Z-VIRUS: End Of Mankind

Chapter 26

Palaisipan pa rin sa kanila kung sino ang misteryosong lalaki na akala nila may gagawin itong masama sa kanila.

May pagdududa naman sa isipan ni Soo-hee, kahit saglit pa lamang niyang nakakasama si Mickey kabisado na niya ang boses nito. Ayaw siyang pagpanatagin sa lalaking iyon. Alam niyang ito ang misteryosong lalaki kanina na tumulong sa kanila.

Ang bilugang singkit na mga mata nito kapareho ng kay Mickey. Hindi kaya ito talaga si Mickey?

Napalingon siya kay Stuart. Kapareho ng mga mata nito ang mata ng misteryosong lalaki. At isa pa sa napansin niya kanina, bakit kilala nito si Stuart? Gayong hindi naman ito nagpakilala dito.

"Sa tingin mo, sino kaya siya?" narinig niyang tanong ni Jelly habang minamaneho nito ang sasakyan. Katabi niya ito sa unahan.

Hindi niya ito sinagot.

"Sayang hindi natin siya nakilala," anito na halatang kinikilig. "Ramdam ko Soo-hee, ang gwapo-gwapo niya."

"Hey, ang mayabang na 'yon!" kontra ni Stuart sa sinabi ni Jelly. Nasa likuran nila ito katabi sina Jamaica at ang bata. Hindi pa rin nito makalimutan ang nangyari kanina."Kapag nalaman ko lang na ang lalaking iyon si Mickey talaga, humanda siya sa akin."

"Uy, di ba wala na si Mickey?" bulalas ni Jelly. "Kung siya man nga ang lalaking iyon, bakit iba siya kung kumilos?"

"At isa pa sa napansin ko kanina, bakit kilala nito si Stuart gayong hindi naman tayo nagpakilala sa kanya?" dugtong ni Soo-hee.

"Oo, nga no?" sang-ayon ni Jelly sa mga sinabi ni Soo-hee. "Uy, Jamaica," tawag nito rito na kanina pa walang imik. "What can you say about him?"

Hindi ito nagsalita. Nagluluksa pa rin ito sa nangyari kay Gemma.

"Kung ang misteryosong lalaki kanina si Mickey talaga. Paanong mangyayari iyon?" pagdududa ni Dane sa palitan ng mga opinyon ng mga kasama. Kitang-kita kasi ng kanyang dalawang mata ang nangyari dito. Nasaksihan niya kung paano ito mangisay katulad ng mga taong nahawaan ng sakit.

Napahinto sa pagmamaneho si Jelly.

"You're right, Dane! If Mickey is the mysterious man, why does he have to hide himself from us?"

"Hoy, ikaw Jelly!" biglang bulalas ni Stuart. "Itigil mo nga 'yang kaka-English mo!" naiiritang sabi nito.

"What's wrong with my English?" nakasimangot na sabi nito.

"Hindi kasi niya naiintindihan ang English mo," ani ni Nickhun.

"Anong gusto niyang isalita ko, Chinese?"

Binatukan siya ni Stuart.

"Loka-loka! Mas magmumukha kang katawa-tawa kung magsalita ka ng Chinese. Ikaw din mismo ang magiging translator ng Chinese mo para maunawaan namin kung ano ibig sabihin."

"Okay, guys dahil nasa Pinas tayo 'yung salita din mismo dito ang gamitin natin para hindi tayo magkagulo," ani Soo-hee.

"May taong nakaharang sa gitna ng kalsada!" biglang sigaw ni Jelly ng makita ito.

"Tanga!" Binatukan na naman siya ni Stuart. "Hindi 'yan tao, zombie yan!"

"Zombie is not a Tagalog word," ani niya na natatawa.

"Bakit, alam mo ba kung ano sa tagalog ang salitang iyan?" hamon nito sa kanya.

"Oo naman. Ang tawag diyan patay-patayan!"

Nagtawanan ang mga kasama niya maliban kay Jamaica.

"May mali ba sa sinabi ko?"

"Talagang may mali!"