...مانيش مصدقة انا وين سي عناء؟؟؟...الباب تحل على عالم بلي نحاول نتصورو وما انجمش...بار كبييير كيسان معلقة في السماء ومكبوبة على فمها...دبابز انواع واشكال...سيرفورات نسا ورجال...ناس واقفة وناس قاعدة على صالونات متنوعة في كل تركينة والفوقاني طاق مجعول لما بعد الشرب وقت تحكم السكرة...نسا عاريات وفمة بيست في الوسط يشطحوا فيها عرايا لمجرد استعراض بدوناتهم ويقدموا الاغراء. كل وحدة تتلوى على كل شكل تقدم احسن ما عندها والادهى والأمر انهم مزيانات تغزر لوحدة تنسيك في لاخرى يعقدوا اصل....مازلنا واقفين في الباب وعبدو ماهو بدن ووهرة وكاريزما...جاتو وحدة تجري ملي راتو ريقتها سالت...وصلت بحذانا ديراكت مدت ايدها تسرح فيها على صدرو وهي تتزعبن وتتلعوك:
-هالو بايبي....
غزلتني وعبدو ما تكلمش ولا تحرك كان انا تكلمت مش بش تفهمني اما نبرد قلبي:
-ماهالوش يا مصفارة ....
عبدو ضحك حتى عينيه ضحكوا وهي ما زالت تتمعجن وتتزعبن:
-يخليلي هالضحكة ما ابنها...ويدها سارحة وتتكلم... امممم هذوم لكل عضلات؟؟؟
نطرتلها يدها وانا نقحر قريب شنقطعلها شعراتها:
-لا مش عضلات نبابل هوا...ملا معجنة ورقعة...
عبدو عاجبتو الحكاية ساكت ويضحك وهي عدها كلاتو بعينيها...احنا هكاكا والحاكم داخل...نغزر لعبدو فيسع ما لوح البلوزون وسوريتو قطعها حتى طاروا الفلس و قعد في مريول نص وجبد اك المصفارة وعلي انا :
-نحي بلوزونتك والفوقاني بش ما يكشفوناش من دبشنا...امشي فيسع...
وغطس يبوس في هاك المصفارة حتى داخت وتجر فيه لفوق وانا نرحي دخلاني ما فقتش بروحي نزعت الدنيا لكل وقعدت في خلعة ...واحد مالسكارى راني عينيه طلعت وجاني يجري...ما فقت كان بيد عبدو تكركر في طلعت معاه والمصفارة لفوق... وهو يخرنن:
-سماك قتلك انزع مش عري...مخك وينو؟؟استنى حتى نستفرد بيك ....
وانا ننطر في ايديه ونعارك حتى انا عندي لسين:
-وانت لاهي بي ماك غاطس تبوس في المصفارة... نعري ولا نزمر اش مدخلك؟؟
-اصبر علي او نقلك شمدخلني...
دخلتنا لبيت فيها فرش كبييير...وبدات تنزع وهي تتكلم وعينيها احوالت عليه اصلا:
-تحب مع بعضنا الزوز يلا...
وانا نغزر تخنقت ونحب نخنقها...ياخي عبدو مدلها رزمة فلوس (في وقتها ما سالتش كيفاش ومنين...) وقلها:
-انا راني مريض ما نجمش نضرك...شد الفلوس في مقابل تخلينا الليلة هوني وبعد الحاكم...
خذاتهم وخباتهم وقتلو باهي...باقي ما سلمتش قتلو:
-ما تعمل شي ما دامك مريض خليني انا نتصرف...
-مريض بالسيدا ...
بعدت ديراكت وقتلو:
-اوكي تعدي الليلة وتطير صباح بكري...
-اتمنى قبل ما تضوى الدنيا...
خرجت وسكر عبدو الباب وجاني...هو يقدم وانا نوخر عينيه تقدح نار تهدد في:
-ياخي هبلت انت؟ هكاكا لا طاح لا دزوه لحمك عريان و السكارى تتفرج وزعمة تلهوث عليك واحد منهم؟؟
نجاوب ونرقل خاطر ظاهر كان بش ننرفزو بش يفصلني من بعضي:
-انت قتلي نحي...وهو جاني كيما انت تلهوثت عليك وحيدة...
شدني من ايدي يخض في:
-بهيمة ولا تتبوهم...تو انا نتهرب مالحاكم ونهرب فيك معاي وانت لاهية تتمعشق...ياخي تحب تهبلني وتخرجني من سينتي؟؟؟ احنا عنا بنات عرب يعريوا ارواحهم قدام الناس؟؟؟تي انا اللي هو راجل قعدت في نص وانت تعريلي روحك وصدرك على برا؟؟؟؟ مخك نحب نفهم اش بيه ولا اش فيه؟؟؟...
وحط صبعو على جنب وجهي وهو يخرنن...ما لقيتش ما نقول...اما فيسع لقيتها:
-تو انت لاهي تهرب في ولا لاهي لاحم الطفلة وتبوس
ماك لاهي في حبك درباني...زغللت عينيك اك المصفارة وتلهوثت عليك ...هالو بيبي....
نقلد فيها شدو الضحك وانا نغزل عليه وعليها:
-تو بجدك انت؟؟يحب يقول غرت؟؟
-بالله بالله...غرت ؟؟؟ماهو لباس بابا؟؟علاه خطيبي ولا راجلي بش نغير؟؟؟ملا اسيدي يزيد شوية ونولي مرتو ونغير عليه ويحزر علي!!!!...
-ايا نحسب روحي بهلول وصدقتك...
سكت شوية وقتلو:
-كيفاش ياخي شنباتو هوني؟؟في وسط الخمج؟؟
-والله كان عندك بلاصة نظيفة هيا ...
--تدكك؟؟محسوب نخرج لبرا تو نلقى النظافة....
-اخرج تراه وريني....
دوحت راسي وعملت فيها صيد بوقلادة وحليت الباب وخارجة...ويقابلوني زوز معضرطين طالعين رجعت سكرت الباب ونتذوبل:
-عبدو...نبات نبات...
-هههههه صدمك الجو...ايج نقعدوا مشوار نرتحوا يبات الحس ويبعد الحاكم نخرجوا...
-ايه الى متى هكا؟؟؟ياخي بش نقعدوا ديما هاربين؟
-ما عنا حتى خيار ...نحاولوا نتخباوا بأي طريقة حتى نريقلوا امورنا...ايج ايج اتمد بحذاي ...
هزيتو وحطيتو :
-برا...انا نرقد على خمجهم على فرش قداش من فرطاس وفرطاسة رقدوا عليه ...تكك عقلك...
-كان هذوكم فراطس مالا انت شنوة؟؟؟
حمرت فيه عيني نقحر:
-برا لاك الخامجات اللي عاجبينك...ملا حالة...
درت وعطيتو بظهري تاكل في الحمايص وناكل في ظوافري ماكلة...غزول كبير يهز في وينفض...زعمة غيرة بلحق...اشومي...جاية هنا بش نحب ونغير؟؟؟
✴✴✴✴
أنت تقرأ
⛺غربة عشاق⛺
Lãng mạnبيب بيب وسعو?😎💀👿👹رجعتلكم بكرونيك ناار 🔥🔥🔥كرونيك صاروخ 🚀♨قصة عسل🔞🔞😗😘👀 موضوع مشوق 💋👄أحداث جريئة غير متوقعة 👫💏 أفكار غير مألوفة 😥😆😉 الكاتبة متاعها تميزت بأسلوبها الفريد 😘😗 عندها قلم مبدع 😍😋ديما تبحث على المواضيع الجديدة 👍👍❌تب...
