الكاتبة : عليا الناصر
لأجلِ عَينيكِ سَقطتُ في المَنفىٰ
البارت ال : 19
جراح : يولي شتگولين إنتِ ومن وين طلعوا النا هذا نويف هسة وراحوا بسرعة عليهم
عمر : من شاف عبد العزيز جاطل نايف بالگاع ويضرب بي وهو فقد بإيدة من البوكسات ركض عليه وهو يصيح بي عزززززيززز يول تخبلت عوفو لا تضربوا يول لا يروح يموت بإيدك ودفعة بعيد عنه ولك عززززيزز ومسكه ما خلاه يرجع عليه ويضربة من جديد كافي يول شجاك
عبد العزيز : بحدة صاح بعمر يول عوفني هذا الساقط يرادلوا ذبح والله العظيم وإلتفت على جراح والله إنتَ مو رجال إذا خليت أختك على ذمتو بعد ساعة وحدة وعافهم وطلع من السوگ شايط
جراح : من شاف ماريا واگعة بالگاع وحلگها ينزف وشالها واگع وعباتها مدري وين مشمورة راح عليها وگومها ونزع شماغة وذبه عليها وبحدة عائشة أمشن للسيارة بسرعة ورجع على نايف اللي چان لساعة نايم بالگاع وراد يضربة
عمر : راساً وگف گدام جراح ومنعة لا تتخبلوا إنتَ الثاني ما تشوفو شلون فاقد الوعي وعزيز ما قصروا بي إخذ أهلك وروحوا للبيت بسرعة ما تشوفوا وضعهم مو تمام
جراح : من شاف ماريا تبچي وترجف مثل السعفة وعائشة هم تبچي إمشن گدامي يله عمر ما أدري شلي صار بالضبط بس إعتذرلي من عبد العزيز لأن أكيد هذا العار شوف شگايلوا هل خلاه يفقد أعصابوا عليه ويضربوا هيچي ضرب مالت موت يله إمشن
عمر : إنتبه لعلاليگ عائشة وماريا اللي چانن بالگاع لحظة جراح نسيتو هذني وشالهن جمعهن ونطاهن لعائشة
أنت تقرأ
لاجل عينيك سقطت في المنفى
ChickLitأحياناً تجيرك الحياة على الجور وظلم من تحب وأقرب الناس إليك بهدف الحماية أو بهدف تنفيذ العادات والتقاليد البالية فقط لأنها متوراثة وإذا لم تقم بتنفيذها لست برجل وفقاً لحساب قانون العائلة أو العشيرة هو المتسلط الاناني والشرير الذي يجزم و بكل القوى ا...
