...قعد يلعب بشعري بيديه هداني ...ملا وضع وكلا ظروف جمعتنا...في تمبك احلامي ما تصورتش نعيش اللي قاعدة نعيش فيه توة...صحيح بطل الكرونيكات الكل معشش في مخي...اك الاسمر والمحروج في لكحل و البدين وطابلية الشكلاطة...لكلها تفاصيل محفورة في مخي اما متاع تخيل وخروج من ارض الواقع....مجرد خيال...أما انا اللي تخيلتو متجسد قدامي بشحمه ولحمه...وراقدة عندو...وباسني من جبيني...ويلعبلي بشعراتي...(هههههههه موتوا فتفتوا...انا الملكة...اقعدوا انتم احلموا وانا هاني هربت بواحد من بحت الكرونيكات...)تبسمت تبسيمة حلم وتحقق وغفيت عندو....
هو:...بهلولة لهالدرجة ما ريتش..البنات توة نار توقد وهي بهلولة....اي نعم عندها لسين تبارك الله يظهر وقت الشدة...أما صافية ونقية بدرجة كبيرة...خلاتني نعزها و نحب نعاونها من غير سوء نية ولا تخديم مخ...ملا طفلة راقدة هادية أنفاسها منظمة كينها في أمن وأمان...تقاسيمها محلاهم...عينيها شعرها فمها...رغم ماهوش لك الزين الصارخ...زين هادي وبسيط واجمل ما فيه الكبر...عينين كبار و شفايف كبيرة تشهي...وصلت لهنا تنوعرت وركبني الشيطان... بعدت يدي وقمت بالسياسة بش ما تحسش...خرجت نجري خايف لنتهور ونفسد العهد اللي قطعتو على روحي...راجل ديما وعند كلمتي...ومعاها بالذات يلزم نكون هكاكا خاصة اللي هي مستثيقتني وما عندها حد غيري لحد الساعة هنا...خرجت بحذا الشايب اسمو رفايلو ومرتو ماريا...شربت قهوة معاهم وتكيفت وانا ماخذ راحتي...ناس طيبين ذكروني باهالي اريافنا اللي الطيبة والبساطة والفرحة بالضيف...احنا قاعدين وماريا قامت تحضر في العشا و الجويدة قامت تدهشر بالنوم وتتثاوب وتتكسل....
وزيد قالت لماريا اللي هي جيعانة!!!😵😵..تتصرف كينها في دارهم..حطتلها كايك وقهوة تشد بيهم قلبها وقعدت مقابلتها في الكوجينة تحكي هي وياها...انا عيني مع الراجل ووذني معاها لتفسدها...سترات من عند ربي سلكت...سهرنا وتعشينا معاهم...تعدات سهرية حلوة...وجا وقت النوم والفرش الفرادي وانا والمهبولة مع بعضنا...مسيناهم ودخلنا نرقدوا...نمشيو ويدها مدخلتها في يدي ومتكية علي تقول بالرسمي راجل ومرتو داخلين يرقدوا...استهديت بالله ونعلت الشيطان...قلتلها:
-برا ارقد انت انا ما زلت ساهر شوي...
ما فاصلتنيش...دخلت للفرش وتمدت...وانا خرجت للبركون نتكيف...مسافر في دخاني ومشاكلي...و هي توة اكبر مشكلة لي...هارب منها لنوحل وحلة هي بيدها...طولت في قعدة البركون متعمد...قلت خلي يهزها النوم مليح وبعد ندخل خلي هالليلة تعدي على خير...وما كنتش نعرف اللي هالليلة بش تجر وراها ليالي...مخر توة دخلت نحيت بلوزونتي و تمديت بحذاها ...عطيتها بظهري بش ما نتهورش...قربها لذة ونار في نفس الوقت...ننفخ والنوم جفاني...فقت بيها كان لاصقتني من تالي ومدورة ايديها علي وتوشوش:
-شبيه عبودة ينفخ؟؟؟...ما جاهش النوم هو؟؟؟
ااااه يا ناري...دعوة واللي دعاها علي بايت يسبح...ماهياش ناوية تريض ولا تخليني مسلم...
-اظلمت...ارقدي خلي ليلتك تعدي على خير...
-شبيك...نهدي فيك انا...
-ارقد انت تو نهدى...
غزلني...بعدت عليه وشديت تركينتي...حتى انا اش قربني منو...قعدت مشوار ننفخ مالغزول حتى هزني النوم...
هو: تبات متغششة وبعيدة ولا نتهور ويحضر شيطاني
أما لحقيقة فديت كي نبزتها وبايتة متغششة...خليتها ما غطست وجبدتها عندي...حتى انا هديت و رولاكسيت وخذاتني عيني اخيرا وغمضت...اليوم صباح جديد ونهار جديد...قيمتها ولمينا حوايجنا وصيكانا وفطرنا معاهم وخرجنا...مع رفايلو في التركتور بش يقربنا من اقرب قرية...لمغامرة جديدة واحداث جديدة...ومع عبدو واشرقت مش هتقدر تغمض عينيك....
✴✴✴✴
أنت تقرأ
⛺غربة عشاق⛺
Romanceبيب بيب وسعو?😎💀👿👹رجعتلكم بكرونيك ناار 🔥🔥🔥كرونيك صاروخ 🚀♨قصة عسل🔞🔞😗😘👀 موضوع مشوق 💋👄أحداث جريئة غير متوقعة 👫💏 أفكار غير مألوفة 😥😆😉 الكاتبة متاعها تميزت بأسلوبها الفريد 😘😗 عندها قلم مبدع 😍😋ديما تبحث على المواضيع الجديدة 👍👍❌تب...
