سامحوني ليوم ما قدرت انزل حلقاات لاهياا في ملازم الجامعة حبايبي ❤اعذروني❤
...مانيش مستوعبة ولا فاهمة اش جابني لهنا وكيفاه ما فقتش وما قاومتش؟؟؟رجعت بي الذاكرة للسهرة مع امي وكاس العصير...!!!وهنا تضربت وفهمت...ناجية متفاهمة معاه و درا اش حطتلي في الكاس بش رقدت و هزني...وهذاكا علاه توصي في قبل ما نرقد.. يقوى عليها ربي ناجية مخابرات!!!
قمت نشوف انا وين وما زلت مرهوجة...انا في بيت نوم محلاها كلها في الباج فرش دائري مقابلو القارد روب مشيت نشوف فيه مرصف فيه حوايج ليه وحوايج لي...اما هوما حوايج؟؟؟ لبسة من غير هدوم. يحضر في بش نرضخ للأمر الواقع أما يبطى!!!..في الكوان باب لدوش صغيرون و بجنبها كوجينة صغيرة..
بكلها متحفنة...دروج تطلعك للسطح متاع الباطو وين سي عبدو يسوق...برجولية قلبي معبي ماذابي لو نسخطو نشرحو نملحو...المفيد عمايل تبردلي على قلبي...غزرلي وانا واقفة في اخر درجة...العين في العين اما عين زرقا بحر...تكلم بصوتو الجديد تقول نسخة مستنسخة منو اما متوحمة على قاوري...
-حبي نورت دنيتي من جديد...
-قول ظلمتها من جديد...ياخي تفاهمت علي انت وناجية؟؟؟
-يفضلي حماتي طلعت تفهم وتذوق مش كي بعض الناس...
-بعض الناس فقدوا الاحساس اصل بسبب ناس... تو بجدك ماشي في بالك بباطو وبحر وطرف الشوالق اللي جايبهم بش نرجعوا ولا كينو صار؟؟؟
نبرة الحزن غلفت صوتو وتكلم بكلام متقطع:
-اشرقت... انس ...خلينا نبداوا صفحة جديدة...
كتفت ايدي وانا نغزرلو وحاجبي تهز بتمقصيص:
-بالله...شنوة اللي بش ننسى وشنوة اللي بش نخلي؟؟
ايا سيدي ننسى دموعي وصدمتي و ووجيعتي وقلبي اللي تحرق بخبر موتك و نبرد ونقول عادي هاو رجعلي وحي يرزق ولباس عليه وطاح الكاف على ظلو اكيد ظروف جبرتو بش يعمل هكا نمشي معاك....
ننسى اني تعبت و تمرمدت وتعذبت وانت غايب نمشي معاك اكثر ونقول راجل طحت وقمت ولباس...
ننسى الحبس والربطية والمونوت ونقول غلطة و تصطيكة مني امنت لناس دمهم دمي لكن همهم مش همي وخلصت ثمن غلطتي...يا سيدي نقول السماح وعفا الله عما سلف حتى قبل ما تبررلي....
وهنا تخنقت بالبكية وصوتي تذعذع ونخزات في كل بلاصة في...وجيعة الروح وعذاب القلب واحساس مر لا يوريه لحد....
-و بنتي....ننسى؟؟؟ كيفاش بش ننسى قطعة تزرعت منك في...تتغذى مني رويتها بعروقي ومن دمي...ما تعرفش انت عندك الحق...انا عشت اول حركتها في ترف فرحانة بالدنيا في وسطي...تضرب بايدياتها وسويقاتها...انا سمعت نبضاتها اللي رجعوني للحياة بعد ما دبرمت من خبر موتك...فقدت اي رغبة في اني نعيش او نفرح أو نرجع للدنيا...رجعتني هي وخلاتني نتشبث بالحياة...في وسط التحاليل و العذاب كانت بصيص نور وأمل منحهولي ربي بش نعيش... جيت انت قتلتو وخمدتو وقت بدا يتنعوش ويكبر... خنقتو وأدت امالي وحياتي بيها...عندك الحق ما تعرفش... لا حسيت ولا ريت ولا سمعت...
وهنا كفكفت دموعي اللي نحكي بالشهقة وهوما سيل نازل ما حبش يكف...عصرت قبضة ايدي...قراري حاسم ولا رجعة فيه،:
-ظلمتني و نسامح...عيشتني كذبة ونسامح...تمرمدت في جرتك ونسامح...اما في حق بنتي لا ! هنا يلزمك تاقف عند حدك...اي رابط بيني وبينك قتلتو...وانت مت مت توة سايي...نعتبرك المرحوم...بيناتنا تصحاحة تتفسخ ولا حلت ولا ربطت....
يسمع في وعينيه تلمع بالدموع...وقف الباطو...وقت وصلت لاخر كلامي عيط بصوت يهد جبال خلى بدني يرعش:
-أشرقت...هنا تغلط...اللي ما بيني وبينك اكبر من خربشة على ورق...الوجايع تقاسمناها قبل الفرحة...
يلزمك تسمعني...
درت راجعة للبيت من غير ما نغزرلو :
-ما نسمعكش...برر منا لغدوة ما نسمعكش...عيط للي خلقك ما نسمعكش...انت ميت ميت...
عهدي بيه قاعد عالفولون متاع الفلوكة فقت كان بجبدة من ذراعي جابتني بين ايديه وفي احضانو....
ايييه الحضن اللي ما تمتعتش بيه الحضن اللي ذقتو لليلة والباقي لكل مرار...ما عادش نتذكرلو حاجة حلو ما نتذكر كان المصايب اللي ىهبطت على راسي منو...
ما ريتش الحن والفرح معاه كان قل وندر والباقي هم وغم...يرج في:.
-اسمعني وما تعطينيش بالظهر...يلزمك تسمعني...
لمعت في راسي حكاية الفلوكة والفولون وليت ندز فيه ونوكوك:.
-يعطك سخطة...ال...الباطو...الفو...لون...او نموتوا...
ما فهمنيش ملول وكي فهم اش نقصد قلي:
-خلي نموتوا ونرتاحوا...يا تسمعني ونحكي اللي عندي لكل يا الشنقة مع الجماعة خلاعة...اش قلت؟؟؟
بكل برود ولا كينو هاممني وانا نرعش دخلاني:
-محسوب...خسرت العزاز الغاليين خلي نموتوا اش يهم..
ولى يرج في كينو يقلي فيق وعينيه معبية حيرة:
-ياخي ما عادش نهمك لهالدرجة؟؟؟كي موتي كي حياتي عندك؟؟ تي اسمعني وبعد احكم....
نطرتلو يدو:
-انت وفيت من حياتي...وكلامك ماهو بش يغير شي..
ومع ذلك بش نرتحك تفضل احكي اللي عندك...اما وقف الباطو قبل مازلت حاجتي بروحي...
قحرلي وخرج ورجعلي...قعدت نستنى فيه في كوان صغير تابع الكوجينة خلي يفرغ ىقلبو و يبرد ويرتحني اما قراري ما يغيرو شي...#منو
✴✴✴✴
أنت تقرأ
⛺غربة عشاق⛺
Romanceبيب بيب وسعو?😎💀👿👹رجعتلكم بكرونيك ناار 🔥🔥🔥كرونيك صاروخ 🚀♨قصة عسل🔞🔞😗😘👀 موضوع مشوق 💋👄أحداث جريئة غير متوقعة 👫💏 أفكار غير مألوفة 😥😆😉 الكاتبة متاعها تميزت بأسلوبها الفريد 😘😗 عندها قلم مبدع 😍😋ديما تبحث على المواضيع الجديدة 👍👍❌تب...
