الكاتبة : عليا الناصر
لأجلِ عَينيكِ سَقطتُ في المَنفىٰ
البارت ال : 56
حجي محمد : گام ينافخ على ناصر من صعدوا بالسيارة وحركها شعندك وياهن لهذني البنات
ناصر : يا بنات أها هذني المهجرات والله عمي ما عندي شي وياهن ومدري من وين طلعن بوجهي ولزگلي وشكلهن الصراحة ما ينطنوا وجه ومنفتحات زيادة عن اللزوم ما تگلي خالي وين لاگاهم ولافاهم وجابهم علينا وشلون يعرف هيچي شكولات مثلهم
حجي محمد : وخالك الرجال شمدري بيهم يطلعون والعياذ بالله منهم عايلة ما أدري شأگول عليهم وما أريد أشيلوا غيبتهم لنو الرجال صايم مصلي متقي الله ودرويش ومن السلف الصالح بس هو عن طريق ناس يعرفهم متصلينوا بي وطالبين حميتوا وهو من شايفهم عايله على گولتك عايله مفتحة زيادة عن اللزوم متصلوا بجراح وطالب منو يأويهم بالمزرعة لنو يدري بيها بعيدة ومحد يجي يمهم ويشوفهم فعبالوا ما راح يسببون إزعاج لأحد
ناصر : عمي لا تحرگ أعصابك من وراهم وهاي راح ترجع لبيتك وبعد لا تشوفهم ولا تسمعوا عنهم
حجي محمد : إن شاء الله أگول وليدي ما تتصلوا بعمر وتشوفوا وينو
ناصر : عمي إذا على مود ياخذها لعائشة فأترجاك عوفها لهاي السالفة هسة بعدين لأن عائشة تعبانة وحالتها النفسية مو مستقرة
حجي محمد : وحالتها راح تستقروا لو راحت عد رجلها وبيتو يول شجرالكم إنتو شو صايرين ما تحشموني ولا تسمعون كلمتي وتراني الحمدلله بعدني بعقلي وما خرفت حتى تگومون تصوفرون تصوفر لكلامي وما تعدوني بالعدة
ناصر : أستغفروا الله عمي ليش هيچي تگول وإنتَ الله يشهد أغلى من أبوية عدنا وكلامك سيف وعلى گصو رگابنا نطبقوا
حجي محمد : بضوجة اي واضح وهذاك چان أول مو هسة وطلع موبايله وإتصل على عمر هلا عمي شلونك وينك إنتَ شو ما تبين اي والله أريد أجي عليك اي هسة منا لساعتين هيچي موجود بيتك لو بالشغل لا ماكو داعي تجيني لبيتي أنة أجيلك عجل لما تخلصوا شغلك وترجعوا لبيتك نكون وصلنا إحنة وإجينة عليك إنتظرنا ويله الله وياك وسد الخط ودار وجهة صفحة ما يعجبة يحچي وياه لناصر
ناصر : بعد ما لح عليه لأن يدري بي من يقفل مزاجة صعب بعد يغيرة ولذلك همه متعودين عليه بعد ما يحاچونة ولا يلحون عليه ويتركونة لما يهدىء كان بالة مشغول على شقرائة فإتصل عليها وما خلاه عالسبيكر لان يدري بيها لو إنطلقت تردح بعد ما تسكت وما يريد عمه يسمعهم ظل يرن ويرن الى أن فتحت الخط
أنت تقرأ
لاجل عينيك سقطت في المنفى
Literatura Femininaأحياناً تجيرك الحياة على الجور وظلم من تحب وأقرب الناس إليك بهدف الحماية أو بهدف تنفيذ العادات والتقاليد البالية فقط لأنها متوراثة وإذا لم تقم بتنفيذها لست برجل وفقاً لحساب قانون العائلة أو العشيرة هو المتسلط الاناني والشرير الذي يجزم و بكل القوى ا...
