عشقهُ خنجر في خاصرتي

بارت السادس والاربعون

_٤٦_

#عشقه_خنجر_في_خاصرتي

#بقلم_أسماء_ديمير_مع_Roro_Rose

مرام :
شهرين واحنا بمشاكل غدير ..امي ضغطها دوم معلك قهر على فلوسه اللي خسرهن ...هو ما يحجي بس الشغلة تقهر مريم دكت بي الناقصة ..

رادوا تدخلوا وحاولوا يحلوها لا هو راضي يتصالح وياهم ولا هي اللي تنازلت عن شرطها الحاطته تكول هي الاولى وهاي المسكينة هي النزلت ضرة الها ؟؟

عدا ابوها كال نرجع النكدر عليه ومحمد تكفل يردهن النا كدام اهلنا ...

لحد هسه محمد ما يدري اغلب مديونيته صارت الي..كل ظنه جدتي انطته فلوس منها ...

صح انطوه هي وعمتي بس مو بكد المبلغ اللي اني انطيته حتى اكثر من طلب غدير اطلبه ..

فلوس اللي خلاهن ابويه الي ، كانوا عشرين مليون ، وارض جبيرة حيل ، والباقي وزعهن على اهلي..

البقية الكاع ما اتصرف بيها لان هي حصة الكل ، واذا بعت اقسمها الهم كلهم ..

الفلوس الي وحدي بشرط الكاع الهم ترجع...

وبعد كان النا دخل ثابت اني وامي من شغله ااقديم اللي اشتغل بي بعده غدير ..وصار الي سنين اجمع بحصتي منه ...

الكاع بهالسنة كومه اخواني لحوا يبيعون حصصهم واني اجل بالسالفة عدا غدير انطيته فلوس مني لان وكع بديون واشتريت منه حصته ..

......
بعد الحديث يطول عاللي عندي وانطيته ..

المهم اني فلوسي كلها توزعت ..بصراحه كنت اخاف يروحن ولو هيج احسن لا طمع وراسي بارد لو تجي قسمه مثل غصن بلكت ينطون ،

وما اضل هنا عمري واكف ، يمكن هدف عمتي صابرين او هو هدف عام بعائلتنا الزواج انتقل الخوف من البقاء يمهم ومكابله فراس ..

اللي كام يلح ويلمح بالطالعه والنازلة على سالفته ورايح لجدتي ومسولفين وكمشتني تقنع بيه !!!

مرت الايام ولا غدير عنده يردهن الي ولا بيت عمي ابو محمد مرجعين فلوسه ؟؟

فتت بغرفة غدير جفت بلا ما ادك الباب الاعرفه هو بالنهار يجي يتغدا ، ويرجع لشغله وهم لكيتهم سويه وماخذ راحته ....

تخوصرت ووكفت الهم
-عيني ابو الشباب اصيح عمتك فهيمه  عمتي صابرين ياهي تريد تحودك منا؟؟