عشقهُ خنجر في خاصرتي

البارت السابع و الاربعون

_٤٧_

#عشقه_خنجر_في_خاصرتي

#بقلم_أسماء_ديمير_مع_Roro_Rose

حاولت اتلازه وياه بس ماكدرت ، ثواني هيه خطوتين ونشمرت بالسياره ، بين ماكعدت عدل و وخرت شال من وجهي ابجي منوو شكوو ..

التفت رعد صعد بصفي وشخط سياره ، جريته من جتفه نزللني دكولك نزلي تخبلت انته رسمي ..

عاط بي عيطه وخررررر انعل اهلج ،  كلبه نطاني دفعه لزكني بالباب ،

بجيت وكرصت لامه نفسي هو وجه احمرر و السياره وصخه كلها كلينكس ، درت وجهي قوطيه بيره فارغه مشموره بارضيه السياره ..

غمضت عيوني حجيت رعد وين ماخذني هااا شراح اسووي ..

اندار علي يلهث ، وريحته تكتل ، راح احركج اي راح احركج ماكو غيرها اريد اخلص منج ..

صميت حلكي ابجي خايفه شبيك شاارب جاي تحجي  انته ..

نزلي عليك الله بدااعه ولدك ، امي مريضه رعد تموت وراي والله اذا وصل الها خبر ..

امممج كله من اااامج مرضها هاي حوبتي ، شيسوي بيها بعد الله مو كاافي دمرتتنه ..

- انته دمرت نفسك مو هيه نزلي كتلك كاافي اذيتني هولي بيش طالبني اعتقني لخاطر الله ، 

ماحجه سياره تمشي بكل سرعتها خفت لا تنكلب بينه ، ماعرف وين اتجه بس اني كضيتها بجي ولازمه بيده اتوسل هو يردد اكتلج واكتل نفسي شتكولين ..

احركج واحرك روحي لو اكتلج بالمسدس احسن ، من بجي دخت ، كمت حتى حجي ماحجي ، جنطتي بحظني دنج يكح هو مختنك ..

نوب نفسه كامت تلعب ، طبك سياره و نزل يركض ..

اباوع علي يتقي، اني كبل فتحت الباب الي من جهتي ونزلت اركض ، مالتفتت علي بس ركضت حيل الشارع فارغ ، شارع فرعي و منطقه شبه فارغه حتى بيوت مابيها ..

حسيت على عته من شالي حيل ، خنكني ، رجعت ليوره واكعه ..

عطت يماااا لج يماااا  …

جرني من شالي جر يرجعني للسياره و اني اعيط ، كمت لحيلي جلبت بيده جارني بيها ، واجر بيها مارضه ارجع للسياره ضليت اعيط عوفني ياعالم الحكوني ولك وخرر عني ..

فضحته بشارع بصوتي ، ماشوف غير ضربه اجت ترس على وجهي سكتني ، اريد اشوف نوب عميت ، وكعت على وجهي بالارض جرني من جتفي جر ..