ဘုရင်လေး/ ဘုရင္ေလး(ဘာသာပြန်)(Completed)

အပိုင်း၂၁.၂(ဖျားပြီ)အပိုင္း၂၁.၂(ဖ်ားၿပီ)

Unicode:

ရှရှီး နောက်နာရီအနည်းငယ်ကြာ ကိုယ်ပူနေခဲ့ပြီးနောက် ချွေးတွေထွက်တာကြောင့် ဝတ်ရုံများ စိုရွဲလာပြီး နဖူးပေါ်က အပူချိန်လည်း ကျသွားတော့သည်။ နှုတ်ခမ်းထောင့်ကအနာများကတော့ ရှိနေဆဲဖစ်ပြီး အနာပြန်ပွင့်ထားတဲ့ သင်္ကေတများ ရှိနေသည်။ အဲ့တာက အဖျားရဲ့နောက်ဆက်တွဲဆိုးကျိုးများကြောင့်လားတော့ မသိပေ။ ရှရှီး နိုးလာချိန်မှာတော့ သူက အားနည်းနေခဲ့သည်။ သူက ချူးလန်ရဲ့ပွေ့ဖက်ထားခြင်း ခံရပြီး ဆန်ပြုတ်ခွံ့ကျွေးခြင်းကို ခံနေရသည်။ ထို့နောက် ခါးသက်သက်ဆေးတစ်ပန်းကန်ကို သောက်ရပြန်သည်။ ထို့နောက်တွင် သူပြန်အိပ်ပျော်သွားသည်။

ရှရှီး က ရက်အနည်းငယ်ကြာ ဖျားနေခဲ့ပြီး ချူးလန်က ထိုရက်တွေအတွင်း ဘယ်မှမသွားဘဲ ရှရှီး နဲ့သာ နေပေးသည်။ ရှရှီး ဝေယျာဝေစ္စအများစုကို ချူးလန်ကသာ ပြုလုပ်ပေးသည်။ ချူးလန်က သန်မာသည်။ ထိုရက်တွေအတွင်း ပိန်ကျသွားတာမျိုး၊ မျက်တွင်းချောင်သွားတာမျိုးတောင် မရှိပေ။

ငါးရက်မြောက်နေ့တွင် ရှရှီး နေကောင်းစပြုလာသည်။ ကိုက်ခဲနာကျင်တာမျိုးလည်း မရှိတော့။ ဖျားတာနာတာမျိုးလည်း မရှိတော့။ စားချင်​သောက်ချင် စိတ်လည်း အတော်လေးတိုးတက်လာသည်။ နှုတ်ခမ်းထောင့်က ဒဏ်ရာများ ပျောက်ကင်းသွားသော်လည်း အနာဖေးကျန်ရှိနေပြီး သေချာတော့ မမြင်ရပေ။

ရှရှီး သူ့ဘာသာ ရေချိုးလိုက်သည်။ ချူးလန်က ဘယ်သွားနေမှန်းမသိပေ။ ဘယ်လိုပဲဖြစ်ဖြစ် ချူးလန်မရှိတာကြောင့် စိုင်ဝှမ်းက အခန်းထဲဝင်လာသည်။ သူမက ရှရှီး ဆံပင်သုတ်ပြီးသည်အထိ စောင့်နေလိုက်သည်။ ရှရှီး က ကြေးမုံရှေ့တွင် ထိုင်လိုက်ပြီး ပါးစပ်က ဒဏ်ရာများကို စစ်ကြည့်လိုက်သည်။ ထို့နောက် သူက စိတ်ရှုပ်ထွေးစွာ ပြောလိုက်သည်။

"ဒီအနာဖေးတွေကို ဘယ်အချိန်မှ ကုတ်ဖဲ့လို့ရမှာလဲ။ စိုင်ဝှမ်း...ငါနေမကောင်းဖြစ်နေတုန်းက တော်တော်ရုပ်ဆိုးလားဟင်"

"မင်းသမီးနေမကောင်းဖြစ်နေခဲ့တဲ့ ရက်တွေတုန်းက ကျမက မင်းသမီးကို တွေ့ခွင့်တောင် မရှိဘူး။ ဘုရင်ကြီးက ကျမကို မင်းသမီးကို မပြုစုခိုင်းဘူး။ သူပဲ အကုန်လုပ်သွားတာ"