حسناء القايد (قصة رمضانية في طور الكتابة )

58

🌙حسناء القايد🌙
👑oumaima mega 👑
⚡166⚡

فخر الدين كمل قراية ديك البرية و حواجبو معقودة فحالا منعرف شنو تيقرا ...حتى كملها و ناض من مكانو ووجهو ماعليهش شي بشارة ...تمشا ووقف عاطي بضهرو لمصطفى ...و دار يدو من وراه و علا راسو لفوق

فخر الدين : امتا وصلت هاد البرية
مصطفى : عدل الجلسة و شبك يدو : وصلت غير ليوم ا سيد القايد بان ليا بلي وصل لوقت باش تمشي لمصر هادا رأيي ورأي تا سي عبد الكريم الخطابي (مقاوم عضيم مغربي ريفي الاصل ) خاصك تطلع لتما حيت مبقا والو لضربتنا ضد العدو ولي مغتكونش ليهم على البال
فخر الدين هز براسو بشوية و دورو جيهة مصطفى غا نص دورة و معلي الغوباشة و نطق : وجد ليا الطيارة لمصر لازمني غدا ولا بعدو نكون تما
مصطفى ناض من مكانو : لي تأمر بيه ا سيد القايد دوز بخير ...هز ليه فخر الدين غير براسو و مصطفى مشا متجاوزو في طريق الباب

~~~~~~~~~~~~في جناح الطاووس ...هنية ناضت وقفت جدعة تسول في القاسمية مالها تلهت خوفانة ....القاسمية حيدت غير حايكها من فوق سالفها و تتقرب من يماها و تلهث وباقي فيها الخلعة دقبيلة : والو ا مي غير و انا ماجية في الطريق طيحت القدر تاعت الماا
غا سمعتها هنية بين ودانها و هي تهز يديها و خبطتهم مع جنابها : هااااوليي على طيحتي قدر دالما في دار سيد القايد
القاسمية قفزت من مكانها و ردت عليها : كنت ماجية نجري و تدلاو شراوطي على رجلي و تلاح القدر من يدي
هنية دارت تخبط في جنابها و تلووم و تويل و مشات جلست في المخاد و ربعت رجليها و شدت من راسها : هاناري هاناري على بنات هنية جاو لدار سيد القايد و عجبو و شكلو فييها و راك الكبيرة لي محزمة بيها و مسرجة بيها منين نتي و درتي هاد الفعلة اش غيديرو لخرينات اش غيعملوووو ...القاسمية حنات الراس حيت معارفة باش تجاوب و حكايتها حكاية لا سمعتها اش عملت و بايلا خرجت في راجل بلا حيك و شدها من درعيها معرفتو تا شكون يكون
حسناء جالسة مبندرة في رجليها شافت يماها زادت فيه و ردت من الحبة قبة هزت كتافها و هضرت : موقع والو امي دابا يجيو لخدم و يجمعو و يجفو الما
هنية هزت فيها الراس و علات عليها حلقها : اش تتخرفيي شنو غيقول علينا سيد القايد هماج جاو لقصرو و مخلاو فيه معملوو كي غيكون وجهك قبالت راجلك وناسك (رجعت شدت من راسها و تهوني ) هاويلي هاويلي على بنات هنية مربيت مكبرت غيحطو وجه ختهم و باهم في الثراب ...رجعو كاملات حدرو الراس تمن حسناء حدراتو
هنية و هي ترجع تفركع في كمارة تاعت حسناء : و دوييي نتييي اش عرفك بمحمد ولد زبيدة ءءءء؟ دوييي ؟ ....حسناء هنا طرطقت الشوفة ولاو الدريات غا يويلو و توحدة مقدرت تدخل بيناتهم و لا تكلم في مقام مها ...تيخافو من يماهم في الما ...و حسناء ديما تتعملها قد راسها🌙حسناء القايد🌙
👑oumaima mega 👑
⚡167⚡

حسناء ولات غتقرق في عويناتها و دورهم و يديها و ركابيها بردو عليها قبالت مها بدات تمتم و تدخل و تخرج في الكلام : غ غ غير فاش كنت تنخرج بلا شوارك نجيب الحلوى فايت تلاقيت ب ب ب بخالتي زبيدة و كان معاها ولدها و هي لي خبرتني بسمو و بوجهو
هنية : وهااادشييي لاش مكنتيييش تقوليليا عليه (حسناء هزت غير كتافها حيت معندها متجاوب و رجعت هنية تضرب في راسها ) هاويلي هاويلي جاو حتى لمقام سيد القايد و غيشوهو بباهم الله يربي اش بليتيني بهاد الجنوس....حتى سمعو الدقة في الدفة ....كاملات هزو الراس في الدفة
حسناء نطقت بينهم : شكون ؟ ....جوبتها شافية من ورا الباب بلي غير هي ...و خبرتها تدخل ...تما هنية سكتت متدويش قدام الخدم تكوي لسانها و متكلم على خبارات بناتها قدام شي حد ...حلت شافية لباب و دخلت هازا في يدها قدر تاع النحاس معبي بالزيت دافي ...تقول دهب كيبريي ....جات قربت للالها تتشوفها مشبحة و طالقة رجلها
شافية : لالة رجعت تدرك رجلك انا نمسدها للالة تترجع بصحيحتها ...تساخرو لبنات لور و شافية جلست عند رجل لالها في لرض و شدت رجلها لي فوق السرير تمسد فيها ...و تهدن فيها ...هنا هنية حدرت الراس تخمم و تندد غا وحدها معجبها حال بناتها كيف الهبلات في المقام الكبير خاصهم يتحزمو و يترزمو ....و حسناء شافت وضعها تهدن و رجعت تسول في خاطرها و في قلبها لي من قبايلة و هي مصنة (حجرة ) محطوطة فوقو ...تخلط عليها كلشي شوفتها لمحمد بدلت ليها عقلها و تخمامها .. من بعد فراق طويل مع زلالها رجع شافها في بيت راجلها معرسة ....نزلت دمعة سخية على خدها و حدرت الشوفة ...و من جيهة خرى تفكرت راجلها سيد القايد عالي المقام و الباهية ...كيف جا من وراها و حط ليزار فوق راسها قبالت عين زلالها لي نطقت اسمو في دارو .... و بلا متعقل على راسها ...دمعة الثانية نزلت على خدها و بدات تطيحهم فحال الحجر الكارم تانيفها تلون بالحمر ...و قارمة على فمها باش متخرجش الصوت ...القاسمية لي كانت واقفة تما بانت ليها ختها الصغيرة تتبكي صغرت لعين و دورتها في راسها ...غيكون محمد سبابها حيت دكراتو يمها قبالتها ...قرمت الشوفة و هادشي معجبهاش حيت عارفة ختها مزوجة و لازم عليها متفكر متخمم في راجل غير راجلها حيت هي حرمتو و خاصها توعيها و تفيقها و تحط ليها عقلها في راسها ...حيت هادشي واجبها كختها و ليني باش تكلم معاها مقدرتش قبالة يماها خاصها تخلوي بيها و تفقهها وليني كيف غادير ليها ....شافية تاهيا لمحت لالها تبكي و هبطت الراس باين رجعت دخلت في حزنها لول ... يلاه حسناء غتبدا طيحهم حتى تتبان ليها القاسمية جات جلست في سرير حدا رجلها ...دغيا دغيا بدات تمحي في الدمع لي على خدودها