هو:...كلمات قالتهم في الصميم...متاع بنية تونسية حرة ومحرحرة...وصلها انطباع غالط مني اللي مستسهلها أما انا لحقيقة متبننها...فيها نكهة مش عادية قد ما ذقت ودرت وشفت...هي فيها حاجة سبسيال شادتني ليها...خيط جويد ربطني بيها ملي دخلت لدار الحرقة...حاجة تخليني نحب نستفزها نحب نختبرها نحب نعاركها ونحب نعرفها...في وقت قصير حسمت امري...نزيد نكمل معاها حتى يوفى اللي لمنا وكل واحد يشد ثنيتو...مانيش بش نسيبها وبدا أك ريق الرجلة وما يجيش وعيب تخليها وبنت بلادك يتمكن بي....ولقيت روحي شادها من يدها و نتكلم بكل ثيقة في النفس:
-ساقي على ساقك حتى نوصلو لبر الأمان وتشد ثنيتك من غير ما نقعد نخمم عليك...
هزت حاحبها تتمقصص:
-وانت لواه عليك هالكرم الزايد؟..نتصرف راني وحدي مش معاقة ليك ولا لغيرك...
-شو كيفاش تحب تخرجني من سينتي...امشي يا بنت الناس لتاكلك الذيوبة...امشي خلينا نخرجوا من هالبلاصة وبعد يعمل الله دليل...
هي: شخت عالفازة كي قرر ما يخلينيش أما نعمل في حب عزيز...قلت ندكك:
-مالا لا تعنيق لا تمثيل...اخطاني نخطاك...
ضحك وقلي:
-غير ما تترماش عندي وتبدا ترقل بكلك...
خرجتلو لساني 😛😛😛 نغزل فيه ياخي قحرلي وصبعو في وجهي:
.-عاودها وجهك نخلبزو...لا قدامي لا قدام غيري يا بهلوله...
وشدينا ثنية المجهول اللي تنتظر فينا...
💘الحلقة 10...💘
...يمشي ويقود في كالصغيرات الضايعين...نتبع فيه وساكتة ومانيش عارفة علاش نتبع فيه من اصلو و اش هازني معاه...نمشيوا في سكات كل واحد غاطس في تفكيرو...انا مانيش مالنوع اللي يحكي برشا أما كي نعطيها نعطيها قدقد و لساني ما يهنينيش...كبس يدو علي بالقوي درا فاش يخمم...عيطت:
-احح يعطك سخطة بش تكسرني...
سيبني وهو يغزل:
-هدة في هاك اللسان...جويدة وماضية...
-شكون الجويدة؟؟...نتكرم وايدي على اجنابي...لمعت عينيه بخباثة واحد لقى بش يشدني...مال علي يوشوش وتبسيمة تمسخير على شفايفو...
-ما عجبتكش جويدة ؟؟...يا حديدة يا جويدة....
هو يتكلم وانا مركزة مع شفايفو كيفاش تتحرك و اك الضحكة الساحرة...ضيق عينيه فهمني اش نخمم:
-شنوة جويدة شاهية حاجة ولا مضيعة حاجة في فمي؟؟؟
فقت على روحي وضربتو على كتفو:
-يزي مالدك متاعك وما عادش تقلي جويدة سمعتني...هاو انبه عليك... ومادة صبعي في وجهو نهدد زعمة زعمة...لحظة ولا طار صبعي بسنيه...
قدمني خلاني نتوحوح وفاتني يعيط:
-اكبس روحك واخلط علي....
فددني ونجري وراه...قعدنا نمشيو مدة طويلة حتى عييت بركت وقتلو:
-ما عادش انجم نمشي نرتاحو شوية ونرجعو...
قحرلي وعينيه تهدد في بوميض لمعة فيها:
-على رنتك هذي لا نخلطو لا نوصلو...يزي بلا دلول...
نلهج وحالتي حليلة وهو ما على بالوش...نضرب في القاعة بساقي رافضة نزيد حتى خطوة...رجعلي.
..ونفيق بروحي كان مشنقلة الفوق هازني على كتفو تقول شكارة سيماني...في بالو بش نبدا نتصكك ونضرب ونقلو يزي أما انا عاجبتني الفازة...وزدت قتلو
-عبدو هزني على زهرك دقازة خير مالمرج هذا...
طيحني وبرك يضحك وانا نتلوى بجنبو:
-والله لاك عادية...مخالفة التوقعات لكل...كان بش نقعد معاك بش تطيرلي الشوية اللي مازالوا في مخي..
-اش معناها؟ شتخليني؟مش قلت بش تكمل معاي..
غزرلي وعينيه لانت بحنية:
-قلت وانا عند قولي...ندكك وبرا...ايا قوم عاد بش ما يطيحش علينا الليل في هالخلا...لا دار ولا دوار...
وقيمني وكملنا نمشيو مع بعضنا...حتى سمعت حس موطور كرهبة ولا كميون ما نعرفش...رجعت في الروح...ايييه وأخيرا بش نركب وندلدل سويقاتي...
نخض في عبدو ونقلو:
-عبدو كرهبة ظاهرلي...
-سمعتها..برا ادخل في وسط الشجر...
-علاه؟؟بش تمشي وحدك؟؟
-ووه على بابا...يا بنتي يبداوش كمشة رجال و يفكوك مني..عالاقل ناكل طريحة وحدي...برا اتخبى...
-يا رب يوكلوك طريحة نبرد قلبي فيك....
وطرت نضحك تخبيت بين الشجرات وهو واقف ماشي جاي يستنى في الصوت يبان ويقحرلي...وانا عاملة عليه بالعاني:
-عبدو...يا عبدو...
-اشكي...
-تو كان يصوتوك ويلوحوك واحنا في الخلا اش نعمل؟
-قلي انت يا فالحة...
-نمركي ستوب ونهزك...
-مخك تاعب خلاص...اسكت اسكت...هاو تركتور جاي.
-يا عمري ما ركبت فيه...
دوح راسو وقال:-اووووو..في بالها جاية نزهة...
وقف التركتور يسوق فيه راجل كبير درا اش قلو وعيطلي وركبنا...هو بحذا الراجل وانا ملوحة على الرومورك من تالي...الهزان والنفضان جابلي النوم مع التعب ما فقت بشي كان وقت عبدو يفيق في...
حليت عيني في مزرعة ودار...الراجل الكبير هزنا معاه بش يضيفنا ونباتو عندو ومن غدوة يقربنا اكثر... مانيش عارفة اش حكالو واش حدثو أما عمل حاجة تصلح عالاقل الواحد يدوش وياكل ماكلة نظيفة ويبات على سرير....ايييه اقصى امالي وقتها قهوة ودوش وفرش...مرتو مرا كبيرة محلاها...فرحت بينا..جاب ربي قريت شوية بش انجم نحكي كليمات أما هو يجلجل تبارك الله تقول راضعو في الحليب...
عطاونا بيت بدوشها نرتحوا وبعد نتعشاو معاهم...
نلكز فيه وهو يسكت في حتى دخلنا:
-شبي بيت مع بعضنا ماهو كل واحد بيت...
-للا تحبش سويت...ماني قلتلهم مرتي...اش نجم نقول في بلاد الناس؟؟نقلهم حارقين؟؟؟احمد ربي لقيت حل...عطاونا بيت ولدهم ومرتو كيف يجيو بحذاهم...
طلعتلو علخر وليت جبدت روحي وسكتت...رميت الصاك عالفرش...فرش فرادي...وتعديت للدوش...
-لا تدق علي ولا تكلمني خليني انظف روحي مالحالة اللي كنا فيها...
-برا برك وما تطولش خليني ندوش وراك...
دخلت وما صدقت استفردت بروحي في الدوش...
يتسكر بالبلار تقول في اوتال...شخت بالما...البيت عرقت...بخار ونكت الماء في كل بلاصة...البرودويات اللي فمة الكل استعملتهم...استمتعت...وهو فد مالمستنية يدق علي بش نخرج وأنا ولا على بالي... كملت في راحتي و خرجت لبست كاب لقيتو نسائي قصير في الروج ...نسيت الكازي اللي لبرا وانا عريانة خارجتلو بكاب....ممكن من كثر ما استثيقتو ولا زعمة شاهية حويجة؟؟يزي مالبلادة...خرجت و هو في الباب كان بش يدق وانا حليت جيت انا وياه كف وغرزة...انا اللي لا حول ولا قوة في مواجهتو....وهو بالتحديد ما لقيتش وصف يليق بيه..هو راجل ضخم بأتم معنى الكلمة خيال جدع و اكتاف كبيرة و واسعة رماناتو يبانوا من تحت حوايج وجه قسماتو نارية قحرتو مع ضربة حاجبو زادت من حدتها انثى في قبضة نمر...
✴✴✴✴
أنت تقرأ
⛺غربة عشاق⛺
Romanceبيب بيب وسعو?😎💀👿👹رجعتلكم بكرونيك ناار 🔥🔥🔥كرونيك صاروخ 🚀♨قصة عسل🔞🔞😗😘👀 موضوع مشوق 💋👄أحداث جريئة غير متوقعة 👫💏 أفكار غير مألوفة 😥😆😉 الكاتبة متاعها تميزت بأسلوبها الفريد 😘😗 عندها قلم مبدع 😍😋ديما تبحث على المواضيع الجديدة 👍👍❌تب...
