⛺غربة عشاق⛺

📢الحلقة53...📢

خلط على وقعد مقابلني... شبك
صوابعو في بعضهم وبدا وانا نغزرلو
عيني تبع فيه وهو يحكي في حركاتو
وفي سكناتو في لمعتو وفي
غشو... متقلب هادر کیفما البحر اللي
احنا فيه... بدا يحكي:
-كانت مهمتي اني نشد الراس الكبيرة
بوك المسؤول على عمليات تبييض
اموال شحنات مخدرات تدخلنا بطرق
قانونية مموهة.. خدمة طويلة بش
وصلنالو... احنا من لول کنا نعرفوك
بنت طليقتو لكن مائاش مركزین
عليك.. حتى عرفنا اللي انت تخطط
بش تحرق وانا وقتها مقرر دخولي
الايطاليا لكن بطريقة غير شرعية بش
ما ينتبهلي حد والمرافقين متاعي
وحدهم بش نشتتوا انتباههم...كنت
متفاهم مع الحراق وما يعرف حد
بخدمتي هذاكا كان سيناريو الحرقة
اللي مسطرلي... من غادي تلاقينا
والمجزرة اللي شفناها من ضمن
مخططي...اما لقائي بيك ومتابعتي
اليك كانت نابعة من ذاتي مخالفة لأي
قرارات... حاولت نحميك ونخرجك من
دایرة بوك وجماعتو بطريقتي...
دایرة بوك وجماعتو بطريقتي...
خالتك علية معانا مزروعة في الدار
تعاون فينا وهذاكا اللي سهل دخولي
اليك.. قررت نعرس بيك وقت مرت بوك
تطبخ في طبخة بش توحلك في
ادريانو و صفقاتو المشبوهة وبوك رغم
خوفو عليك يدخلها فيسع... خذيت
الموافقة والاذن... رجال بوك حبوا
يقتلوني ليلتها راصدين وجودي
وعرفوا حقيقتي... منعتك وتشديت
من دجو وتعذبت و حطوك انت
فيصل... جبتك ليهم بش نبين اني
معاهم وفي نفس الوقت تحميك... من
انك دخت... تفرض علي
أصعب موقف اني نزرقلك كوكايين
لكن نجمت نتصرف وزرقتلك سم
سکت قلبك وخرجتك على أساس
ميتة ولولاد تكفلوا الباقي واسعفوك
وروحوا بيك لتونس... بعدك انت بليلة
تمت العملية الكبيرة بين دجو وبوك
وبما انو بوك يعرفني اعلن اني عميل و
قامت عركة...وبوك هز سلاحو في
وجهي و ضربني بزوز رصاصات...هنا
حليت.عيني مالصدمة... بابا حب يقتل
راجلي ...وصورة الموت اللي رسمتها
العبدو لتوة حاضرة في مخی... رعشت
لطف ربي
و احساس بالوجيعة نخزني...) وحدة
في رقبتي كانت قاتلة اسعفوني لولاد
فيسع و نقلوني لمجمع طبي خاص بینا
عملت عمليتين لولی لرقبتي وحبالي
الصوتية تمزقت هذاكا علاش صوتي
متبدل والاخرى على وجهي القرنية
تضربت وعملولي عملية زرع لها للنتي
نقول انا. المهم قعدت مدة راقد من
عملية الاخرى واعلنوا موتي بش
يتواصل نشاطهم مطمانين في
تونس...اوامر مشددة للتكتم على
حياتي...حتى لأقرب الناس لي
وتمت المهمة هنا بش رجعت للدنيا
مرة أخرى... هذا اللي صار...ما عنديش
ذنب... انا اقسمت وقت تعينت على انو
كل شي يهون لارض بلادي...هانت
حياتي خلي اهلي وناسي.. سامحني
على ذنب أنا ما ارتكبتوش تفرض علي
وعليك...كل شي يتعوض اسمحلي برك
وانا نعوضك... - قرب مني وشدلي ايدي
وقاعد ثاني ركايبو وعينيه تترجي
في... اعطيني فرصة نفسخوا ونعاودوا
من جديد.... نبداوا كالناس نعملوا
عرس و نستقلوا بحياتنا ونجيبوا
صغار... تسخایل ما توجعتش على
بنتی ؟؟؟ یکت و غضبت وما لقيتش ما
نعمل... فرحت كيف عرفت وسمعت
دقات قلبها وشفت تصویرتها....
قاطعتو وقتها:
يعني كنت على اتصال بالجماعة
وتعرف كل شي؟؟؟
-كانت احلام همزة وصل بش توصلني
الاخبار عليك
-واللي خلاك تستثيقها وتعلمها وتتصل
بيها منعك من انك تكلمني
تسألني حتى كلمة تلطف وتهون علي
اللي صار.... ازاح قداش رخيصة
عندك؟؟؟ أزمة ثقة ؟؟؟
لو كنت تعلم كنت تتصورني نقول ولا
يبان علي؟؟؟
أحلام تأثق فيها اكثر مني ؟؟؟مالا باش
مرتك انا؟؟؟
زايد الحديث... اللي تكسر عمرو ما
يتصلح...رجعني لامي ولحد هنا
ويزي...ما عادش نحب نكمل معاك.. انا
ارملتك من شهور بالكذب اما توة
بالحق... اخرج من حياتي نهائي...ولو ما
اطلقنيش انت نطلقك انا...
عاود شدني وعينيه تستنطق في:
ياخي ما توحشتنيش ؟؟ما عادش
نعنيلك شي؟؟؟ حتى فسرتلك ظروفي
د

زيتو من غلبي وغلي اما هو حجرة ما
يتحلحزش وضربت على صدري شيرة قلبي
-مت هنا ودفنتك... من نهارت اللي
نبكي على فراقك وخسارتك سايي
وفي كل شي...كل شي يداوي الا
الجروح اللي سببتهالي وخاصة بنتي
اللي خنقت فرحتي بيها انت
وخدمتك... صحيح الدرابو قبل كل شي
وعلى راسي وعيني اما کنت بمساج
صغير تفهمني و نبرد
ونتفهمك...مانيش جاهلة راني... شرخ
كبير بيني وبينك وما عاد يتلم... لذا
روح بي احسن ليك ولي...
هزني حطني بعيونو الزرق وقلي:
-والله لا تفرحها بيه اك النهار... حاربت
مجرمة وما خليت ما عملت بش
تغلبني انت ؟؟؟ والله ماني مسيبك كان
على جثتي...كان على الشرخ اللي
تحكي عليه نردمو ونبنيه كي نعرف
نولي مهندس اصلا....
استهدي بالله وراني قاعد على قلبك...
قحرتلو وهزيت روحي وخليتلو
البلاصة أما لحقيقة عاجبني نفختو
اللي بش نفشها وعنادو لي يستفز
عنادي...وتو نشوفو يا انا يا هو... خليتو
يميل في راسو ويغني: بالله يا شوشو
خدك نبوسو... دویو تعيا وانت
تقبض....وسلام عالنسوان الحلوة لما
تبقى قطط وسمعوني احلى
سلاااااااااالام... دخلنا حرب وهلا هلا
عالجد والجد هلا هلا عليه... نتوكلوا
يلا #منو

✴✴✴✴