...الا انو تمادى وتسلل و استفحل في...كنت سكرت على قلبي باقفال ورميت مفاتحها...حلفت اني ما عادش نحب ولا يدق قلبي لوحدة يزيني ما تكويت اما هي خلعت ابوابي و قطعت اقفالي وسكنت وتربعت ببساطتها بصدقها وبتبهليلها...ما نجمتش نقول ولا نحكي بش ما تخافش مني وتنفرني وتظن اني واقف معاها طامع فيها هي في حد ...أما قلبي اجتاحو طوفان وما نجمتش نوقفو...
تنهدت من جواجي ونعدي في ايدي على شعرها وظهرها...حاضنها ونتمنى في اكثر من حضن أما لازمني نكون عند وعدي وكلمتي...ونكون معاها راجل لو مهما يصير...
نزلنا مالتران بعد ما وصلنا اخر النهار...ثنية طويلة تعدات علينا...تمرجنا وتخضخضنا وايدبنا على قلوبنا خايفين من اي رافل حاكم...عديناها واشرقت من عندي ما تحركتش هي تجي تتحرك و تتملص وانا نكبس عليها بش تلبد...ممكن اخر فرصة تكون بجنبي ننتظر كل شي في بلاد الناس...هبطنا اليد في اليد جبدت تليفون كلمت صاحبي:
-الو شكون معاي؟
-عبدو يا احمد...راني وصلت.
-اهلا وسهلا...فيسع خذيت نومرو طلياني...
-هكاكا....كيفاش توة؟؟
-روح عندك الادراس..خوذ تاكسي و برا بش تتجنب المشاكل...تو العشية نروح مالخدمة ونعملولها حفلة...
-هههههههههههه باهي ملتقانا...
وعلقت منا شدينا تاكسي للعنوان اللي مسجل عندي..
نتفرجوا مالتاكسي حالين افامنا في معمارهم و زينها و ريحتها...وصلنا لشقة في عمارة صغيرة...حاسبت وطلعنا...حطينا صيكانا و ونتعاركوا على الدوش:
-عبدو انا قبل راني نتنت سايي...
-يا بنتي انت ترقد في الدوش وتحلم اصل...
هربت تجري دخلت وسكرت بالمفتاح...سلمت امري لربي وقعدت نستنى...كملت وأنا وراها...
هي:خرجت لبست وشيحت شعري...درت خملت الدار وركبت ماكلة فطور وعشا بش عبدو خرج ضرب عام..
محلاها عيشة كينا راجل ومرتو...ما صاب لو جينا هكاكا...خرج لاف منشفة كبيرة عيني ولاو قلوب ونرمش ونعاود ما نجمتش نسيطر على عيني وعلى دقات قلبي وعلى ضخات الدم في شراييني... وعبدو ماهبطش عينيه مني...لقينا ارواحنا الزوز نقربوا و نختزلوا في المسافة بيناتنا...وقت جينا قد قد والعين في العين ومواجهين بعضنا عبدو تنحنح وحط يدو في شعري لا فهمتو ينبه في ولا ينبه في روحو...
انتبهت لروحي قلت نعديها البلادة:
-صحة حمام العرس يا بابا...
غمزني ورد:
-مع اللي في مخي...
وجبدني ليه لفني قريب يعصرني...وصوتو خرج لاهث وانفاسو ترفرف على وجهي وغزراتو تمسح في تفاصيل بكل لهفة وحن...الظرف والمكان اللي احنا فيها خلانا نخرجوا على السيطرة:
-مع وحدة اسرتني بكلامها وسحرتني بعمايلها...
قلبي يرفرف وعيني تخبلوا وساقي رعشوا وما عادش قادرة نسيطر على روحي...نرقل و تخلبزت:
-اممم عبدو اش مدخلني انا في اللي في بالك؟
سيبني هههههههههههه فسدتها اللحظات الحميمة...
-تو كيف تكبر تو نقلك....مازلت صغيرة يا بهلولة...
-البهلولة تقلك برا البس لا يصرفقك هوا لا يقرا لا يكتب...
جاوبني بضحكة ومشى يلبس...بركت عالكانابي يا اخياتي...المنفوخ هذاكا كان يصرني مليح عندي الا ما يقطعني...انا مجرد قربو يذوبني خلي كان....نعلت شيطاني وقمت للماكلة نتفقد فيها...طيبت سباقتي محرحرة وسلاطة...فطرنا انا وعبدو و خملت بعدها رجعت تمديت نرتح شوية...عبدو يكونكتي بحذاي وانا غمضت عيني هزني النوم...
في غطاية نومي ونسمع في الباب تحل نستخايل روحي نحلم...ونسمع في الديسكور:
-اهلا بيك
-اهلا اهلا عبدو...
تحميل واحضان وكانش شافنيش على غفلة وانا ناعسة وماخذة راحتي..غمزو وقلو:
-شكون المزة؟
-يزي احمد...ما نحملش فيها راهو...حرقت معاي...
سكت صاحبو مشوار ومنها قلو:
-عبدو تفاهمنا انت كهو على راسي وعيني أما ما تفاهمناش هكا...
-وعلاش فاش بش تقلقك هي؟هاي معاي وعلى ضمانتي...
-عبدو بصراحة ما انجمش هكا...انا ماخذ راحتي ونجيب اللي نحب لداري...ما يجيش هكا...
-ما تقلقش روحك وما تلوجش على اعذار...نهزها ونمشي عادي...كثر ربي كان الاصحاب...
قمت انا وقفت وراه وقتلو:
-عبدو ما تقلقش روحك بي...تونمشي على روحي وانت ما تفسدهاش مع صاحبك...
ومشيت لصاكي نجري و انا على اعصابي...كنت حاستها...وكلات بعضها بيناتهم نسمع فيهم طاحوا ريش...جريت بصاكي حليت الباب وعبدو يعيط:
-استنى نجيب صاكي...الله لا يخليني ليه ولا لغيرو...
وخلط علي بعد ما طبق الباب عدو خلعو...الزوز توة في الشارع و الدنيا ليل...ورجعنا للذل والعذاب...عمر كلب...نعمبو اللي جابني و جابو...دموعي تجري وديان على الذل اللي حسيتو وعبدو ينفخ في جنبي واقفين في باب البالاص...ورجعنا للهوان...وين ماشيين واش بش يجرى فينا اكثر ماللي شفناه؟؟؟
✴✴✴✴
أنت تقرأ
⛺غربة عشاق⛺
Romanceبيب بيب وسعو?😎💀👿👹رجعتلكم بكرونيك ناار 🔥🔥🔥كرونيك صاروخ 🚀♨قصة عسل🔞🔞😗😘👀 موضوع مشوق 💋👄أحداث جريئة غير متوقعة 👫💏 أفكار غير مألوفة 😥😆😉 الكاتبة متاعها تميزت بأسلوبها الفريد 😘😗 عندها قلم مبدع 😍😋ديما تبحث على المواضيع الجديدة 👍👍❌تب...
