عشقهُ خنجر في خاصرتي

مقتطف

و آنة مو طبعي العتب
ع الما حلالة يصون عهدي

سرعت خطواتي ، شعري لزك بوجهي من كثر الدمع ، ، امشي وامسح بدموعي ، وكفت على الشارع انتظره ،

درت وجهي اشوف وينه ، كوه اتنفس الهث ، كعدت على رصيف ابجي ، ليش تأخر مو كال اجي ..

جسمي مهدود حيله ، سمعت صوت السياره ، رفعت راسي بسرعه ، نزل هو من سياره مخترع يتلفت ..

كمت بسرعه حجيت ، حسام حسااام بجيت كبل لا اكمل ..

تقرب عليه لزمني شسوووين كوليلي شسوووين تخبلتي ؟؟!

لزمت ايده راح يزوجوني حساام الحك علي فدوه ..

جرني بعيد عن شارع بختله ، وكفني بصف زاويه حجه تخبلتي ؟؟! عاط بوجهي ماتفكرين انتي شننوو ؟!!

- حلكي يرجف ، بلعومي جف بلعت ريكي كوه ، دبرني حساام زواجي هالاسبوع ، ماريده الله يخليك ، تعااي اقنع امي ..

- مااكدر اني  ، انتي كرهي بيج وخلي يكرهج بالكت يتركج ..

وخرت ايده عني بسرعه نترت ماااايرضه ، بجيت بضعف مااريده حاولت وياه ماقنع حاجيته ، بلا احساس هذا..

دار وجهه متوتر ، شافني ابجي ، لزمني يحجي :  ايماان ، بس اسمعيني البجي ميفيدج الصار صار بعد ، بس اسمعيني ، حاولي تخلي يكرهج كوليله احب غيرك  ..

رفعت نظري عليه ، وجهي بهت ، همست بتعب ماراح يفرق شي عنده ، كعدت بالارض تعبانه خلص ..

كنبص كبالي ، لزمني من جتفي ، حاجي خالج ، او جدج ، سوي اي شي ..

هو بعده يحجي وقاطعته خلي ننهزم ..

رفعت نظري علي لكيته فاك عيونه ، هزيت راسي اي خلي ننهزم اني ماكدر اكمل حياتي وياه ، مو تحبني مو وعدتني بزواج خلي ننهزم اني وياك ، عندي فلوس والله ، نعيش بيهم ماراح نعتاز شي  ..

كام لحيله عصبي تخبلتي ؟! لا انتي صار بعقلج شي انجنيتي ولج ؟؟ انهزم شنوو واهلي واخواني ابويا امي ..

رفعت نظري علي صافنه بوجه ، دموعي نزلت واني ؟؟!

اشرت على نفسي واني حساام ؟!  مالي خاطر عندك ..

- احبج واموت عليج ومحمد ، بس خما انهزم وياج شنو هينه هيه ، هاي اعراض و عشاير راح اتصير راح نسبب لاهلنه كارثه ..

- وفراقك عني وكارثه الي راح توكع براسي ..

دار وجهي ، يتهرب ، ماعنده حل وعديم حيله ..

كمت لحيلي ارجف جريته من زنده ، حساام ، واني ؟! ننهزم كم يوم ونرجع بس نزوج ترى مصيبتي مو هينه ..

همس ، هو داير وجهي عني ،  اهلي راح اجيبلهم العار ، والمشاكل والحكم العشائري ، اخواني يمكن حتى يتعرضون للقتل ..