_١٢_
#عشقه_خنجر_في_خاصرتي
#بقلم_أسماء_ديمير_مع_Roro_Rose
مرام ..
متمددة عالكاع بغرفتي بدون فراش عالكاشي البارد ، ابرد روحي المشتعلة بفراقه ...
خلص العزااا ، وكل واحد رجع لحياته ، واني ما كدرت ارجع ولا استوعب فقد الاب ، شي ابد مو سهل، ما كنت مفكرة ولو مجرد فكرة هيج برمشة عين يروح ، عبالي كل الحياة مثل ما نحبها راح تمر ...
قبل ايام كنت متونسه ، بدلاله الي واكوله لبنتي هم هيج تدللها ، وهو يضحك ما يردني ولا يصحح الي ولا يعاتبني على وقاحة سؤالي وجرأته ..
تذكرت ذاك اليوم كنا يم جدة ، ببيت عمي مضفر ومثل عادتي ، كاعدة بصفه واتهاتر وياهن ...
جدتي وامي وعمتي ، والكل يلوموه من باب تكول صغيرة ، ما ازوجها ومن باب منطيها هيج مجال تحاجيك ...
اني اضحك عليهم واكول الهم :- تغارون من بنتي ...
الجدة ترد :- انگمعتي عوذة انعل ابوها ، لبنتج منين تجي ، غير البنية تتزوج ، وتخلف وينج بطول القن....
ضحكت عليها وعمتي صابرين كملت
-يلا هذا فراس موجود كاتل نفسه واحنا نكيف
باوعت عليها مو راضية وقلبت الكلام
-شوف يابه يضغطن عليه مو حجيت الك تعالي كوه اقبلي ...
ابويه سكتهم
-اي كافي مو وكته الحجي
الجدة:يمه صخااام اختلفت علينا منا لهنا تريد تگلب السالفة واخلي ابوها يفر راسه
ابو غسان:ههه يمه صغير اني شبيج ؟؟
الجدة:ليش ما تزوجها شناقصها ولد عمها جاهزين ويردون بس موافقتك
-واني كلت صغيرة تكمل سادس والله كريم
انداريت اله بجفلة شنو الله كريم يعني؟؟هو ابتسم ومسد خدودي ..
صابرين:اي يعني يا الله قربب عدنا عرس اللاخ ..كامت تركض تبشر سليمة فراس ...
بقت السالفة ببالي اخاف صدك من اكمل السادس ...عزااا وعادل شسوي ؟؟لا خل يولي عود ارسب روحي واكول الهم ديضايقني رسبت واخليهم يسكتون هسه هو ليش لازك الي مو ادري بي ما يحب الا نفسه هذا ؟؟
من رجعت بوقتها للبيت ، ذبيت شكم دمعه يم ابويه ونهى السالفة ، وكال خلي بالج يم دراستج وبس ، لا يهمج كلام احد ، الشي بقناعتج يلا يتم ..
بوسته واكمز مكيفة ، واعرف تأثيري عليه مستقبلا اكدر اخليه يوافق على عادل !!!بكل شي مدللني اكيد ما يكسر خاطري بزواج ما احبه!!
....
أنت تقرأ
عشقهُ خنجر في خاصرتي
ChickLitحين ينتهي الحُب , أَدرك انه لم يكن حُباً الحبّ لا بد أن يُعاش , لا أن يُتذَكر. ( القصه حقيقيه )
