🌙حسناء القايد🌙
👑oumaima mega 👑
⚡93⚡
و سلطانة غاتموت بالفقصة ...و هي متبعاها تقول تتعفس على قلبها .... و هزات البراد تال سما تكب ليها ...و حسناء غير تلعب بجلايلها ...و بزز تا كتقدر تهز عينها قبالتها ...كتلقا القايد كيدوز بيها اتاي و كيتنشوى بزينها و وجهو مبشور ... حسناء قلبها ولا كيضرب و خدودها توردو ...معرفتش اشتاني واقع فيها و شنو مغزى هاد الشوفة لي تيشوف فيها
سلطانة حطت الكاس مخبوووط قبالتها و تحت من سنانها دوات : هاكيي ابنتيي خوديي ...حسناء قفزتها و دارت عندها مطرطقة عينها و باينة في المرا متتحمل فيها الشعرة ...خدات من عندها الكاس واخا حامي و سخون لقاتو لفمها و صلقت بيه لسانها ..و غاتتخطف شوفة من سي القايد و تنزلها تاني و يديها بداو يترعدو و يتفتفو ... و سلطانة دفعت ليها طبسيل لحلوى : خودي ابنتي الحلوى ...حسناء غاتدور تشوف فيها كتلقا عينيها كيف جمرات عليها و تقول ياربي السلامة ...خدات حليوة كتاكلها ...و ضاربة السكتة و مرة مرة تتهز لعين في فخر الدين ...تلقاه عينو مكتغيبش عليها ... فخر الدين طواال هاد المرة في الجلسة يشرب اتاي و يتنخوى ....حتى كمل وسالا و ناض عدل الجلسة ...و حط الكاس قبالتو ...حسناء هزت غا نص عين غا تشوف ...تابان ليها حنا راسو و باس يد سلطانة و رضات عليه ...و هي تفكرو فاش باسها في خدها قبالتها ...معرفتش واش غيعاودها ليها بدا قلبها يضرب يضرب غايخرج من مكانو ....و فخر الدين ناض من موضعو و دور فيها لعين لقاها حدرت العين ...توجه ليها و هي حلفت تتبقا في مكانها ووتصبن في جلايلها ...و توثر شاد فيها كتحس بالسخانة طالعاها ... سلطانة مخرجة عينها تشوف في ولدها ماشي فعايل فخر الدين هادو...عمرو عطا لنساه هاد القيمة ...وصل قبالتها و نزل لمستواها ...كيشوفها كيف كتهرب بعويناتها ...حط يديه على كتيفاتها و نوضها بشوية عليها توقف على رجليها لمجيبرة ...و مكتشوفش فيه ...خدودها تيتوردو و سخونية طالعها من ساسها لراسها ...و ميل وجهوو قبل مايلمس خدها تزيرت و غمضت عينها ...تاحط فمو على خدها و تقرصت من خصرها ...و فتحت عينها وهو غرق البوسة و حيد ...لقاها مطرطقة فيه شوفاتها و مزنكة و حشمانة ... اش هادشي كتحس بيه هاد المرة حست بالبوسة ماشي فحال لمرة لي دازت ...سلطانة فتحت فمها و غاتفرج فهاد العجب
فخر الدين حيد يدو على كتافها و دار يدو من ورا ضهرو زعزعهم بجوجات و القصوحية باينة من صوتو خارجة : سمعوني مزيان منبغييش نجيي و نلقااا الخصام بيناتكم و لا الشكوى منكم ....حسناء بقاو فيها ا العيون دورتهم في سلطانة لي لقاتها مبهوضة و مصدومة ...كتشوف ولدها كيف سواها مع مرتو في مقام وحد ... شعلت في قلبها العوافي ..مبغات شي وحدة تقاسم معاها المقام في قلب ولدها ....و هو يعليي صوتوو تاقفزهم : واااااش تفهمنااااا ؟ ... دار في مو نص شوفة
سلطانة : امم ءءءء واخا اولدي ...و دور راسو لحسناء و هز حاجبو كيتسنا جوابها ...حسناء كانت ملبكة غا تشوف هي معملت والو متخاصمتش معاها ...دارت ليه غير اه براسها و هادشي لي كيتسناه ..و دار فحالو عطاهم بضهرو و خرج من الصالون ....و خلا حسناء في مكانها واقفة ...وسلطانة مزال غا مبهوووضة ممتيقاش اش تسلغات واش هادشي لي وقع دابا
🌙حسناء القايد🌙
👑oumaima mega 👑
⚡94⚡
أنت تقرأ
حسناء القايد (قصة رمضانية في طور الكتابة )
Romance⚠️جميع المواقف و احداث هاد القصة هو من محض الخيال ، اي تشابه في الاسماء او اسماء الاحزاب او اسماء فالامااااكن ، سواءا -كانت على قيد الحياة او عداد الاموات - بينها و بين الواقع ، فهو بمحض الصدفة لا اكثر ⚠️ ❌القصة ممنوعة من النشر او الاقتباس ...
