🌙حسناء القايد🌙
👑oumaima mega 👑
⚡14⚡
〰️〰️〰️〰️〰️〰️〰️〰️〰️في وحد المكان من الزناقي الشعبية بعييد و غارق وسط الزنااقيي ... و فيه باب مقابل باب و مفتوحين على بعضهم ...كانو نسا فيه لا حشمة لا حيااا الشعر مطلوووق و لابسين لبيرمييداا (سروال قطن قصير ) تيدوورو بيها و الكحل و العكر ...و الدونيي معري ليهم الدراع والصدر ...كانو الخانزات تاوع الزهو لي تيتمتع في لحمهم الغادي و الجاي ...كانت البلاصة مطرطقة بجيش الفرانسيس ...و الجنود تمااا تيدوورو بلا وااليي ....كثاريين و تيدويو و يهدرو مع الدريات و هما باركين على القجيم و الضحك ...و يديوهم للديور البالية باش يقديو حاجتهم ....في وحدة من هاد الديور المفتوحة ... كان لداخل ديالها مضيق ... وسطها مراح عريض فوقو الضواية ...تما كانو النسا بزاف و الضحك و النشاط ...و الشطيح غير بشبر تاع التوب الرهيف لي كيبين ...الصدر و العورة ...و باركين و يتمايلوو ...قدام وحد الجلسة تاع السدادر دايرا على وحد الطبلة فيها الويسكي تاع الفرنسيس....و محطوطة الشيشة تما كانت ليها بااال يلاه دخلت عند المغاربة ....و باركة توقد فيها وحدة من الخانزات ...كان جالس تما شاااب طويل و عريض ...عينو حومر و شاد عصا دشيشة في يد ...و شعرو هابط على جبهتو ... و كيبخ في الدخاان ...و حاضي النسا كيميلو حدااه ...حتى سمع حس الغاشي دور غا عينووو ...كيبان ليه عباااس دخل و شرف على مقام العهر
عباس حاضي الدريات لي غاشافوه بداو يضحكو و يتبسمو : باقيين سهرانين حتى لدابا ...و تبسم جنب و دور غا عينو لقا داك خينة كيبخ و يشوف فيه كيعرفو مزياان ...دار و تمشا لعندو جلس حدااه و دار تبسيمة من تحت الموسطاج : عبد الصمد يكما جرا عليك سيد القايد فخر الدين ههه
عبد الصمد حيد العصا دشيشة من فمو و نفخهاا : تنكونوو كنشوفووه بعدااا
عباس : راه قلت ليك اجي معانا و نتا مكتسمعش ديك البلاصة لي عند فخر الدين ميستهلهاش خاصنا نطيروه منها
عبد الصمد و قرب لعندووو : انا مبيغتوش يطير انا بغيتوو يمووت ...و كنزز على سنانو
عباس ضحك حتى بانت ليه ضرسة المسوسة : ههههه باقي على موتو الحال داكشي بشوية بشوية نبداو معاه بالهداوة ينساحب من جيش التحرير و يجي لحزب الاستقلال و يكون ديك الساع في صفنا لاما بغاش غنديرو شرع يدينا
عبد الصمد رفع حاجبو : و شنو رباحي انا ؟
عباس تما تسخر لور تكا على الوسادة : دابا دويتي
~~~~~~~~~~~~~~ في وحد الشارع عريض و كبيير ....بناياتوو كبار و عاليين فحال بنايات تاع الفرانسيس ....داك الشارع تعرف بكثرة الادارات ... و قوة الطموبيلات غا الفريييع ....و قدام اكبر بناية تمااا عالية و عريضة مكتوب عليها "غرفة التجارة الدولية " هاد الغرفة بدات هي لي شادة تجارة ديال المغرب من ساسها تال راسها ...متقام حتى حرفة و لا تجارة الا لا كان طابع مختوم من عندهم تمن الفرانسيس خاصهم ختامو و طبعتو ....العسة عليها كبييرة جيش التحرير دايع ببارودو في كاع القنات ...مكينش لي يتفافا قدامهم ....اتا وقفت طموبيلة السي القايد فخر الدين الشافعي ...الرااايس تاع الغرفة التجارية
أنت تقرأ
حسناء القايد (قصة رمضانية في طور الكتابة )
Любовные романы⚠️جميع المواقف و احداث هاد القصة هو من محض الخيال ، اي تشابه في الاسماء او اسماء الاحزاب او اسماء فالامااااكن ، سواءا -كانت على قيد الحياة او عداد الاموات - بينها و بين الواقع ، فهو بمحض الصدفة لا اكثر ⚠️ ❌القصة ممنوعة من النشر او الاقتباس ...
