မင်းတယောက် အတွက်သာ (U&Z) - Completed

အပိုင်း ၄၂ (U&Z)

(Unicode)

သားတော်ဆီ မတ်တော် ဝမ်ကျားမိန် လာတာမြင်တော့ ရှင်းစု သဘောမကျ။ သို့သော် သားတော် ပုံစံက အရှင်ရှောင်းကျန့်ကို အတော် နာကျည်းနေပုံရတာကြောင့် လွတ်ထား ပေးလိုက်သည်။ အခု သားတော်က ဝိဉာဥ်ကြိုး မဖြတ်ခင်က မူရင်းစိတ်ကို ပြန်ရနေပြီ မဟုတ်လား။

*ကျွန်တော် အိမ်ရှေ့စံနဲ့ ခဏလောက် စကားပြောပါရစေ မရီးတော်...

ဝမ်ရိပေါ် အနား ကပ်နေတဲ့ မရီးတော် ရှင်းစုကို အားမနာနိုင်တော့ပဲ ဝမ်ကျားမိန် ခွင့်တောင်းလိုက်သည်။ ေရှာရှောရှူရှူ ထွက်သွားပေးသဖြင့် ဝမ်ကျားမိန် ရင်ထိတ်သွားသည်။ ထို့ကြောင့် တူတော်ကို သတိထားပြီး စကားဆိုလိုက်သည်။

*ရိပေါ်...မင်းနေရတာ ကောင်းရဲ့လား...

*ကောင်းပါတယ်...ဦးရီးတော် လာ...ထိုင်လေ...

နီးရာ ခုံတလုံးမှာ ဝင်ထိုင်ရင်း ဝမ်ရိပေါ်ကို အကဲခတ်လိုက်သည်။

*ရိပေါ်...အရှင်ရှောင်းကျန့်...

*ကျွန်တော် သူ့အကြောင်း မကြားချင်ဘူး ဦးရီးတော်...တခြား ကိ္စ္စပဲ ပြောပါ...

*မရဘူး ရိပေါ်...ငါ ပြောမှ ဖြစ်မယ်...

စိတ်ရှုပ်စွာနဲ့ ဦးလေးဖြစ်သူကို ရိပေါ် ကြည့်လိုက်သည်။

*ဘာဖြစ်လို့လဲ...

*မင်း အသက်ဆက်ရှင်ဖို့...ရှောင်းကျန့်က သူ့ ဝိဉာဥ်ကြိုးကို မင်းရဲ့ ဝိဉာဥ် တိုင်မှာ ချည်ထားခဲ့တယ်...

*​ေဩာ်...ဒါကြောင့် ကျွန်တော်က ကိုယ့်ဘာသာ သတ်သေလို့လည်းမရ...ဝိဉာဥ် အိပ်ဆေးသောက်လည်း မသေ ဖြစ်နေတာပေါ့...တော်တော် စိတ်ကုန်ဖို့ ကောင်းတဲ့သူ...သူ့ လောဘ တခုအတွက် ကျွန်တော့်ကို ခုတုံးလုပ်နေတာ...

*ရိပေါ်...မင်း ဘယ်လိုတွေ ပြောနေတာလဲ...ငါ ရှင်းပြမယ်...

*မရှင်းပြနဲ့...မသိချင်ဘူး...အရှင်ရှောင်းကျန့် အတွက်ဆို...ဦးလေး ဘာမှ ရှင်း​ြပမနေနဲ့...မကြားချင်ဘူး...

ဒေါသတကြီး ပြန်အော်လိုက်တဲ့ တူတော်ကို ကြည့်ပြီး ဝမ်ကျားမိန် ရင်မောသွားသည်။