حسناء القايد (قصة رمضانية في طور الكتابة )

22

🌙حسناء القايد🌙
👑oumaima mega 👑
⚡72⚡

حسناء دات شافية مجرورة تال جناحها ...و دخلت هي وياها و سدو الدفة
حسناء دارت عند شافية كلها تتفتف : شافية خاصني ليوم نمشي قبل من غدوا ماخصش ينزل عليا ليل ولا يطيح ضلامو
شافية : فكرت كيف غنديرو نخرجو من هنا و ليني خاص وحد يعونا و يوقف معانا هو لي غادي يديرها
حسناء : شكون ؟
شافية : عبد الكبيير
حسناء : عبد الكبير ؟ شكون هادا ؟
شافية : خدام هنا ا لالة فحالي كنعرفو و يقدر يعاونا
حسناء : ولا قالها لداك سيدهم القايد و لا وشا بينا
شافية : كنعرفو الالة كي نعرف راسي ميديرهاش
حسناء : ولا عملها و خبرو بهادشي
شافية : ديك الساع غنمشيو فيها انا و نتي
حسناء بدات تخلع و حاولت تشد راسها و تقول غا لي ليها ليها ياربحة يا دبحة تنهدت : و فين غنلقاو هاد عبد الكبير
شافية : في السطح ا لالة خاد الوقيتة مكيكونش الغاشي
حسناء : يلاه نمشيو لهاد السطح و نشوفو ...ايوا يا سيادي خرجت حسناء و شافية كن الجناح غادين و يشوفو و يقلبو في جنابهم لا شي حد يلمحهم ولا نيش عليهم ....شافية دازت من حدا وحد الحبق و هزت منو حجيرة ...و مشاو طلعو لسطح لفوق ....كان خالي غير طاووسات لي تيدرو تما

شافية : بقاي هنا الالة ....حسناء وقفت في موضعها كيف قالت ليها ....و شافية مشات لسور طلت فيه ....بان ليها عبد الكبير واقف بلبستو المخزانية ...و هي تلوح الحجرة ...طاحت فوق طربوشو نيشان ...علا الشوفة و دار يدو على الشمس ...بانت ليه شافية تبسم تبسيمة ....و دارت ليه شافية بيدها يطلع لعندها ...حرك ليها غاراسو و دار يشوف يمين و شمال لقا عا عبيد فحالو ...و تسلت و مشا دخل لقصر و طلع لسطح في الحال ... حاي فرحان و تبسيمة ضاوية على وجهو ...حتى دخل مع لباب غا لمح حسناء واقفة حنا العين و رحع بلور : سماحة الالة السماحة معرفتش لالة هنا السماحة منك
شافية قربت ليه : عبد الكبير راه لالة نيت لي بغات تدوي معاك
عبد الكبير : انا عبد مؤمور تحت يديك الالة ....حسناء قربت منو و شداها الخلعة و الخوف من هادشي لي غاديرو خايفاه يوصل لفخر الدين قبل حتى ما تنفدو ...شافت في شايفة لي طنتها و رجعت الشوفة في عبد الكبير : ب ب بغيت نخرج نجيب شي سخرة
عبد الكبير حاني الراس : انا نجيبها لالة فينما كانت
حسناء : لا لا لا بغيت نخرج انا
عبد الكبير : ممنوع ا لالة خاصنا شوار سيدي
شافية : عبد الكبير لالة بغاتك تعاونها باش تهرب من هنا ....عبد الكبير هز راسو و عينيه خرجو كيف البومة من هادشي لي سمعت ودنوو

🌙حسناء القايد🌙
👑oumaima mega 👑
⚡73⚡

عبد الكبير : لا لالة غيقتلني سيدي لا عرف بهاد الكلام
حسناء : عافاك عاوني منقدرش نزيد هنا سويعة وحدة
عبد الكبر نزل راسو : سماحة الالة هادشي لا عرفو سيدي غيقتلني
حسناء : ماغيعرفش ماغيعرفش شكون غيقولها لوو
عبد الكبير : تالعصيان ا لالة لي منديروش من جيهة سيدي ...حسناء حنات الراس الباب لي عندها تسد قبالتها
وهي تنطق شافية : عبد الكبير حنا ديما كنا تنخدمو سيدي و دابا لالة بغات غير نعاونوها لا مشاتش من هنا تقدر تموت و انا غنتبعها غير بالبكا عليها و غيبقا دنبها ثقيل في كتافي
عبد الكبير هز العين فيها : مثقوليش هاكا اشافية انا منقدرش نعيش بلا منشوف وجهك نهار وحد و تتكلمي على الموت ....حسناء وسطهم ولات غا هازا الشوفة و الحجبان عاد فهمت بلي لي قدامها عاشقين و تهما جامعهم الهوى
شافية : واهيا لا عونتي لالة دابا تهرب و تمشي
عبد الكبير شاف تاعيا كلشي تال قدام الهوى كيحطو الشخوسة لكبار عمامتهم عاد هو لي عبد حدر الراس : واخا الالة غنشوف شنو نعمل شافية نتلقاو وقيت لغدا في بلاصتنا و تما نعرفو شنو نديرو ....تبسمت حسناء ببشارة و تنهدت و شكراتو على لي غيعمل معاها ...و هو حدر راسو و مشا فحالو ...و دارت عند شافية : كون ماكنتي نتيا هنا معرفتش شنو غنعمل ولا كيف غتدوز عيشتي
شافية : خديدمتك الالة
حسناء قوست عينها : واش هادا البغوو لي بيناتكم (الحب )
شافية شهقت : و كيفاش عرفتي الالة ؟
حسناء : هه و علاش مزال متزوجتوش
شافية حشمت و حنات راس تلعب بجلايلها : باقي تيقولها عبد الكبير لسيدي
حسناء هجرت تبسيمة : و علاه سيدك شنو دخلو في زواجكم تاني
شافية : ويلييي ضروري ناخدو شوار سيدي ... حسناء كيبان ليها هاد سيدهم متدخل في الشادة و الفادة و الصغيرة و لكبيرة ... ماشي غافيها هيا في كاع عباد الله ... ماعلينا اجلت هادشي و مشات مع شافية يرجعو لجناح لا يشك شي حد و يقشع غيبتهم