🌙حسناء القايد🌙
👑oumaima mega 👑
⚡47⚡
فخر الدين ...زاد خسر السيفة و رجع شوفاتو قداموو فكراتو في الفتنة لي تفتن ...شرب اتاي و في خيالو غا فاش طلع ليها الشبكة و هزات فيه الشوفة بعينيها الكبار المشفرين...و ليني رفضها ليها و هزت الموس عصباتوو حتى زير على الكاس ...سلطانة هزت حاجبها شافتو سرح و مجاوبهاش هدرت و تكلمت : احم ولديي ياكما معجبكش كلامي ...ناض نوضة وحدة قفزتها في مكانها و حط الكاس فوق الصينية بضربة و دار عندها قارم الغوباشة و نطق فحالا لايح الهضرة : لا ا الحاجة وليني حتى تشوفيها راسك دابا معنديش وقت لهادشي تابعني شلا مايدار ...رجعت سلطانة تبسمت ليه و رضات عليه هز ليها يدها و باسها رضاها على راسو و عينيه و ناض من مقامو و مشا غادي يخرج من الصالون ....سلطانة بقات متبسمة حتى مشا و حست بيه فات الباب تاع القصر ...و هي تقلب السيفة و طلقت بلحوحها : عرشياااااااااا عرشييااااااااا ....متعطلتش عليها عرشيااا تادخلت عليها تجريي حادرة الرااااس
سلطانة محمرة فيها العين : سيريي نوضيي ليااا هادييك لي لفووق وجيبيها لعندي مجيبنهاش هنا تنعس و توسد الراحة
عرشية : واخا ا لالة ...و دارت خرجت قاصدة جناح حسناء و خلات سلطانة حامية من وراها شافت ولدها كيف معصب و ماعجبو حال ...و مكينش بنت المرا لي تخسر ليها خاطر ولدها
حسناء كانت في جناحها ناعسة بخميستها و في خدودها كارمين ليها الدموع ... و مغمضة عويناتها كيف لجوهارة ....حتى تفتح عليها الباب بشوااية و بلا لغاا ...دخلت عرشية تخطوي بالسكات و من وراها فاخيتة لي معرفتش علاش كيجيبوها لعندها غير كتفقص و طرطق ليها مرارة ...و معاهم عبدة تالثة مكيردة و ضعيفة و مخشية وسط جلايلها و حانية راسها .... دخلت عرشية و هزت عليها الخوامي من على سرير ...و بدات تفيق في حسناء غا بلسانها : لالة حسناء لالة حسناء ...حسناء كانت غارقة في خيوط النعاس تا كتستلغا صوت سمها ناضت في الحال و جلست كتشوف قبالتها عرشية و جوج عبدات و بدات تقاد في شعرها ...والعبدات بداو يحلو في الخوامي دالجناح يدخل ضو الشمس
حسناء : سمحوليا بقيت خامرة تال هاد الوقيتة ...كتدوي فحالا هي ضيفة طالبة ضيف الله
عرشية حادرة راس : نتي ا لالة لي سمحي لينا نوضناك من راحتك راه لالة سلطانة عيطت ليك تفطري معاها
حسناء : ش شكون هاد لالاك سلطانة ؟
عرشية هزت غا عينها : لالة ام سيدي ...حسناء نزلت عليها فحال الضربة تفكرت لمرا تاع البارح لي مع الدخلة صبنتها و سبت اصلها كانت كتبان فيها جدعة و كلمتها قاصحة ... ركبتها الخلعة من رجلها اش بغات عندها علاش معيطة ليها
عرشية : لالة (هزت حسناء فيها العين ) هادي شافية ( دورت عويناتها لعبدة المكيردة حانية راسها و تبسيمة على وجهها ) خديديم ديالك خليها تحت بااطك و جناحك لي حتاجيتها قوليها ليها توصلها ليا و تكون عندك في الحين ...شافية وسعت تبسيمة دريويشة في لالاها ...و حسناء غا تشوف و عينيها طالبين الرحمة ... تاتدق الباب و قالت ليهم عرشية يدخلو ....تفتح الباب و دخلو عبدات كثاار هازين في يديهم صواني كباار عامرين حويج و جالووق و شرابل و سبابط ...و داوهم يستفوهم في الصنادق لكباار ...حسناء غا تشوف ماتحني ما تدني
🌙حسناء القايد🌙
👑oumaima mega 👑
⚡48⚡
أنت تقرأ
حسناء القايد (قصة رمضانية في طور الكتابة )
Romance⚠️جميع المواقف و احداث هاد القصة هو من محض الخيال ، اي تشابه في الاسماء او اسماء الاحزاب او اسماء فالامااااكن ، سواءا -كانت على قيد الحياة او عداد الاموات - بينها و بين الواقع ، فهو بمحض الصدفة لا اكثر ⚠️ ❌القصة ممنوعة من النشر او الاقتباس ...
