عشقهُ خنجر في خاصرتي

البارت السادس والثلاثون

_٣٦_

#عشقه_خنجر_في_خاصرتي

#بقلم_أسماء_ديمير_مع_Roro_Rose

شدن:

تعكرت ملامحه وضاج ومسح كصته وباوع بوجهي ،  نزل عيونه  ،  يعني طبعا ما راح يرغب بحمل مني ..

قابل اني اضل بغبائي صافنة بوجهه واتامل ملامحه عليش دا اشوف خيبتي زين ؟؟

السكوت حل وخالتي من شافتنا اثنينا انكلبت خلقتنا باركت النا واكتفت بالدعاء النا وسكتت وكعدت شوي غاد منطيتنا مجال وكل شوي تعوج حلكها ضايجه من رده فعله  ..

مرت الطبيبة من يمنا وهو كام لحكها وجابها يمي ...

تسال بيه عن النزف وشكله وشكد صار الي انزف ...واندارت اله
-ما اكدر احدد بصراحه تحتاج سونار 

-وين نسوي السونار ..

-بالاستشارية النسائية ، عدهم سونار اني رأي تسويلها تحويل يسوون اللازم ..

تدخلت خالتي

-عيني دكتورة ناخذها طبيبه بره اكتبي النا خروج...

جاوبتها بعد ما تأكدت من وضعي

-هي هسه مستقرة تكدر تطلع اكتب الها مثبت ، بس راحه تامه ونوم على ضهرها ، اذا مثل ما كلتي فاتحة واجواء ما تناسب ابعدوها ،  اذا امكن عن الهوسة

-اي والله ابوها المتوفي

غدير :هاي عود ناخذها ببيتنا تبقى يم امي احسن ..

-المهم اي جهد ممنوع ..شغل ماكو ..مشي للحمام بس  ..رجال ماكو !!

عيني اجتي بعينه بهاللحظه ، فلتت منه ابتسامة ما سيطر عليها وغمز الي ...

بيا حال بالله اني وهذا وين كل عقله ؟؟

نزلوني من السدية ، بعد ما كان كل شي تمام راح جاب معين وعربانة ، يوصلني للسيارة وحط بجيبه فلوس هوايه ويوصي بي عليه ..

.عيوني عليه بكل حركه وسمحت لنفسي بهاللحظات اترقبه زين !!

طلعنا بالسيارة هو وخالتي يتناقشون هي تكول نرد ..

وباجر نشوف طبيبة ، وهو يكول لا بعد وكت ناخذها لطبيبة ، وويه الغروب احنا نفتر عالطبيبات ،  من مكان لمكان سونار وتحاليل وكل اللازم كملناه الطفل نبض ما بي  !!!