لاجل عينيك سقطت في المنفى

البارت السابع والخمسون

الكاتبة : عليا الناصر

لأجلِ عَينيكِ سَقطتُ في المَنفىٰ

البارت ال : 57

جيلان : بصياح وعصبية ولچ إنتِ خبلة شلون هيچي تريدين تسوين ومن شافتها سكتت وما ردت عليها والله تخبلتي ورسمي همين

يمينة : فتحت الباب وفاتت عليهن هي وماريا خير .. خير شهالصياح هذا شكو شبيچن يولات مو وياچن أني جيلان ليش جاي تصيحينوا عليها لأختچ خطية شمسويتوا هي ما تحچن عاد

جيلان : هاي الثولة تريد تخبر ناصر لو جراح حتى يتصللون على هذا الدب اللي زوجوها اله على مود يجي ياخذها وتروح يمة لبيتة

ماريا : شنوووو هاي من كل عقلچ عائشة لو جاي تتشاقينوا وياها لأختچ

يمينة : بعصبية من شافتها لعائشة لساعها ساكتة وما ردت تقربت منها وصاحت بيها ما تحچين صحيح هالحچي هذا ولچ ليش هيچي ترخصينها لنفسچ وتروحين عنده مثل وحدة اللي سابينها لو منطينها فصلية ليش شناقصچ إنتِ حتى تسوينوا بنفسچ هيچي وبينا زين إحنة قصرنا وياچ بشي

عائشة : ردت عليها بنفس العصبية اي صحيح وبعدين إنتِ شايفتني أني وحدة طبيعية ولا يكون تريديني أسوي عرس وهوسة وألبسوا بدلة هم هاي الشغلات تسويها الوحدة اللي تحسوا نفسها من صدوگ عروس واللي تكون صافية ونظيفة ومحد لوثها ووسخها مو الناقصة مثلي إي وبلا ما تصفنن وتناظرني بهالطريقة لأن أني وحدة ناقصة .. ناقصة تعرفنوا شنو يعني ناقصة وبعدين أني فكرت ولگيت هذا هو الحل المناسب اليه وما أريد أحد يعارضني وحتى لو ما وافقتوا على قراري ما راح أسمع من أي أحد لو أتراجعوا عنو لأن خلاص قررت وإنتهى وراح أروح عندو لبيتو وإنتو ما قصرتوا ويايا ولا شي بالعكس دللتوني وأي شي حتى قبل ما أطلبوا الگاه عندي بس أني شايفتوا هالشي هو الصحيح بالنسبة اليه ويا ريت تتفهمونوا وجهة نظري

يمينة : ناظرتها بقلة حيلة ماشي عجل داموا هالشي يريحج ودامچ متأكدتوا من قرارچ سوي

جيلان : إعترضت عمة شنو يعني ماشي هاي تخبلت وما لازم توافقونها على خبالها هذا

ماريا : لحظة جيلان لا تظلينوا ترعدينوا علينة وبعدتها من گدامها وراحت گعدت بصف عائشة عالسرير عيوشة حبيبتي إنتِ تدرين كلنا وياچ ونحبچ لأن إنتِ يولي فرحة بيتنا وكلنا نشوفوا نفسنا بيچ وقرارچ هذا أكيد ما إجى على عجلة وإنتِ گعدتي وفكرتي كلش زين وإحنة نوثقوا بيچ وبقرارچ هذا بس يا عيوني إنتِ ما يصيروا تروحين عندو للبيت هيچي ومن هوى الراس وراساً وميخالف أني وياچ خليه يجي وإگعدي وإحچي وياه وتعرفي عليه شوية بس عاد على الأقل إنتظري بس إسبوع هيچي حتى ناخذچ للسوگ نشتريلچ ملابس وشغلات خاصة تحتاجينها يعني مو معقولة تروحين لبيت الرجال بتراكاچ هذا