ថេយ៉ុងបានហុចកាំបិទនិងដៃទៅអោយម៉ាក់របស់ខ្លួនទាំងមិនញញើត ពេលនេះគេគ្មានអ្វីត្រូវខ្លាចទេគាត់ចង់ចាក់ឬសម្លាប់គេក៏គេមិនខ្វល់ដែលព្រោះតែពេលនេះគេហត់ខ្លាំងណាស់ រស់នៅគ្មានបានប្រយោជន៍ មានម្តាយតែម្នាក់ប៉ុន្តែគាត់មិនដែលផ្តល់ភាពកក់ក្តៅមកអោយគេ មិនដែលខ្វល់ពីគេ តែងតែបិទសិទ្ធរបស់គេគ្រប់យ៉ាង មិនដែលមានសេចក្តីសុខ ទោះជាពេលនេះអ្នកស្រីគីមចង់ចាក់គេអោយស្លាប់ក៏គេមិនខ្លាចដែល
« ឯងឆ្កួតឬយ៉ាងមិចហា ? » ពេលដែលថេយ៉ុងហុចកាំបិទមកអោយគាត់បែបនេះគាត់ក៏ស្រែកសួរទៅថេយ៉ុងទាំងទឹកភ្នែក
« ខ្ញុំមិនបានឆ្កួតទេ ! ម៉ាក់កើតខ្ញុំមកប៉ុន្តែម៉ាក់មិនដែលផ្តល់ក្តីសុខអោយខ្ញុំម្តងណាទេ ខ្ញុំរស់នៅក៏គ្មានប្រយោជន៍ដែល » ថេយ៉ុងក៏រៀបរាប់ទៅវិញទាំងអួលដើមក គេកើតមកប៉ុន្តែមិនដែលមានក្តីសុខនោះទេ
ផាច់ !
ពេលដែលឮថេយ៉ុងនិយាយហើយធ្វើអោយគាត់ខឹងនិងថេយ៉ុងជាខ្លាំងក៏ជ្រល់ដៃទះថេយ៉ុងម្តងទៀតទៅ ជាហេតុធ្វើអោយផ្ទៃមុខរលោងរបស់ថេយ៉ុងនោះត្រូវងាកទៅតាមកម្លាំងដៃទះរបស់គាត់ជាហេតុដែលធ្វើអោយផ្ទៃមុខរបស់ថេយ៉ុងត្រូវបែកឈាមកែមមាត់បន្តិចព្រោះតែមិនមែនគាត់ទើបតែទះគេនោះទេ គាត់ទះគេពីរដងហើយក្នុងពីរដងនេះគាត់មិនមែនប្រើកម្លាំងដៃទះតិចនោះទេ រួចគាត់ក៏និយាយឡើង
« យើងខំបង្កើតឯងមកតែឯងក៏ចង់អោយយើងសន្លាប់ឯងទៅវិញ យើងជាម្តាយយើងធ្វើនេះព្រោះចង់អោយឯង.... » អ្នកស្រីគីមក៏ពោលឡើងប៉ុន្តែមិនទាន់និងចប់ស្រួលបួលផងក៏ត្រូវថេយ៉ុងស្រែកកាត់បាត់ទៅហើយ
« មួយម៉ាត់ចង់អោយខ្ញុំល្អពីរម៉ាត់ចង់អោយខ្ញុំល្អ ម៉ាក់ចង់អោយខ្ញុំល្អប៉ុន្តែម៉ាកតែងតែបិទសិទ្ធរបស់ខ្ញុំរហូតម៉ាក់មិនដែលខ្វល់ពីខ្ញុំទេ ម៉ាក់បំបែកបំបាក់ពួកខ្ញុំបែបនេះចង់អោយខ្ញុំល្អមែនទេ ម៉ាក់ដឹងទេថាម៉ាក់ធ្វើបែបនេះខ្ញុំមានសប្បាយចិត្តទេ ? តាំងពីម៉ាក់កើតខ្ញុំមកម៉ាក់មិនដែលអោយខ្ញុំសប្បាយចិត្តម្តងណានោះទេ បើបានម្តាយដូចជាម៉ាក់ខ្ញុំសុខចិត្តអត់វិញល្អជាង » ថេយ៉ុងក៏ស្រែកតបទៅវិញទាំងទឹកភ្នែកពេលនេះគេមិនអាចទប់តទៀតបាននោះទេ មួយម៉ាត់ណាក៏ចង់អោយគេល្អប៉ុន្តែទង្វើរទាំងប៉ុន្មានរបស់គាត់ធ្វើមកនេះគ្មានកន្លែងណាល្អនោះទេ បិទសិទ្ធរបស់កូន បំបែកបំបាក់គេ មិនដែលផ្តល់ក្តីសុខអោយគេនេះមែនទេជាម្តាយ ?
