لاجل عينيك سقطت في المنفى

البارت الخامس

الكاتبة : عليا الناصر

لأجلِ عَينيكِ سَقطتُ في المَنفىٰ

البارت ال : 5

نوران : نااااصر مو وياك أني شجاي يصير هنا وهاي شكو شايلها هيچي بحظنك

ناصر : بحدة نصي حسچ ولا تصيحينوا شنو شايفتني جاهل وتصيحينوا عليه

منيرة : همست لنوران من أگولچ هذني التركيات مو هينات على إمهن ما تصدگيني وهاچ شوفي شلون معلبشة برگبتو وتدلع عليه

نوران : راحت عليهم ناصر حبيبي شبيها ليش شايلها وهي هاي جيلان مالت شيل تراها صايره مريه ومو مالت تشيلها بحظنك هيچي

ناصر : ناظر بمنيرة تراچ زودتيها يولي ولا تصغرينوا عقلچ وتصدگين بياهو اللي يحچي ما تشوفينها رجلها شلون مجروحة وفيضت دم 

منيرة : عيارة بنات كل شي ما بيها ذبها بالگاع وهسة أجيبلها وصلة وأشدها الها وجرتها من رجلها

جيلان : بعنادهن لأن تضوج منهن وتدري بنوران تغار على ناصر ولأن صدوگ رجلها گامت توجعها من جرتها منيرة منها صرخت آآآخخخ شبيچ ملختيها لرجلي وحظنت ناصر بقوة من رگبته

نوران : من شافتها إشتعلت وفولت من الغيرة صاحت نااااصر نزلها وخلينه إحنة نشوفها لرجلها

ناصر : صاح بيها يولي حسچ لا تعلينوا ووين أنزلها بالله وإنتِ الثانية هم صاحية بالله شلون تجرينها هيچي من رجلها وهي توجعها والگزاز داخل بيها

يمينة : طلعت من غرفة صالحة عالصوت ناصر خير شبيها جيلان

ناصر : ما بيها شي لا تخافينوا عليها إنجرحت رجلها جيبي عباتچ وتعالي ويانا حتى نوديها للمضمد يخيطها الها

نوران : وشكو يمينة تروح وياكم أني أروح وهي يمينة أول تالي تطلع من البيت وأصلاً كرار ما يرضى تطلع