Fall Into Her season Two (Complete✓)

Chapter 145 " Dinner"

Drixon's Pov.

Nakangiti lang ako habang naliligo. Iniisip ko kung mag dress nga ba si Panget.

Pagdating ko kasi kanina ay agad akong nagtext sa kaniya. Sinabi ko sa text na magdress siya.

Umangal pa siya pero hindi ko siya tinigilan hanggang sa hindi na ito nagreply.

Sana nga lang mag dress ang tibo na 'yon.

Tinapos ko na lang ang pagligo ko bago lumabas ng banyo. Pasado alas-singko pa naman.

Naghanap ako ng masusuot ko. Dapat pogi ako lalo tingnan sa susuotin ko. Iyong tipong mapapatingin si Panget sa akin.

Tse!

Dapat iyong simple pero mas gwapo ako tingnan. Para hindi halatang pinaghandaan ko ang pagpunta nila Panget.

Umabot pa ng ilang minuto bago ako nakapili ng susuotin ko.

Isang kulay itim na pulo habang pinaresan ko ng kulay maroon na shorts hanggang tuhod.

Pagkatapos ay inayos ko ang buhok ko. Nagpabango ako at nilagyan ng gel ang buhok ko.

"Tse! Ang pogi ko talaga," nakangiting sabi ko pa at kumindat sa harap ng salamin ko.

Nang matapos ay inayos ko ang kama ko. Dapat malinis at maganda tingnan ang kwarto ko.

I mean, maganda naman talaga ang kwarto ko at malaki. Mabango pa at laging malinis.

Inayos ko rin ang study table ko. Pati ang lalagyan ng mga librong binabasa ko bago matulog.

Pumunta pa ako sa verandah ko. Napangiti ako nang may maisip ako.

Napahinga pa ako ng malalim bago uli pumasok sa kwarto. Napatingin ako sa relo ko.

Ilang minuto na lang ay mag alas-sais na. Kinuha ko ang cellphone ko bago naupo sa swivel chair ko sa harap ng table ko.

Nagtext ako kay Panget kung nasaan na sila.

Sasama sila Xandra at Kyla. Sinabihan rin kasi sila ni Mom kanina.

(0_0)

Tama!

Si Kyla at Xandra!

Mabilis na nagtext ako sa kanila na pasuotin ng dress si Panget.

Buti na lang at nagreply sila. Napangiwi pa ako nang mabasa ang reply ni Kyla.

Nagsuot lang daw ng kulay itim na damit si Panget habang nakapantaloon.

Anak ng!

Kahit kailan talaga ang Panget na iyon! Walang taste sa pananamit.

Pero sabagay, ayaw ko namang makita siya ng ibang lalaki lalo na ng ex niya na magsuot ng sexy na damit.

Tse!

Gusto ko ako lang pwede makakita.

(0_0)

Ano bang pinag iisip ko? Psh! Gano'n na ba ako ka patay kay Panget para maging possessive ako kahit walang kami?

Aish!

Hindi na lang ako nagreply at lumabas ng kwarto. Pagbaba ko nakita ko sila Mom na may dalang pagkain papunta sa dining area.

Nakaupo naman si Drixie sa couch habang bihis na bihis at nagse-cellphone.

"Ang ganda ng kapatid ko, ah!" nakangiting sabi ko pa sabay upo sa tabi niya.

"Syempre, mana kaya ako kay, Mom." nakangiting sabi pa niya sabay tingin sa akin.

Napakunot pa ang noo niya nang pasadahan nang tingin ang suot ko.