🌙حسناء القايد🌙
👑oumaima mega 👑
⚡174⚡
حسناء غير سمعت الخطاوي تقول ضربتها ضربة على الخد ...مقدت تتقدم ممقدت تتوخر تمن عيونها ولاو غيدوروو ... مصااااب ميكووونش غير سيد القااايد و لي بغا يكون يكوون ...نزلت عويناتها لوريقة الرسم ...بعد تعتقها ماشي تحصل هي و تحصل معاها حتى الصبية ...لواتها بزربة و خشاتها في حزامها تاخبعتهااا ...ووقفت تمااا نفسها طالعة هابطة و السواارت في يديها ...و من حد الخطاوي يقربو و شيطانها موقف الخدمة ....بقات تما كيف السمقالة ضربتها ...معندها لا فين تخبا لا فين تغطي راسها
~~~~كيف المعروف مول لخطاوي لي كان جاي جيهة الدفة ديال الجناح هو سيد القايد ...كيف ديما زين و عالي و معلي الشان و قارم الغوباشة و يدو من وراه ...بحرا قرب هو يلمح الباب مفتوح منو شوية ...عقد الشوفة حيت عارف جناحو مكيقرب لو رجلي الا لا أمر بهادشي ...تمشى جيهة الجماح ...و شاف قفل الدفة ...ماهو مفروع ماهو مهرس ...يعني لي فاتحو في يدو سوارت زاد علااا الحاجب ...و غوباشة تقول ياربي السلامة منها ...فتح بابو من اليد ...و دخل تمااا و عينوو كيف النسر كيدورهم على الجناح ... بخرا حط قدااامووو ...حتى كيلمح حسناء واقفة و مخرجة فيه الشوفة و كلها تترعد من راسها الرجليهاا ...تمن سوارت في يديها تيتقرقبو بكثرت ماهيا تتفتف بيهم ...و البكية واقفة ليها في الحلق ... صافييي مشاات فيها تمن ركابيها فشلووو عليهاا حدرت لعين ولات غير تخمم كيف غدير تخرج راسها من هاد الوحلة ...القايد لمحها و هزها بشوفة من ساسها لراسها ...و سد الباب من ورااه ...و تمشا جيهتها خطوة ورا خطوة وقف بعيد عليها ...دافع صدرو و نافخ ريشو و معلي الغوباشة و يدو من وراه و نطق بصوتو العالي في مقامو العالي : اش تتعملي هنايا ؟ ... حسناء طاح ليها الما في ركابيها ولات غدور في عويناتها ياربي تعاونها و تخرجها غير من هادي و بعدها التوب ...دورت يمين و شمال حتى بان ليها شرجم
فخر الدين شافها كتلعب قبللتو بعويناتها تقفزها : كنتسنى جواابك
حسناء شهقت و علات فيه العين و بدات تتكدب و تغطي على فعلتها : غ غ غير عجبني المنظر في شرجم ديك الخطىة و قلت نجي نشوفو و نشم شوية الهوى ...و نزلت عينيها كتلوم في راسها حيت هادي كدبة مفروشة باينة للعما عاد سيد القايد ...فخر الدين كان حاط عليها عينو و هي تتكلم حتى سلات ..و هي تبان على شفايفو ريحة التبسيمة و غوباشتو تطلقت قبالتها ...عرفها كدبات و فسرها بايلا جايا تقلب عليه في جناحو هاكا غيفهمها نزل عينو لسوارت و حرك براسو : و منين جبتي السوارت
حسناء زيرت على سوارت شنو غتقول فيهم تاهادو ميمكنش تجبد صبية و تدخلهم في الكلام بدات تتفتف عليه تما و هي مكتعليش فيه الشوفة : ل ل لقيتهم طايحين و هزيتهم ...هنا سيد القايد رجع عقد الغوباشة و معجبو حال دوزليها الكدبة لولة و ليني الثانية مغيدوزهاش ليها
🌙حسناء القايد🌙
👑oumaima mega 👑
⚡175⚡
هو يكمل مشيه لعندهاا ...و حسناء زادت زنكرت على راسها ...توصل لحدها ووقف قبالتها ...و حيد غا يد وحدة من ورا ضهرها ...و هزها و داها لتحت دقنها و هز ليها وجهها قبالتوو ...و ياربي طلعت فيه عويناتها السود لكبار لي من ليلتهم لولة طيحاتو بيهم
فخر الدين عينو عليها : عدويااا لي منحمل منقبل هو لي يكدب قبالت عيني و في مقامي منين جبتي ااسوارت ؟
حسناء صافي حصلت معندها متعمل تغيرت شوفتها قبالتو فحالا غتبكي في يدو و تترعد تترعد تقول ضاربها السميقلي (البرد) و هي تنطق بشواية و صوتها متيعلاش قدام صوتو : جبتهم من عند لالة سلطانة
فخر الدين طلع الحاجب : قصدك شفرتيهم من عند الحاجة ....حسناء نزلت شوفة قبالتو تا كلمة ما تجي فوق كلمتو راه باينة العما شافراهم
فخر الدين هز براسو بايه فاش سمع سكاتها و زاد طلع وجهها عندو باش تهز فيه الشوفة : غتمشي دابا و ترجعي لحاجة سوارت
حسناء طرطقت الشوفة ووجهها تخطف قبالتو : ءءء مم م منقدرش ....هبط يدو من تحت دقنها و رجعها من وراها : راه هضرت و كلمتي مكتعاود من وراها كلمة غتمشي و ترديهم ليها ...حسناء مبقاتش غير كترعد ولات كلها تتزعزع ... حصلت حصلة متبغيهاش لعدوك لي ميحملك ميقبلك ....و قبل ماتزيد الحرف شافتو دار و عطاها بضهرووو و بدااا كيتمشىى : تبعينيي .... و تمشا لجيهة الدفة ...حسناء شافت تاعيات و مشات تابعاه مهبطة راسها و جارة جلايلها ...شنو ما وقع ولا حصل غتبقا من وراه و تحت جناحو تتحمى بيه ...بقات غادية معاه هو معليي الشان و هي حادرة الراس و تنقب غير بعويناتها ...نزلت معاه من درووج و مشا لجيهة صالون لالة سلطان ....وقف عند بابو و بلغتو في رجلووو علاا الراااس و طلع الحاجب و نده ندهة وحدة : الحااااجة ....حسناء واقفة من وراه و غير سمعت سمية الحاجة ...زادت تخبت من ورا ضهرو بقاو فيها غا العوينات مكحلين يطلووو ....لالة سلطانة غير سمعة صوت ولدها متعطلتش ...دغيا دغيا جمعت وقفتها و جات تجارا خرجت لعندوو و تبسيمة على فمهاا ...بحرا وقفت و لمحت حتى حسناء واقفة من ورا سيد القايد و هي تكمش وجهها : اش واقع اولدي اش كين ؟
فخر الدين حدو دور بنص عين في حسناء : اجيي ...حسناء زيرت على سوارت و قلبها وصل لحلقها و ريقها نشف عليها ...بدات كتمشى و حادرة الراس و جات في جنب سيد القايد ووقفت
فخر الدين دور فيها عينو و كيشوفها من فوق الحاجب : عطي الحاجة سوارتها ...حسناء مدت ليها يديها بجوج هازا فيهم السوارت و راسها محدور متدوي ماتكلم ...سلطانة لمحت السوارت مدهبين بين يدين حسناء و هي تقرم الغوباشة هادو سورتها اش قربهم ليدين هاد بنت الهجيج
مزال غنزيدكم راه انا فينما تنبغي نحط تيوقع ليا مشكل لي داعي فيا يجمع دعوتو راني مناقصاااش 🤣
أنت تقرأ
حسناء القايد (قصة رمضانية في طور الكتابة )
عاطفية⚠️جميع المواقف و احداث هاد القصة هو من محض الخيال ، اي تشابه في الاسماء او اسماء الاحزاب او اسماء فالامااااكن ، سواءا -كانت على قيد الحياة او عداد الاموات - بينها و بين الواقع ، فهو بمحض الصدفة لا اكثر ⚠️ ❌القصة ممنوعة من النشر او الاقتباس ...
