ဘုရင်လေး/ ဘုရင္ေလး(ဘာသာပြန်)(Completed)

အပိုင်း၂၂.၂(ထားသွားခံရခြင်း)အပိုင္း၂၂.၂(ထားသြားခံရျခင္း)

Unicode:

နောက်တစ်ရက်မှာ သူတို့ ရုဒူကို ပြန်တဲ့ခရီးကို စတင်ခဲ့ကြသည်။ 'ကန္တာရခရီးသည်များ´ဟု အမည်မှည့်ထားသော အဖွဲ့က ဝယ်လာခဲ့သောပစ္စည်းများကို သယ်ဆောင်ခဲ့ကြသည်။ သူတို့အဖွဲ့က ကုန်သည်များနှင့်တကယ်တူသည်။ ပစ္စည်းများစွာပါရှိသည့်အပြင် လူတစ်ယောက်လည်း အပိုပါလာသေးသည်။ အစက ရှရှီး ထင်လိုက်တာက ချူးလန်သွားခေါ်လာတဲ့လူက အသက်ကြီးကြီးဖြစ်ပြီး အသက်၆၀၊ ၇၀ လောက်ရှိလိမ့်မယ်လို့ ထင်ထားခဲ့သည်။ ဒါပေမယ့် ဒီလောက်ထိငယ်ရွယ်မယ်လို့ သူမထင်ထားခဲ့ပေ။ ထိုလူက အသက် ၃၀ လောက်ထင်ရကာ လှပသော သွင်ပြင်ရှိသည်။ ထိုလူက ချောမောလှပသည်-မျက်ခုံးထူထူ၊ နှာတံမြင့်မြင့်နှင့် ရိုးသားသော အရောင်အဝါများ ထုတ်လွှတ်နေသည်။ အရပ်မြင့်မြင့်နှင့် ထိုလူက ပညာရှိတစ်ယောက်နှင့် သိပ်မတူ။ ပန်းချီပညာရှင်နှင့် ပိုတူသည်။

ထိုလူ၏ မျိုးရိုးနာမည်မှာ ထန်ဖြစ်ပြီး နာမည်အပြည့်အစုံက ထန်ရှင်းရှ ဖြစ်သည်။ စိုင်ဝှမ်းကတော့ ထိုလူ့ရဲ့နာမည်က ထူးဆန်းသည်ဟု ပြောပြနေသည်။ သူကတော့ မသိချင်ပါ။ အဝေးကနေ တစ်ချက်သာ ကြည့်လိုက်ပြီး အကြည့်များကို ပြန်ဆုတ်ခွာကာ လှည်းထဲမှာ ငြိမ်ငြိမ်လေးထိုင်ရင်း စာအုပ်တစ်အုပ်ကို သည်းကြီးမည်းကြီး ဖတ်နေလိုက်သည်။

သူတို့အဖွဲ့က နေ့ဖက်မှာ ခရီးသွားကြပြီး မှောင်လာတာနဲ့ တည်းခိုဆောင်များတွင် တည်းကြသည်။ ရှရှီး ကတော့ အမျိုးသမီးအဝတ်အစားမျာကို ပြန်လည်လဲလှယ်ပြီးဖြစ်သည်။ လူရိုင်းမျိုးနွယ်တို့၏ အမျိုးသမီးဝတ်များပင်။ သူနဲ့ချူးလန်က တစ်ခန်းနေကြပြီး စိုင်ဝှမ်းက တစ်ခန်း၊ ထန်ရှင်းရှ က တစ်ခန်းနေကြသည်။ သူတို့နှစ်ယောက်စလုံးက ရှရှီး ရဲ့ ဘေးတစ်ဖက်တစ်ချက်စီးက အခန်းများတွင်ဖြစ်သည်။ ချူးလန်က ထိုလူကြီးလူကောင်းကို သဘောကျလေးစားသည်မှာ သိသာလှသည်။ ချူးလန်က သူ့ကို "Sir"၊ "Mr." စသည်တို့ တပ်ခေါ်ပြီး တခါတရံ ထိုလူ့အခန်းထဲသွားကာ ကိစ္စများဆွေးနွေးလေ့ရှိသည်။ သန်းခေါင်ယံအချိန်လောက်ရောက်မှ သူက ပြန်လာသည်။

ရှရှီး ကတော့ ချူးလန် ထူးဆန်းနေသည်ဟု ခံစားမိသည်။ သူ နေမကောင်းဖြစ်ပြီးကတည်းက သူတို့နှစ်ယောက် နမ်းတာကလွဲလို့ ဘာမှ မလုပ်ကြပေ။ ဒီအပြုအမူက အရင်တုန်းကနှင့်မတူသိမှာ သိသာလှသည်။