⛺غربة عشاق⛺

📦الحلقة51...📦

...ما نحكيلكمش وقتها كم المشاعر اللي خايضة في داخلي...انا تاعب نفسيا ماللي صارلي واعلان موتي..
زيد هالعيون اللي وليت تقول مركبهم نعرفهم وحاسهم مش متاعي ولا منجم نقبلهم لكن ما عنديش خيار ...لقيت قدامي وغاطس فيها بعيون مش عيني و هي ترعش بين ايدي وكريشتها مكعبرة محلاها... موجوع وانا نعرف في اخبارها...تعبت بعد خبر الموت وتمرمدت وما صدقتش برغم الدلايل لكل قلبها خبيرها..تمرمدت في السبيطار وحالتها صعيبة..وقت قالولي حبلى حاجة في رفت ترعش بفرحة ما تتوصفش مخلوطة بحزن وألم ينخر في من داخل...ما نجمتش نكون معاها ولا نقاسمها فرحها ولا حزنها... نتبع في اخبارها من أحلام سجلتلي نبضات قلب بنتي وتصويرتها وبعثتلها شكون بعثتهم معاه...نهارتها نسمع ونتفرج نضحك ونشد في البكية...اهم لحظات الراجل مع مرتو تحرمت منهم...أوامر مشددة بش يتكتموا على حياتي حتى نكمل مهمتي للاخر...حملت وسكت نعرف قلبها معبي علي وتاهمتني أما مصيرها تفهمني..
وصلوني لدارنا...امي عرضتني بالحملة وتزغرط والبنات تمنيت راهي معاهم اما راهي تسمع اكيد وتعرف...
اشرقت:
أمي تجري وتعيط بالقوي:
-اجري يا بنتي اجري الزغاريط واكلة بعضها وراجلك روح...ايجي شوفيه...بنيتي وهرة وزين وشبوبية... صحة لبنيتي واش حطت على قلبها...يا بنيتي زين قاوري كيما هاك التوريسك اللي نتفرجوا فيهم...
شدني الضحك من كلامها ومنها كبست روحي وجاوبتها من غير نقاش:
-راجلي مات ودفنتو الله يرحمو...لا نعرفو لا يعرفني...
-بنيتي استهدي بالله...الوحدة ما ليها كان راجلها ولا ينحي شاشية من على راس ولية...وهذا تبارك الله زوز في واحد...العبي اطفلة العبي...ماهو اسمعني وافهميه وعاركيه وبعد اضربي الصقي قلو مات...هذا راجل تشوفيه وتقولي هاموت اراحي...
-هههههههه عاجبك خوذو؟؟؟
-اييه مشى مع باباك ونسيت ودفنت بالحياة...صلي عالنبي بنيتي...
-هاني انبه عليك لا نحب نشوفو ولا نكلمو...
مصمصت فمها و مشات توتوت:
-واحد يشتهيه وواحد يلعب بيه....(ههههههههههههههه سامحوني مثل ماسط اما مناسب جدا هنا...)
تلفتها وغطست في كتاب وانا الحق نغزر ومخي مش فوقي...بدني يرجف بكلو رجفة فيها مشاعر مختلفة متناقضة..اما مسيطر عليها غش و غلب...مروح مرواحة المنتصر على حساب هزيمتي...زعمة شنية مشاعرو؟؟؟...كرهتو كره عمى...هههههههه أمي عاجبها يطلع منها....نلهي في روحي والكتاب حروفو تتراقص ما ريت منها شي...نستنى في بابنا يدق...رميت الكتاب وقمت نطيب في قهوة نعمر راسي اللي يوجع في وجيعة مرة...وانا واقفة عالقاز وسارحة وبابنا دق..
امي غزرتلي تضحك معناها هاو جاء ومشات تجري للباب..خليت الدنيا هكاكا و تضربت في بيتي و سكرتها بالمفتاح...نسمع فيها تسلم وتمرحب وتعيطلي وانا مش موجود مش موجود مش موجود...جات تدق في الباب و اخر من:
-يا مكبوبة السعد اطلع لراجلك...والله كان يحكمك اللي ما يجيبك في اثنين...اطلعي يطلع روحك...
-مانيش طالعة وماعنديش راجل...ياخي روحتلك غضبانة وجاي يرجع في ولا شنية الهدرة؟؟؟ لا نراه ولا نعرفو...
-ربي يعطي فول للي بلا زروس...اقعدي اتشرطي وخلي الراجل يفلت من بين ايديك...
بش تهبلني والله ومش فاهمة المصيبة اللي عشتها...
مشات وحس خطواتها واصلني..قعدت واقفة بحذا الباب وحسو جاي...دخلت بعضي وساقي مراوح..تكلم
-جويدة...ما تحبش تكلمني؟؟؟...(ازاح مش صوتو..زاد غلاظ وبح...مش هو اما اخواني...)ما تحبش تراني؟؟
ما تحبش تعطيني فرصة وتسمعني؟؟؟
-لا نعرفك ولا عندي ما نحكي معاك برا العب قدام داركم...
-هههههههه جويدة توحشتك...توحشت ظلمتي(نبلع في ريقي ونغص)..نعرف تعبت برشا...حل واسمعني واذا ما اقنعتكش نمشي...وتعرفني انت نقنع ولا...
يتمقصص في بالو بش ياكلني بكلمتين اما وينو...
-يا حسرة عالبوهالية...اللي بوسة ترضيه لا خير فيه برا على روحك...مستحيل نشوفك ولا نكلمك...
ضرب عالباب بغل وتكلم بصوت عالي يسمع في امي
-المرة هذي جيت باللين واللطف...مقابلني نهد الباب ونجيبك حتى من كرش حوتة...اما قدر في خالتي ناجية...اما مش مشكل...مصيرك تحصل يا ظلمة...ما ارزن اسمك اوذني...شوشو خدك نبوسو هههههههههههه ضحك ومشى خلاني نضرب في الباب...قعد يحكي مطول مع امي نسمع في حسهم...طول وتمرجت انا بالحصرة...وقت سمعت الباب طربق خرجت..
-امي شنية هذا لكل اش بيناتكم تحكيوه؟؟
-ما عندك ما مدخلك ماك طردتو وما حبيتش تسمعو الساعة وليدي يشره وظالمتو...انت الخاسرة ومشات وخلاتني للكوجينة وغادي قعدت تخرنن عالقهوة الفايضة وربحة القاز وتسب في بالمقلوب وانا في دنيا اخرى...ايا يا سيدي طاح الليل تعشينا وقعدت نهر أنا وامي في الصالة قامت من بحذاي وجابتلي كاس عصير ومدتهولي ضحكت قلتلها:
-شنوة نجنوج تركح في؟؟؟
-واش خص...اشرب هدي اعصابك يا ظلمة كيما قال
-المرحوم؟؟؟ وغمزتها
-اللطف عليه...هدة في فمك راجل قد جبل ما يدخلوش باب ربي يحرسو...
-

بالله بش نسألك بنيتي...انت تعرفيه خير مني...اك الكعابير منا ومنا اك اللي يحرك ايديه يطلعوا...بنيتي بلحق؟؟؟؟
-هههههههههههه بش نموت بالضحك...كي الام كي بنتها ضربتني على كتفي وتسب...
-يعطك هدة في هاك الفم...طيحي مالضحك...ما نسألكش ما نطمنش على مستقبل بنتي؟؟؟؟بنيتي كان يسخطك ببونية لالا كف مشو بونية مشيت زيزي
زدت بركت بالضحك وما نجمتش نتكلم...وانا نقول منين ورثت الشي؟؟؟
ايا كثر سبانها شديت روحي بالسيف...خذيت اك الكاس نترشف فيه وامي تمتم وانا شادة ضحكتي علخر بش نطرشق...بعدها تمديت وامي تترشف في كاس تاي و تتكلم:
-عيش بنتي هاني نوصيك قبل لا يهزك النوم...خوذيه باللين واسمعيه...راهو الراجل مهما تقوى المرا تطوعو كيما تحب هي بحسن تصرفها...واعذري بنتي راهو كل واحد بحجتو اكيد...
راسي رزن وجفوني ثقالو ونتكلم بالسيف:
-امي...شبيك توصي في ياخي انا بش نكلمو من اصلو
امي العصير مررررر...
-بنيتي اللي اولو مر اخرو عسل...ربي يهنيكم...
-اميييي... وعهدي بروحي نتكلم وهزني النوم...
ناجية:- الو ايج بابا هز امانتك...
شوية وعمدة طل:
-يعيشك نجوتة عمري ما ننسالك وقفتك معاي...
-معاك ربي وليدي..نعرف راسها صحيح ومش بش ترضى بالساهل...اعذرها وراعيها اللي تعدى على راسها مش شوية...وهنيني نحب تكلمني تقلي مراقبة وابدوا حضروا  للعرس...
باسها من جبينها:
-اتهنى غير ربي يهديها...
-استنى نجيبلك حوايجها...
-لا ما نحب شي حضرت كل شي ومريقل...
-ايا توكل مالا...
ضحك وحمل جويدة ركبها في كرهبة وطار للميناء..
طلب ايمن:
-مريقل صاحبي...تصرفتلك...الباطو تعرفو ماك مليتو باللازم ومفاتحو بش يسلمهملك احمد صاحبنا تلقاه يستنى فيك...غير سايس على متاع الناس تفلقوش في فورة غش...
-هههه عيشو صحوبة بيناتنا تل وتتردلك في الافراح
-ايا برك ازرب نحب ناكل برج بقلاوة..
-تدلل غير ربي يهدي اللي في بالي...
وعلق طوالي خذا المفاتح وطلع الصيكان و طلعها... وخدم وطار....
شوشو:
نحلم بروحي في بحر وصوت الموج وانا في فلوكة ... قمت راسي رزين...نحل في عيني بالسيف...ريت خيالو فركت عيني مليح...ايه هو...غمزني وضحك:
-صباحوووو...بوزينو حبي وهو فايق....
-انا وين ياخي؟؟؟وانت اش تعمل في دارنا؟؟؟
-هههههههه حبي معاي وانا معاك يدوم هناي يدوم هناك...احنا في فلوكة في عرض البحر...بش نعاودوا سيناريو الحرقة ونختموا بالعرس... ورمى بوسة في الهوى وقام....اييييييي راسي....#

✴✴✴✴