QUEEN SERIES #2: THE HERMES QUEEN (COMPLETE)

CHAPTER ELEVEN

Keri Tabitha Priscilla Ruiz

Ganoon na lamang ang tuwa ko nang sinagot ng dating abogado ni Papa ang text message ko sa kanya. Okay lang daw na makipagkita siya sa akin. Ang kagandahan pa no'n nasa Ayala Southvale sa Muntinlupa lang din siya nang mga sandaling iyon. Maari niya raw akong puntahan sa bahay ni Don Miguel.

Tinawagan ko na agad. Napag-alaman kong mayroon siyang kliyente na taga-village at may inaayos pa siyang papeles kung kaya kung gusto ko raw ay after lunch na lang daw niya ako dadaanan.

Inalam ko agad ang schedule ni Seth kay Flora. Medyo natigilan ito at parang nagtaka. Bakit hindi ko raw alam? Dapat daw ay sinasabi na ng 'asawa' ko.

"Huwag na tayong maglokohan, Flora," sabi ko. "You know we are NOT really married. Pakitang-tao lang iyon. Alam mo iyan."

Natigilan na naman ito saka pinangunutan ako ng noo.

"Pero, Miss Ruiz, hindi ba---" Hindi natuloy ang gusto niya sanang sabihin. Tinanong ko kung ano iyon sana, pero nagbago na ang isipan. Hindi ko na nga napilit.

Napabuga na lang ako ng hangin at tinanong na lang siya uli tungkol sa schedule ni Seth. Ayaw kong maabutan niya si Attorney Ebalan sa mansion. Baka magtaka siya at mang-usisa pa ng kung anu-ano. Ayaw ko munang sabihin sa kanya ang plano ko.

"Tanungin ko po muna si Ate Floring." And she asked to be excused. Pinuntahan niya sa kusina ang mayordoma. Mayamaya pa'y kasama na niya itong bumalik sa living room na kaharap ng front door. Medyo nagtataka ang matanda dahil bigla na lang akong naging interesado sa schedule ng amo niya na dati-rati nama'y wala akong pakialam.

I smiled at her. Iyong pinakamaganda kong ngiti. Napangiti na rin ang dalawang matanda at sinabi pa sa akin na artistahin daw ako. Tapos sinagot na ang tanong ko.

"Ang pagkakaalam ko gagabihin na naman sila ni Ahmad ngayong araw. Hindi nga natin makakasabay sa hapunan ang batang iyon. Sinabihan ko sanang agahan niya ang uwi para man lang makasalo ka niya sa unang dinner n'yo bilang mag-asawa," sagot ni Aling Floring.

"Naku, okay lang po iyon. Don't worry, Floring. Mas okay pa nga na gabihin siya para --- I mean, ang ibig kong sabihin ay---" Nawalan ako ng irarason. Naisip ko lang. Hindi ba nahalata ng dalawang ito na pakulo lang ni Seth ang kasal namin? Bakit parang nagugulat sila sa sinasabi ko? Dapat nga expected na nilang wala akong pakialam sa 'asawa' ko.

"Okay lang, hija. Ganyan din kami noong araw ni Guillermo. Nagsimula kaming parang aso't pusa." At humagikhik ang matanda na parang kinikilig pa. Natawa naman si Flora. Hindi ko rin napigilan ang mapangiti lalo pa't timing na pumasok ng bahay ang driver naming si Guillermo at nagpalitan sila ng malagkit na titig. Nagtanggal agad ito ng I heart NYC cap niya saka yumuko nang bahagya sa akin.

"Hindi na n'yo kailangang yumuko sa akin, Guillermo. Wala naman dito ang tunay n'yong amo," sabi ko sa matandang lalaki saka hinarap uli ang asawa nito. Inalam ko ang eksaktong dating ni Seth at tinext na agad si Attorney Ebalan na dumating siya four hours before Seth's expected arrival. Laking pasasalamat ko nang pumayag ito.

**********

Seth Meshach Berlusconi

Kabuntot nina Signore Rizzo at Mr. Alejandro ang humahangos ding si Ahmad. Tatlo silang umawat sa suntukan namin ni Esposito. Pumutok ang bibig ng hinayupak. Pakiramdam ko ganoon din iyong akin dahil may nalasahan akong dugo nang basain ko ang aking lower lip.

"What the fvck happened here, Boss?" anas sa akin ni Ahmad habang pinipigilan akong umatake na naman sa nakakasuyang mukha ni Esposito. Ngingisi-ngisi pa kasi, eh.

"Is it my fault if she's attracted to me? Maybe, you were not able to satisfy her in bed that's why she is craving for a real man's touch!"

As soon as he finished his sentence, sinunggaban ko na naman siya. Buti na lang at maagap si Ahmad. Pumagitna agad ito sa aming dalawa. Kung hindi ay baka si Signore Rizzo ang nasapok ko dahil hinarang nito ang katawan sa harapan ni Esposito. Sinaway niya ako in Italian. He was angry like a father. Tapos binalingan niya ang hudas na Esposito at binalaan din.