لاجل عينيك سقطت في المنفى

البارت الواحد والثمانون

الكاتبة : عليا الناصر

لأجلِ عَينيكِ سَقطتُ في المَنفىٰ

البارت ال : 81

عبدالعزيز : ركع گدامها ومسكها لماريا من إيدها شبيچ گلبتيها مناحة تراني بعدني ما كملتوا لكلامي ولا خبرتچ شنو گالوا الدكاترة ماري هدي مو هيچي ورفع إيديها وباسهن حبيبتي إنتِ بس طولي بالچ تراچ ما بيچ غيروا العافية والله العظيم وأصلاً لا طلع عندچ مرض خبيث بصدرچ ولا أبد وهاي الدكتورة الحيوانة تشخيصها طلع غلط بغلط مثل ما سبق وگتلچ وتحاليچ أثبتت إنو عندچ حليب متجمع على شكل كتل بصدرچ وهذا بسبب إرتفاع هرمون الحليب وهو اللي يسببوا الچ الوجع وهذا يروح بمجرد ما تاخذينوا مضادات بسيطة يوصفها الچ الدكتور وها شرط ما يكون حيوان مثلها لهاية اللي خبلتچ وخبلتنا كلنا وياچ

ماريا : عبدالعزيز إنتَ شجاي تگول معقولة يعني أني سليمة .. سليمة ومو مريضة وما بيه المرض الخبيث لو إنتَ جاي تحچي هيچي حتى بس ترفعها لمعنوياتي گولي الصدوگ وماكو داعي تكذبوا عليه الدكاترة اللي رحت عليهم ببغداد أكدولك مرضي وخبروك ما راح أطول هواية مو بالله

عبدالعزيز : إسم الله عليچ يا حبيبتي وكون عمري قبل عمرچ وما أشوفها اللوعتوا فراگچ ووالله العظيم وداعتچ وغلاتچ عندي ما گتلچ غير الصدوگ إنتِ سليمة وصحتچ عال العال وما شاء الله عليچ

ماريا : عجل ليش إنتَ ضايج أول ما إجيت وليش كان وجهك ما يتفسروا

عبدالعزيز : من قهري من هاي الحيوانة الدكتورة والقلق اللي عيشتنا بي تدرين أني شصار بيه على شويه ردت أتخبلوا وأعصابي فرطت عالأخير وصارلي يومين ما نايم وأني الها وأعلمها على هالسواية اللي سوتها بينا وإذا ما أندمها وأشتكي عليها وأفضحها فضيحة وأخليها عبرة ما أكون أني عبدالعزيز وأنعلوا أبو اللي نطاها الشهادة هذي وحدة حقيرة وطايحوا حظها والله يعلموا شگد عدد الأخطاء اللي سوتها وشگد موتت عالم من وراها بسبب تشخيصها الخطأ وبس أريد أعرف شغلة وحدة يعني إنتِ مو گدها لهاي الشغلة شكو تشتغلينوا بيها وشنو هالإستهتار هذا اللي عندچ ولهالدرجة حياتوا الناس لعبه بين إيديچ حتى تستهترينوا على كيفچ وتموتينهم

ماريا : الله يجازيها على كل أعمالها والله الظاهر طلع كلامها ليمينة صحيح من گالت ما أرتاحلها وما
رضت تستمروا بالمراجعة يمها يعني هسة أني خلاص .. خلاص ما بيه شي وسليمة مية بالمية وصحتي زينة

عبدالعزيز : اي والله ما بيچ شي وأصحى مني بعد

ماريا : تنهدت براحة يا ربي الحمد لله والشكر الك يا ربي اللي طلعت سليمة وصحتي زينة وكل شي ما بية