🌙حسناء القايد🌙
👑oumaima mega 👑
⚡130⚡
و فخر الدين زاد علا شوكتو ...و زاد تعصب من هادشي لي وقع ...كمل خطاويه بالهداوة ...و نزل لقلب لقصر كيف العادة و هز صوتو حتى زعزع بيه حيوط قصروو : عرشيااااااا عرشيااااااااااا ....العبدات لي تما كلشي حبس و تخد و قلوبهم طاحو في رجليهم ...و سلطانة و ثورية و شروق سمعو للغاا و خرجو يطلو و يشوفو ...و عرشية جات تتجري حادرة راس تالاح ليها اللفعة حدا رجليها نقزت و رجعت بلور بشهقة ...و حريم القصر خرجو عينهم
عرشية : الله ياسيدي ربيي
فخر الدين كيغوت عليها : اشنووووو هادشيييي اش دخل هادييي في جناح حسناء ....شروق و ترية طرطقو لعين ...و سلطانة قربت تشوف و طل و هزت عينها في شروق ...هنا عقلت و خممت في كلام شروق كيف نواو يقتلو حسناء ...هي مشاركة في الفعلة و سامعة بيها ووافقت عليها
فخر الدين كيتغغز بين سنيه : كيفاش دخلت هاد لفعة لجنااااااااح ....حسناء سمعت غوتو من الجناح و خرجت و مشا لصور لقصير تطل و تشوف كيفاش سيد القايد تيناهم عليها و يعلي صوتو على الكل حيت دخلت لفعة في جناحها
عرشية قفزت : الله وعلم اسيدي تكون من دفة
فخر الدين و جهو يتخسر و يتفش و يتنفخ : و شنووو دخلها لقصر لهنا ....عرشية سكتت معرفت باش تجاوب هو يبدا يحوم بعينيه كيف النسر المانع : ياوييل و نعرف شكون موول هاد الفعلة و لي دخل لفعة لهنا نهارو مغيطلعش ...زعزعهم كاملين من سلطانة تال تورية و شروق لي دخلو في بعضياتهم و حدرو ريوسهم ...حسناء كانت تتطل عليه و توسع في عيونها و ترمش ...و حشمانة غا وحدها ...شوف كيف كيغوت على صغير و لكبير على ودها هي لي بغات تقتل عمرها تنسا ديك ليلة و دنب لي كانت غتهزو ...غير تدكر مول لفعلة جاها في بالها غا عبد الصمد يكون هو لي حط زعما لفعة في جناحها و خافها لا تبرولها ....و بغا يصفيها ليها شحال كانت حمارة و بغلة بغات تصفيها لراجلها على مسبتو و تقتلو و تشفي فيه لعدو
سلطانة بدات غا تمت و تبرد : م م معرفتش اولدي كيف دخلت ....فخر الدين يلاه غيجاوب و طااالعة ليه ليوم محبس الغادي و البادي على هاد اللفعة ....حتى اتكلم عبد الكبير من وراه : سيديي ....دار عندو معلي تخنزيرة كيشوفو قبالتو هاو صندوق كبييير و من وراه بزاف ديال عبيدو هازين صنادق ...كمش وجهو : شنوو كين تمااا
عبد الكبير حط صندوق قبالتو لي كان تقييل : سيديي هادو هدايا جابوهم خدم ديال الفرانسيس من شي لالة اسمها جوليا و معاها هاد الجواب ....فخر الدين هادشي لي بقا ليه لي يزيد يعصبو و ينرفزو ...تمشا تال عندو و خطف جواب من يدو حلو كان مكتوب بخط فرنساوي زويين نسويي ....بدا ايقرا فيه و شوفتو عاليو و تخنزيرتو تاتزيد تطلع و تعلا ....سلطانة و تورية و شروق تنهدو رتاحة مي فاش سمعو جوليا كلهم طلقو ودانهم ...و حسناء لفوق كتعلا على صبعان رجليها و تطل و تسمع هاد اسم جوليا سمية فرااانسوية ...و هي شافت وحدة واقفة معاه داك المرة زيينة و شهبة و عاطية لعيين يمكن هي جوليا و جايبة ليه الهدايا ...كمشت وجهها معجبها حال و عاد دوك جوابات لي كان في وقتهم كيترسلو بين نسا و رجال مكتوب فيهم الغرام و الغزل ....شدتها نغصة في قلبها
أنت تقرأ
حسناء القايد (قصة رمضانية في طور الكتابة )
Romance⚠️جميع المواقف و احداث هاد القصة هو من محض الخيال ، اي تشابه في الاسماء او اسماء الاحزاب او اسماء فالامااااكن ، سواءا -كانت على قيد الحياة او عداد الاموات - بينها و بين الواقع ، فهو بمحض الصدفة لا اكثر ⚠️ ❌القصة ممنوعة من النشر او الاقتباس ...
