မင်းတယောက် အတွက်သာ (U&Z) - Completed

အပိုင်း ၃၁ (U&Z)

(Unicode)

ဝမ်ရိပေါ် စိတ်တိုနေပြီဆိုတော့လည်း ရှောင်းကျန့် မနေသာ။ ဒီကောင်လေးကို ထပ်ပြီး သူ စိတ်မတိုစေချင်တော့ဘူးလေ။ သူ့ကြောင့် နာကျင်ခဲ့ရတဲ့ ကောင်လေး ပျော်ရွှင်နေဖို့ပဲ အရေးကြီးတာ မဟုတ်လား။

*ကောင်းပါပြီ...ကျွန်တော် လိုက်ခဲ့ပါမယ်...

ရှေ့က ထွက်သွား​ပြီဖြစ်တဲ့ ဝမ်ရိပေါ်နောက်ကို ရှောင်းကျန့် အပြေးလိုက်ရတော့သည်။

*အိမ်ရှေ့စံ ဘယ်သွားမလို့လဲ...

အဆောင်ပေါက်ဝမှာ ဝမ်ရိပေါ်ဆီလာတဲ့ ရွှေရှင်းလန်နဲ့ မျက်နှာချင်းဆိုင် တွေ့သည်။

*ခမည်းတော်ဆီကို ရှင်းလန်...ဆွေးနွေး စရာလေးရှိလို့...

*အရှင်ရှောင်းကျန့်ကရော ဘာလုပ်ဖို့ လိုက်လာတာလဲ...

*ကိုယ်ခေါ်လာတာ...ရှင်းလန် စောင့်ချင်ရင် ကိုယ့်အဆောင်ထဲကစောင့်...မစောင့်နိုင်ရင် ပြန်နှင့်...ကိုယ်တို့ကတော့ ဘယ်အချိန်မှ ပြန်လာဖြစ်မယ် မသိဘူး...

*ဟုတ်ကဲ့...ဒါဆို ရှင်းလန် မစောင့်တော့ဘူးလေ...ပြန်လာမှ ရှင်းလန်ကို ဝင်ခေါ်တော့...အခုတော့ စာကြည့်ဆောင်အထိ လိုက်ပို့မယ်လေ...

ရွှေရှင်းလန်က ဝမ်ရိပေါ် လက်ကို ချိတ်ကာ မီနွဲ့လိုက်သည်။ ဝမ်ရိပေါ်က ရွှေရှင်းလန် နှာဖူးကို ခပ်ဖွဖွ ထုကာ စနောက်လိုက်သည်။

*အ...

ရှောင်းကျန့် ဘယ်ဖက်ရင်အုံဆီ လက်နဲ့ ဖိမိသည်။ စူးရှတဲ့ နာကျင်မှုကြောင့် ချက်ချင်းပင် ဇောချွေးများ ဆို့လာသည်။

*အရှင်ရှောင်းကျန့် မြန်မြန်လာလေ...

ခပ်လှမ်းလှမ်းမှာ ကုတ်ကုတ်လေး ကျန်နေခဲ့တဲ့ အရှင်ရှောင်းကျန့်ကို ရိပေါ်က စိတ်မချစွာ လှည့်ခေါ်လိုက်သည်။ စကြင်္ ံတိုင်ကို မီကာ ငြိမ်နေတဲ့ အရှင်ရှောင်းကျန့်က ခေါင်းသာ ငြိမ့်ပြသည်။

*ရှင်းလန်...လာ...ကိုယ် အဆောင်ကို အရင်လိုက်ပို့မယ်...

ရွှေရှင်းလန်နဲ့ ဆုံတိုင်း အလိုလို ဖယ်ရှောင်သွားတတ်တဲ့ အရှင်ရှောင်းကျန့် အကြောင်း သိထားသည်မို့ ရိပေါ်က ရှင်းလန်ကို အဆောင်ပြန်ပို့ဖို့ ပြင်လိုက်သည်။