🌙حسناء القايد🌙
👑oumaima mega 👑
⚡161⚡
تما توقف الزمان عند حسناء و الكلام مابقا لو مقام تمن السمع و البصر ضيعاتهم ....مبقات تشوف مبقات تسمع ...عينيها غا على محمد لي صدمتها شوفتو قبالتها و بلا هواها نطقت اسمو بين لجام شفايفها : محمد ....تما تقرصت لالة هنية قرصة غا من القلب اش عرف بنت كرشها باسم محمد ....بركت تشوف فيها و عينيها مجبداها و مخرجها ...محمد عاد وسع الشوفة و تبهضت واخا قالو ليه عليها مصدقش تاشفها لابسة الحرير و الجوهر و جالسة هنا في مقام سيد القايد عاد تيقت عينوو و قلبوو ....سيد القايد كان من وراهم هز مناخرو و نفخهم دازو على مسامعو كيف نطقت اسمو و كيف قال اسمها ...و عينو تخلودت ولات كيف الجمر و حجبانو تعقدو و تقرنوو ....اش هاد الملاغة لي تتوقع قبالتو ...كانت عبدة هازا يزار بيض ديزا من جنبو ..
علاا يد وحدة جيهتهت بلاما ور راسو عندها ...لعبدة وقفت مكانها و حدرت راسها ....و هز بديك ليد داك ليزار و بدا كيتمشى و يسمع خطاويييه في قصروو و رافع الشوفة و معلي الشوكة لسما ... هنية بصدمة تعقدت لسانها ...بحرا غتنغز بنتها و تشبر في يدها ...حتى كتسمع خطاوي من وراها ...دارت غا نص دورة و غا لمحت سيد القايد قاصدهم في المشية ... قلبها ولا في ركابيها و الخلعة شداتها كيف الدبحة في قرجوطتها ...طلقت من بنت كرشها و قرمت على حيكها و تساخرت بلووور ....و حدرت لعييين و تويل في خاطرها ...اما حسناء فميفقتها لا مها مضربها المقام لي هي فيه دااباااا ...تكتحس بشي صدر عريييض و عااامر تحط على ضهرهااا ...استغربت و حيدت عينها على محمد تشوف شنو هادا ....باقيي مدارت تتحط ليزاار فوق سالفهااا ...و تلوااا على صدرهاا ...بدراعووو و حطو بيدو على كتفها ...حسناء غا هزت الشوفة و بان ليها سيدها القايد هو لي واق من وراها و مدور عليها بدراعو تقول هزيتي روحها من جسدتها و خرجتيها ...بدا قلبها يضرب يضرب بالخوف و الخلعة غيسكت دروك بين يديه ...كان مكيشوفش فيها ...كانت عينوو كيف البارود حااارة منيش على محمد لي غا شافو حدر راسو و مقدر يكمل معاه الضربة.....هو ينطق سيد القايد و علاا الصوت تزعزع قلوب لي حاضر كيف عبيد كيف ناس
سيد القايد : اش طااااريي هناااا ؟ ....قفزت هنية و محمد ...اما حسناء لي بين يديه فالله يرحمها تحشو ليها الركابيي و العينين خرجتهم ....و كتقول هاديي لخرة ليها ...ساعة هنية من تحت الحيك تبشرت و تلبكت و بدات تصاوب و تقاد في الكلام و تزوق فيه : هادا ا سيد القايد ولد لالة زبيدة جارتنا اسمو محمد و هو مربي مع البنيات من الصغر .... سيد القايد كان عامل فيها غا نص شوفة و حجبانو معقودة كيسمع ليها ...و رد شوفة قاسية في محمد قبالتو
محمد تنهد و حمد ربي حيت لالة هنية عتقات روحو و هز عينو في القايد لي كانو شوفتو مكيتبشروش و نطق : سلام سيدي انا هو محمد السخار تاع السي عباس ....فخر الدين مكلفش راسو بالجواب ..رجع عينو لحسناء لي كانت بين يديه كتناخد و تتترعد : سيرييي لجناحك دابا
حسناء كانو سنيه تيتقرقبو شدت من ليزار و حركت غا راسها ...غا حيد دراعو منها تمشات بلامتدور من وراها و لا تشوف محمد و جرات يماها معاها غاديين للفوقيي ...و محمد حادر الراس كيشوف غا من تحت العين ....فخر الدين رجع يديه من وراه وطلع راسو لسما ...شفع ليه بديك مربي معاها من الصغر مشا كيتمشى حتى داز عليها و فاتو ...عاد نطق : نتا تبعنيي ...معاودش محمد معاه الكلام و دار لاحق بيه ....ايوا هادشيي كولووو داز على عوينات شروق فحال لبوية ياربي السلامة ...حضات الفيلم من اولو تال اخرو ...و مقوسة عينيها و مصغراها ...تبعت حسناء تطلعت هي و يماها في الدرج ...و محمد تتبع سيد القايد ...و هادشي مادازش على القران دعقلها بالعادي ...القضية فيها إن مافيهاش ...حيت بلان هاد حسناء مداخليها لمن ودن ماخرج من ودن🌙حسناء القايد🌙
👑oumaima mega 👑
⚡162⚡
أنت تقرأ
حسناء القايد (قصة رمضانية في طور الكتابة )
Romance⚠️جميع المواقف و احداث هاد القصة هو من محض الخيال ، اي تشابه في الاسماء او اسماء الاحزاب او اسماء فالامااااكن ، سواءا -كانت على قيد الحياة او عداد الاموات - بينها و بين الواقع ، فهو بمحض الصدفة لا اكثر ⚠️ ❌القصة ممنوعة من النشر او الاقتباس ...
