Unicode:
ချူးလန်ရဲ့ ပွင့်လင်းတဲ့ ချီးကျူးစကားကြောင့် ရှရှီး နှလုံးသားလေးခုန်ပေါက်သွားသည်။ သူ့ရင်ဖက်ထဲ ချိုမြိန်မှုတွေ ပြည့်နှက်သွားပြီး သူ့မျက်နှာကတော့ ပိုမိုနီရဲလာသည်။ ချူးလန်က သူ့ကိုစိုက်ကြည့်ရင်း မေးလိုက်သည်။
"ရှီးအာရော ဘယ်လိုထင်လဲ။ ကိုယ့်ကို ချောတယ်လို့ထင်လား။ ရှ နိုင်ငံက အမျိုးသားတွေရဲ့ ယှဥ်ရင် ကိုယ်က ဘယ်လိုလဲ"
ရှရှီး ရှက်ရွံစွာ ပြန်ဖြေသည်။
"သေချာပေါက် အရှင်က အချောဆုံးပေါ့။ ရှနိုင်ငံက အမျိုးသားတွေကလား......ကျနော် အမျိုးသားတွေကို သိပ်တောင်မမြင်ဖူးဘူး။ မောင်းမဆောင်ထဲ ဝင်ထွက်သွားလာနေကြတဲ့ မိန်းမစိုးတွေကလည်း ယောက်ျားတွေနဲ့ သိပ်မတူပါဘူး။ အရင်ကတော့ ကျနော့်ခမည်းတော်ကို ချောတယ်ထင်ခဲ့တာ။ နောက်ပိုင်းကျ သူက ပုပုဝဝကြီး ဖြစ်လာတယ်လေ"
ချူးလန်က နှုတ်ခမ်းဆူရင်း
"ရုပ်ရည်အကြောင်းပြောနေတာကို ဘယ်လိုလုပ် မင်းခမည်းတော်နဲ့ ကိုယ်နဲ့ကို တလေတည်းထားပြီး နှိုင်းယှဥ်ရက်တာလဲ။ မင်းအစ်ကိုတော်နဲ့ဆိုရင်ရော....လီယွမ်နဲ့ကိုယ်နဲ့ "
ရှရှီး အကူအညီမဲ့နေပြီး ပျော်လည်းပျော်နေသည်။
"သေချာပေါက် Li Shoubei က အရှင့်လောက် ဘယ်ကြည့်ကောင်းပါ့မလဲ။ နောက်ပြီး ဒီနာမည်က စိုင်ဝှမ်းပေးထားတဲ့နာမည်ပါ။ကျနော် အရင်က သူ့ကို အဲ့လို မခေါ်ခဲ့ဖူးဘူးနော်။ ကျနော့်ကို အထင်မလွဲပါနဲ့နော်"
[Sorry guys
Li Shoubei ကို သိပ်နားမလည်ဘူး။ နားလည်တဲ့သူရှိရင် ရှင်းပြသွားကြအုံးနော် ]
ချူးလန်က ကျေနပ်သွားပြီး
"ဒါဆို စန်းစန်းမု နဲ့ရော။ လူတွေပြောကြတာတော့ သူက လူရိုင်းတိုင်းပြည်မှာ အချောဆုံးတဲ့။ ရှီးအာလေးရော ဘယ်လိုထင်လဲ"
ရှရှီး က ခေါင်းယမ်းကာ
"ကျနော်ဖြင့် သတိတောင် မထားမိပေါင်"
သူ့အဖြေက ဟာသဥာဏ်ရွှင်ပြီး ချူးလန်ကလည်း အတော်လေးပျော်ရွှင်သွားသည်။
VOCÊ ESTÁ LENDO
ဘုရင်လေး/ ဘုရင္ေလး(ဘာသာပြန်)(Completed)
Ficção HistóricaTitle.....The Little King English translator...PastTimer ""Permission granted from English translator"" English translation link👇🏻👇🏻 https://www.wattpad.com/story/239997376?utm_source=android&utm_medium=link&utm_content=story_info&wp_page=story_...
