Unicode:
ရှရှီးစိုက်ခဲ့တဲ့ အစေ့တွေက သိပ်မကြာခင်မှာပဲ အညွန့်တွေ ထွက်လာသည်။ ဒါပေမယ့် သိပ်မကြာခင်မှာပဲ ဆောင်းရာသီ စောဝင်လာပြီး နှင်းမုန်တိုင်းကြောင့် သေကုန်သည်။ သူ ဝမ်းမနည်းပါ။ အပင်တွေက သိပ်ပြီးခံမှာမဟုတ်ဘူးဆိုတာ သူသိပါသည်။ အစေ့တွေ အများကြီး မသုံးခဲ့တာပဲ ကျေးဇူးတင်ရမည်။ နောက်ဆောင်းမဝင်ခင် ထပ်ကြိုးစားကြည့်ရမည်လေ။
ရူဒူမှာ ဆောင်းရာသီက ပိုစောပြီး ဝင်သည်။ ပထမဆုံးနှင်းကျပြီးတဲ့နောက် ရာသီဥတု ပိုပိုပြီး အေးလာသည်။ ရှရှီးရဲ့ ကျန်းမာရေးက သိပ်မကောင်းတဲ့အတွက် အအေးဒဏ်သိပ်မခံနိုင်ပေ။ ဒါ့ကြောင့် သူဟာ နန်းတွင်းထဲက မီးသွေးဖိုဘေးမှာပဲ အမြဲထိုင်ပြီး အနွေးဓာတ်ရအောင် လုပ်နေရသည်။ အားလပ်ချိန်တွေမှာ သူဟာ ချူးလန်အတွက် အဝတ်အစားနဲ့ ဖိနပ်တွေ ချုပ်ပေးနေလေ့ရှိသည်။
နန်းတွင်းက တချို့ အစေခံတွေက အဝတ်လုပ်တဲ့နေရာမှာ တကယ်ထူးချွန်သည်။ ဒါပေမယ့် သူ့မှာ ဒီဟာကလွဲရင် ကျန်တာကလည်း သိပ်မလုပ်တတ်ပေ။ ရှရှီးက ချူးလန်အတွက် Bellyband တစ်ခု လုပ်ပေးနေသည်။
[Bellyband👇🏻👇🏻.English translator ထည့်ထားတဲ့ပုံပါ]
Ups! Gambar ini tidak mengikuti Pedoman Konten kami. Untuk melanjutkan publikasi, hapuslah gambar ini atau unggah gambar lain.
ချူးလန်က ညညဆိုရင် စောင်တွေကို ကန်လွန်းလို့ သူ့ဗိုက်က အေးပြီး နာလေ့ရှိသည်။ စိုင်ဝှမ်းကတော့ ဘုရင်လေး ဗိုက်နာတာ တခြားအကြောင်းရင်း ရှိမယ်လို့ ထင်နေသည်။ သူမ တီးတိုးပြောလိုက်သည်။
''ဘုရင်လေးက အသားတွေ နေ့တိုင်းစားနေတာ။ တခါတလေဆို သိပ်တောင် မကျက်ဘူး။ ဒီလို စားသောက်ပုံမျိုးနဲ့ ဗိုက်နာတာ မဆန်းပါဘူး''
ရှရှီးအဆောင်ထဲမှာ သူတို့နှစ်ယောက်အပြင် တခြားလူ မရှိ။ ရှရှီး နှုတ်ခမ်းများ ကပြုံးနေပြီး နူးနူးညံ့ညံ့ ပြောလိုက်သည်။
KAMU SEDANG MEMBACA
ဘုရင်လေး/ ဘုရင္ေလး(ဘာသာပြန်)(Completed)
Fiksi SejarahTitle.....The Little King English translator...PastTimer ""Permission granted from English translator"" English translation link👇🏻👇🏻 https://www.wattpad.com/story/239997376?utm_source=android&utm_medium=link&utm_content=story_info&wp_page=story_...
