Unicode:
အခုလိုအလှည့်အပြောင်းက အားလုံးကို ထိတ်လန့်စေသည်။ ရှရှီး ကတော့ သူ့အရှေ့က ကလေးငယ်ကိုကြည့်ရင်း ပိုလို့တောင် အံ့သြနေတော့သည်။ တော်တော်လေးကြာမှ သူအသံထွက်နိုင်သည်။
"ချွင်း.....ချွင်းအာ.....မင်း....မင်းစကားပြောလိုက်တာလား"
ရှချွင်းက သူ့ကို ပြန်မဖြေတော့ဘဲ စိုင်ဝှမ်းဖက် စိုက်ကြည့်ကာ
"ခင်ဗျား ဒီထဲမှာ ဘာတွေထည့်ထားလဲ!!"
သူက စကားမပြောတာကြာပြီဖြစ်တာကြောင့် သူ့အသံက သြရှနေသည်။ နောက်ပြီး သူ့အသံက ရှင်းရှင်းလင်းလင်းကြီးမဟုတ်သော်လည်း စကားလုံးတွေကတော့ သူ့ပါးစပ်မှ ထွက်ပေါ်လာပါသည်။
စိုင်ဝှမ်းကလည်း ထိုကလေးစကားပြောတတ်မယ်လို့ မထင်ထားခဲ့ပေ။ နောက်ပြီး ထိုကလေးက သူမကို အခုလိုအသံအနေအထား၊ အခုလိုပုံစံမျိုးနဲ့ မေးလာလိုက်မယ်လို့ ထင်မထားခဲ့ပေ။ သူမ မျက်နှာက ထိတ်လန့်မှုတို့ဖြတ်ပြေးသွားသော်လည်း သူမက တည်ငြိမ်အောင် ထိန်းချုပ်လိုက်ကာ
"ငါက စွံပလွံသီးနဲ့ တောကြက်မောက်သီးတွေပဲ ထည့်ခဲ့တာပါ။ ငါဘာတွေထည့်ထားလဲ၊ ဟုတ်လား!နင်....နင် ဘာကို ဆိုလိုတာလဲ!!"
သူမပြောပြီးတာနဲ့ ရှချွင်းက ပန်းကန်ကို စိုင်ဝှမ်း ဖက် တိုးပေးလိုက်ကာ
"သောက်လိုက်!"
စိုင်ဝှမ်းက ထိတ်လန့်သွားက မျက်နှာက ဖြူဖျော့သွားပြီး
"ဘာ!!"
ရှချွင်းက သူမကို စိုက်ကြည့်နေရင်း စကားတစ်လုံးချင်းစီ ပြောလိုက်သည်။
"ခင်ဗျားသောက်ပြရင် ကျုပ်ယုံမယ်!"
စိုင်ဝှမ်းက အလျင်အမြန် ကျယ်လောင်စွာ ပြောတော့သည်။
"နင်ယုံကြည်ပေးဖို့ ငါက ဘာလို့ လိုရမှာလဲ! နင် ဘာသိလို့လဲ! ဒီစွပ်ပြုတ်က မင်းသမီးအတွက် အထူးချက်ပေးထားတာ။ အာဟာရရှိတာတွေပဲ ထည့်ထားတာ။ ငါက မင်းသမီးနဲ့ အကြာကြီးနေလာတဲ့သူပါ။ ငါ မင်းသမီးကို နာကျင်အောင်လုပ်မယ်လို့ နင်ဘယ်လိုများတွေးလိုက်တာလဲ!!နင့်ကိုယ်နင် ဘာတွေပြောနေတယ်ဆိုတာ သိရဲ့လား!!!"
BẠN ĐANG ĐỌC
ဘုရင်လေး/ ဘုရင္ေလး(ဘာသာပြန်)(Completed)
Tiểu thuyết Lịch sửTitle.....The Little King English translator...PastTimer ""Permission granted from English translator"" English translation link👇🏻👇🏻 https://www.wattpad.com/story/239997376?utm_source=android&utm_medium=link&utm_content=story_info&wp_page=story_...
