لي جا و بصباعو نيش عليها ....هي مالييه ما لغيرو هي غير لسي محمد ...دارت دغيا كتجريي مشات لبيت مهااا هزات الحايك تصايب فيييه و تلوي و دارت اللثام على فمها ...و مشات تجريي هزت بلغتها لي مغبراها حطاتها في رجليها ....حلت ليها القاسمية الباب و هي خرجت التسلت و بعينيها كبار دورهم ليمن و ليسر ...تخاف لا شي حد يلمحها ... من جيرانهم حتى فاتت زنقتهم و شدتها بجرية وحدة تال القواس فين موالفة تلاقا بزلالها (حبيبها )
〰️〰️〰️〰️〰️〰️〰️〰️في المكتب تاع سيد القايد واسع و عالي ...فيه فوطايات لي كانو قديم نازليين و منفوخين بالريش الجلسة فيهم مايتسخاش بيها ...جالس فيهم سيد القايد بجلابيتو و سلهامو فوق كتافو و رجل على رجل مفرقها ... و شاد بين يدو ميلف مكتوب بكتبة مطبوعة و حجبانو كحلين غرييين مقرومين و عينو مقوسين في الميلف و حداه تسابيح و على جيهتو ليمن صندوق بالفضة كبير شوية ...و قدامو طبلة دالخشب منقوشة بيدين الصنايعية الكبار ...محطوط فيها شلا ماكلة و شاراب لي تشوفو العين تفهااا ....الحلاوي بشكايل و النوايع و صينية داتاي زيينة ... حتى تدق الباب دقة وحدة و دخل الشاوش ...سيد القايد هز غير عينو نصاصية بحاجبها
الشاوش : سيد القايد سي الحاج التهامي عند الباب
فخر الدين سد الملف لي في يدو و مدو ليه : دي هادا لعبد الحفيظ و دخل سي التهامي... و رجع شد من تسابيح يسبح فيه .... الشاوش معاودش من وراه الكلام هز من عندو الملف و خرج و هو حال الباب ...حتى دخل عندو الحاج التهامي محيد الرزة ...و كيزيد في سي عبد السلام لي داخل مبهوض و عينو خارجين هادشي عمرو شافو و عمر رجلو ما تحطات في مكان فحال هادا ....دور عينو حال فمو ...حتى بان ليه سيد القايد جالس زيين و عااالي و مقامو من مقام لسياد ...زلق للحاج التهامي مابين يدو و مشا يجري عند سيد القايد باش يبوس ليه يدو ...فخر الدين كان عينو عليه كيف النسر يشوفو من ساسو تال راسو حتى بان ليه جاي قاصدو و نزل يبوس ليه يدو ...هربها منو ماعجبو حال : استغفر الله ...جا التهامي يجريي حيد عبد السلام من سيد القايد حيت غير زلق ليه ...هو عارف بلي سيد القايد مكيبغيش لي يبوس ليه يدوو
عبد السلام كتبان فيه مغلوب على حالوو : سيديي
فخر الدين دوا غابيدو لي فيها التسابيح ووجهو مكمش بالجدية : جلس اسيي
عبد السلام : عبد السلام اسيدي
فخر الدين : جلس اسي عبد السلام ...جرو التهاميي جلسو قبالت سيد القايد حيت عارف شداتو دوخة قدام سيد للقايد
أنت تقرأ
حسناء القايد (قصة رمضانية في طور الكتابة )
Lãng mạn⚠️جميع المواقف و احداث هاد القصة هو من محض الخيال ، اي تشابه في الاسماء او اسماء الاحزاب او اسماء فالامااااكن ، سواءا -كانت على قيد الحياة او عداد الاموات - بينها و بين الواقع ، فهو بمحض الصدفة لا اكثر ⚠️ ❌القصة ممنوعة من النشر او الاقتباس ...
