الكاتبة : عليا الناصر
لأجلِ عَينيكِ سَقطتُ في المَنفىٰ
البارت الـ : 89
حجي عبدالرحمن : غير الموضوع يولو شو إنطيني موبايلچ خليه يمي
هديل : لا شلون أنطيه الك مو تدري بيه أحب أصور بي ويعدين تراك والله كلش شوقتني للمكان اللي تريد تاخذني بي فگولي وين راح توديني
حجي عبدالرحمن : ناظرها وإبتسم الها إصبري يابا إصبري الصبر حلو على شنهو مستعجلة وكمل طريقة
هديل : ورى نص ساعة تأفأفت هاي شنو وين راح توديني طلعنا خارج مركز المحافظة شنو رايحين للمزرعة إحنة لأن هذا الطريق أعرفه أني زين شعدنا هناك بالمزرعة عبوتي گولي شنو المفاجئة اللي محضرها الية هناك ترى والله بعد ما أگدر أصبر أكثر
حجي عبدالرحمن : عود من نوصل تشوفينها للمفاجئة شنو وكافي إسكتي بعد لا تلحينو زايد وغير طريقة وأخذها لطريق ما بي أحد بعدين وگف السيارة يم بستان مهجور يله إنزلي وصلنا ونزل وإجى فتح الباب مالت الصدر ونزلها
هديل : گلبها لعب وخافت من شافت المكان مهجور ولا طير الطاير بي شنو وصلنا وين جايبني إنتَ ما عليه ما أنزل وأدخل جوى لأن أخاف رجعني لبيتنا يلة عبوتي وبلاها للمفاجئة ما أريد
حجي عبدالرحمن : لا بعد أبد ما ترجعينو للبيت ومسكها من متنها وسحبها دخلها جوى للبستان
هديل : عبوتي فكني شبيك راح تخلعة لمتني ما أريد گتلك أخاف عبوتي شبيك جاي أگولك ما أريد
حجي عبدالرحمن : ولا كأنه جاي تحچي ويا وأخذها لخرابه بنص البستان وبين الأشجار ما تبين فتح بابها ودفعها لهديل بنصها ومن وگعت على وجهة بنص الخيسة والوسخ لأن المكان كان كلش وسخ ومو نظيف وكله طين وتراب عجل يولي تزوجتي مني بس لحتى تكونين قريبة عليه لجراح وحتى تتمعشگينو براحتچ وتبلينو بيچ وعبالچ أنة غبي ومضحكة والمي تجري من جواي وما أدري بشي وأخليچ تاخذينو راحتچ وعلى حلو شعرچ وتسوين اللي چنتي ناويه عليه وتخربين بيتو لجراح وتوگعينو بشباكچ شنهو ما دريتي جراح طير حر ومحد تگدر تصيدو لا إنتِ ولا عشرة مثلچ ومو إبني اللي يوگع بفخچ وتسحبين رجلو وتخلينو يخون أبو وعايلتو ولو چنتي الحور العين جراح ما يسويها
هديل : كذب والله العظيم كذب هو دومه يتحرش بيه ومو شفته بعينك إنتَ هذيچ المرة شلون كان مچلب بيه ويريد يغتصب ..
حجي عبدالرحمن : صاح بيها بصوت عالي إنچبيييي وإسكتي لا أگصو للسانچ هذا محد چذاب غيرچ ولا تحلفينو لن الله بريء منچ ومن شكولاتچ ولو أشوفو لجراح بعيني ما أصدگو هو مستحيل هيچي يسوي ولچ هذا عامود بيتنا وأبو سيف علي اللي كل الدنيا تحلف بحياتو وعندو كرامة وأنفة مو عند أحد من البشر ولچ مرتو اللي هي مرتو وبنت عمو بس شرطت عليه ما يتقربو منها لا جاها ولا وصلها وظل فوگ الـ 5 سنين ما يوصلها لنه نفسو عزيزة حيل وما يهون عليه ينزلها على أحد النوب تجي نفسو وتدني عليچ إنتِ ويتحرشو بيچ وهو عمرو ما چان عندو سوالف مكسره وخايسة ويدورو الحرام ومن چان شاب لا وچمالة وإنتِ مرتو لأبوه ولچ چنتي بنية وقبل ما تتزوجيني وذابة روحچ عليه الا ساحلتها سحل ويومية تجينو للعلوة وتتحرشينو بي وما عبرچ ولا گلبچ ودومو يطردچ عاد مو إنتِ ومره متزوجة وبعصمت رجال ومنهو هالرجال أبوه وتراني عرفت بكل صخامو وجهچ ورسايلچ اللي چنتي تهددينو بيهن يمينة وصورچ كلهن صارن عندي ومشرف خبرني بكل شي ووصلتي للنهاية فماكو داعي بعد تچذبينو وتنكرين لنچ خلاص إنكشفتي وما الچ كل مهرب ولهذا لازم تتعاقبينو وتنالين جزاء خيانتچ والا لا أخليچ تتندمينو على اليوم اللي فكرتي بي تفوتينوا لبيتنا وتضحكينوا بي عليه وتقشمريني وتراچ غلطانة چثير وخلي يكون بعلمچ تراني من تزوجتوا منچ چنت أدري بيچ رضيتي بيه مو لسوادوا عيوني وأدري بيچ تزوجتيني على مود زنگنتي وفلوسي وأنة تزوجتچ بس لحتى أتونسو وياچ شهر شهرين ووراها أطلگچ لني مو من النوع اللي أستمر ويا مره تزوجتها وكل زواجتي ما تطول وكلها تدري بيه وبالفعل ردت أطلگچ بس حظچ غلبني من طلعتي حامل فإضطريت أرجعچ للبيت بس الحمدلله اللي ربو العالمين طرحچ لنو ما راد يجي الطفل عالدنيا وتكونين إنتِ هي أمو ويتعيرو من وراچ لنچ وحدة خايسة وزبالة وما عندچ شرف ولا ذرة إحترام وما تستاهلينو غير بس الواحد يطحو حظچ وأني اللي راح أطيحو لحظچ وأتوبچ عن كل سوالفچ الشينة
أنت تقرأ
لاجل عينيك سقطت في المنفى
Chick-Litأحياناً تجيرك الحياة على الجور وظلم من تحب وأقرب الناس إليك بهدف الحماية أو بهدف تنفيذ العادات والتقاليد البالية فقط لأنها متوراثة وإذا لم تقم بتنفيذها لست برجل وفقاً لحساب قانون العائلة أو العشيرة هو المتسلط الاناني والشرير الذي يجزم و بكل القوى ا...
