Unicode:
သူ့အသံက ကျယ်လောင်လွန်းတာကြောင့် လူတွေ ကြောက်လန့်တကြား ဖရိုဖရဲ ထွက်ပြေးသွားစေဖို့ လုံလောက်သည်။ အခန်းက တစ်ဖန် တိတ်ဆိတ်သွားပြန်သည်။ သူ ချူးလန်ကို ဒေါသထွက်အောင် လုပ်မိပြီဆိုတာ သဘောပေါက်လိုက်သည်။ သူက ထိတ်လန့်ပြီး စိတ်လှုပ်ရှားနေတာကြောင့် နှုတ်ခမ်းကိုသာ နာနာလေး ကိုက်ထားမိသည်။ စကားတစ်ခွန်းမှ လည်း မပြောရဲပေ။
ချူးလန်က သူ့ကို စိုက်ကြည့်နေကာ
"ငါ သူမကို သဘောကျတယ်ဆိုရင်ရော ဘာလုပ်မှာလဲ။ သူတို့တွေအကုန်လုံးကို မင်းအထဲကို ခေါ်သွင်းပေးမှာလား။ ရှီးအာ၊ မင်းအရမ်း ရက်ရောပါ့လား။ ငါ့ဘေးမှာ မိန်းမတစ်ယောက်ကို အဲ့လောက်တောင် ဆိုးဆိုးရွားရွား ထားပေးချင်နေတယ်ပေါ့!!ဘာလို့လဲ။ ငါ့ဒဏ်ကို မခံနိုင်တော့လို့လား။ အဲ့တာကြောင့် အခြားတစ်ယောက်ကို ရှာပေးချင်နေတာလား!!!"
ရှရှီး က မျက်လုံးများပြူးကျယ်နေပြီး ချူးလန်ကို ထိတ်လန့်တကြား ကြည့်လိုက်သည်။ ချူးလန်က သူ့အနားကို တိုးကပ်လာကာ
"မင်းငါ့ကို အဝေးကို တွန့်ပို့ချင်နေတာလား!!!"
ရှရှီး ခေါင်းကို အမြန်ယမ်းလိုက်ကာ
"ကျနော် အဲ့လိုမျိုးတွေးတာ မဟုတ်ပါဘူး.....မဟုတ်....."
တကယ်တော့ ချူးလန်က သူ့ကို နေ့တိုင်း အိပ်ယာပေါ်က မဆင်းနိုင်အောင် လုပ်တာတောင် သူ ချူးလန်ကို အခြားသူများနဲ့ မျှဝေလိုခြင်းမရှိပါ။
သူဘယ်ကတည်းက ဒီလူသားကို သဘောကျမိနေလဲဆိုတာလည်း မသိပါ။
ချူးလန် နှုတ်ခမ်းထောင့်တွေက လှောင်ပြုံးတစ်ခု ဖြစ်တည်သွားပြီး
"ဟူချီ ကိစ္စကိုတောင် ငါ့အတွက် လိုက်စဥ်းစားပေးနေတာလား။ အဲ့မိန်းမကို စစ်သူကြီးက ဆက်သထားတာ။ ငါက သူမကို ငြင်းဆန်ရမလား၊ လက်ခံရမလား စဥ်းစားနေတုန်းရှိသေးတယ်။ မင်းဘာလို့ အဲ့လောက်တောင် ထူးချွန်နေရတာလဲ ဟမ်!!သူမကို လက်ခံလိုက်ဖို့ကိုတောင် လိုက်စဥ်းစားပေးနေတယ်ပေါ့!!ငါ့အတွက်တော့ ပြဿနာတွေ လိုက်ရှင်းပေးနေတယ်ပေါ့လေ"
YOU ARE READING
ဘုရင်လေး/ ဘုရင္ေလး(ဘာသာပြန်)(Completed)
Historical FictionTitle.....The Little King English translator...PastTimer ""Permission granted from English translator"" English translation link👇🏻👇🏻 https://www.wattpad.com/story/239997376?utm_source=android&utm_medium=link&utm_content=story_info&wp_page=story_...
