عشقهُ خنجر في خاصرتي

البارت الخامس

_٥_

#عشقه_خنجر_في_خاصرتي

#بقلم_أسماء_ديمير_مع_Roro_Rose

بالاول امي ترددت ..

بس بعد مالحيت اني ، وكتلها بس تعرفي على امه او اخته ، مابيها شي ، الولد نيته سليمه واني هم اريد اطمن ..

امي مو بس حست اني رايدته ، لا عرفت وتيقنت ، هم ، طاوعتني بس حتى تامن وتعرف تاليت الولد شنو وكلامه صدك لو بس حجي ..

اخذت الرقم امي ودكت عليهم تتعرف ،  ردت اخته ، اني كعدت بصف امي اتصنت ..

حجت وياها اني ام ايمان اكيد تعرفين ايمان ..

ياا هلا خاله ياهلا اي اكيد ، والله جنه ناوين احنه ندك عليكم بس خفنه لا نسوي زحمه ، وعذرينه .

ردت امي بهدوء ماصار شي ، اني هم ردت اتعرف عليكم ، حظرتج شايفه ايمان وملتقيه بيها ..

اي والله خاله كلش تشرفت، هاي امي تحجي وياج ،

حجت المره بصوتها الهادئ الرزن ، وسترسلت بالكلام ، واعتذرت من امي  لان هيه البادرت بالاتصال اول شي ، بس تعذرت بانو ماحبينه نضغط عليكم شفناها زحمه ..

امي تفهمت الوضع ، رجعت ظهري على تخم مبتسمه ، اخذو المره من امي موعد يجون ويتعرفون علينه بشكل رسمي ..

امي حددتلهم الموعد واتفقو ، بس سدت تلفون التفتت علي صافنه ..

اني الابتسامه شاكه الوجه ، مو بيدي ، يمكن تفكيري مو مثل تفكير امي ، هيه تعرف البشر اكثر مني وتفكيرها ابتعد ..

عكسي اني ، اشبه جدي بالتصرفات وتفكير ماخذه دنياا بطيبه ، هزت راسها خايفه حجت لا تتعلكين بحبال رخيه يماا ..

- هاا شنو يعني ..

سكتت وكامت تروح تسولف لجدي عن صار ..

التفتت عليها ، همست حسام حباله مو رخيه يمه هو يحبني ..

رد وهيه تكمل دربها ، مو كلمن كال احبج معناها راح يصبر ويوفي وياج ..

عقدت حواجبي ضايجه ، كعدت وجتفت اديه مضايقه ، كلامها غثني ، والله يحبني حيل هو ، وحتى اني كلبي تعلق بي ، يكفي متخمل برودي وياه ومعاملني مثل طفل ..

حتى ماحب يطول بعلاقتنه ، كبل اجه واعترف و اصر انو يخطبني ،

ذيج الفتره قبل لا يجون اهله النه ،  حسام ضل طول اليوم يفتر ويضحك وراي ، ويكلي جاايبهم وجاي اليوم تحظري ، بحيث دائره نصها عرفت حسام ناوي يخطب ايمان رسمي ..

ضليت فشلانه وخجلانه من الكل ، هو يمشي ويدخل للغرفه ويكللهم راح  ازوج ايمان مو كتلكم الا اخذها ..