မင်းတယောက် အတွက်သာ (U&Z) - Completed

အပိုင်း ၂၄ (U&Z)

(Unicode)

ရွှေရှင်းလန် အဆောင်ထဲ စစ်ကျွေးကို ခေါ်ပြီး ဝမ်ရိပေါ် ဝင်ခဲ့သည်။

*ဟင်...

ရှေ့မှာ တွေ့လိုက်ရတာက မယ်တော်နဲ့အတူ အစ်မတော် ဝမ်ဖေ့ဖေ့ရဲ့ ယောက္ခမဖြစ်တဲ့ ရွှေရှင်းလန်ရဲ့ ခမည်းတော် ရေနတ်ဘုရားတို့ ဇနီးမောင်နှံ။ ဝမ်ရိပေါ်ရဲ့ လှမ်းနေတဲ့ ခြေလှမ်းတို့ ရပ်တန့်မတတ်ဖြစ်သွားရသည်။ သို့သော် ဟန်မပျက်အောင် ထိန်းရင်း အနီးဆီ လျှောက်သွားလိုက်သည်။

*ကြွပါ အိမ်ရှေ့စံ...

ရေနတ်ဘုရားက နေရာမှ ထကာ ဆီးကြိုလေသည်။ ဝမ်ရိပေါ်ကလည်း ဦးညွတ်လိုက်ရင်းနှုတ်ဆက်သည်။

*ရေနတ်ဘုရား ရောက်နေတာကိုး...ဘယ်တုန်းက ရောက်တာလဲ...ကျွန်တော် မသိလိုက်လို့ အရှင့်ကို သင့်တော်အောင် မကြိုဆို လိုက်ရဘူး...တောင်းပန်ပါတယ် အရှင်...

*မဟုတ်တာ...မဟုတ်တာ...ကျွန်တော်တို့က အကြောင်းမကြားပဲ ရုတ်တရက် ရောက်လာမိတာပါ...ကျွန်တော်တို့ဘက်က ပျက်ကွက်ခဲ့တာပါ...အိမ်ရှေ့စံရဲ့ အပြစ်မဟုတ်ပါဘူး...

*ကျဲကျဲ...ဖိတ်ခေါ်လာတာလေ...ခမည်းတော်တို့ကလည်း ကောင်းကင်နန်းတော်ကို စိတ်ပူနေတာနဲ့...အခြေအနေသိရအောင် ခေါ်လာပေးတာ...
လာ...အရင် ထိုင်ပါဦး မောင်လေးရဲ့...

အစ်မဖြစ်သူ ဝမ်ဖေ့ဖေ့က ဟင်းပန်းကန်ကို ကိုင်ကာ အဆောင် ဝင်လာရင်း ပြောသဖြင့် ဝမ်ရိပေါ်က ခေါင်းညိမ့်​ြပလိုက်သည်။ နံဘေးမှ ခုံကို စစ်ကျွေး ထိုင်ဖို့ ညွှန်ပြရင်း ဝမ်ရိပေါ်က စားပွဲမှာ ဝင်ထိုင်လိုက်သည်။

စစ်ကျွေးက နတ်ဘုရားတွေနဲ့အတူ တတန်းထဲ စားပွဲမှာ ဝင်ထိုင်လိုက်လို့ မယ်တော်က မျက်နှာပျက်သွားပေမယ့် ရွှေရှင်းလန် ပြောထားတာကြောင့် ထင်သည် ဘာမျှတော့ မပြောချေ။

*ဒီမှာကတော့ လောလောဆယ် အဆင်ပြေပါတယ် အရှင်...ခမည်းတော်က စစ်ထွက်နေရတော့ ကျွန်တော်ပဲ ဦးဆောင်နေရတာပေါ့...ဒါပေမယ့် ခမည်းတော် သင်ပြခဲ့တာရယ်...အရှင်ရှောင်းယွမ်ဆီက သင်ယူခဲ့ရတာတွေနဲ့...ချင့်ချိန်ပြီးတော့ အဆင်ပြေအောင် လုပ်ဆောင်နိုင်ပါတယ်...ခမည်းတော်လည်း မကြာခင် နန်းတော်ကို ပြန်လာနိုင်မယ် ထင်ပါတယ် အရှင်...