عشقهُ خنجر في خاصرتي

البارت العشرون

_٢٠_

#عشقه_خنجر_في_خاصرتي

#بقلم_أسماء_ديمير_مع_Roro_Rose

وكفت بمكاني جامده ، همست بخوف شنوو ..

نزل وراي حسام ، حجه شنوو شبيج ..

اباوع للاستعلامات يباوعون بوجهي ويردون يسالون المبلغ شنو ؟؟! .

رجع كرر كلامه بصوت اعلى ، احسه متعمد او متقصد ، ست ايمان قااسم متهمه بجريمه قتل ..

رجليه كامن يرجفن لزمت المحجر اسند نفسي وراي حسام حجه شكوو شنو هالحجي شنو جريمه ..

خله ورقه على ميز وحاجاني ست تفضلي وقعي اريد امشي ..

ضليت على وكفتي ، مصدومه منين هالحجي ياربي ..

حجه ست عفوا يله ..

حسام وراي يحجي ، شنو قصه ايمان ..

مارديت علي احس راسي صدع ، وماجاي استوعب ، مشيت بخوف ارجف مانطقت كلمه ..

فضيحه فضيحه بمعنى الكلمه ، اريد اطم نفسي على هالموقف ، حجيت وياه ارجف عفيه جريمه شنوو ..

هز راسه ست اني عليه ابلغج وبس ..

وقعت على استلام تبليع وجسمي يختض ، درت وجهي لان اشوف عمي ثامر واكف بالباب ، وينتظر مبلغ عيوني تشخصت علي ، حتى مارمشت ..

وكفت اتلفت يمنه يسره خما بحدي ، لان اشوف امه الثقلين كلها واكفه تتفرج ،

تالي عمي ثامر مشه ويه المبلغ وطلعو سوه ..

كعدت على كرسي قريب لازمه راسي ، اغلب الموظفين التمو علي ويسالون شكوو شنو جريمه ست ..

مارديت يااايمه شكول شأحجي انفضحت والله  ، ضعت اني ، كل الي سويته صعدت ركض اخذت جنطتي وطلعت للبيت ابجي مخترعه و ميته قهر على الموقف صار بيه ..

اخذت تكسي وكبل للبيت ، بس دخلت ضليت ابجي واعيط واحجي يماا تعااي شوفي مصيبتي ..

طلعت مخترعه شبيج ولج ..

نطيتها تبليغ ارجف كعدت بالارض اضرب على رجلي ، رااح يضيعووني راح يدمرون حياتي ..

خلت اديها على حلكها الله لايوفقك يااثامر ..

هنا كاتبين محاوله قتل المدعو فرقد ..

رفعت راسي فرقد شنوو..

انطيني دااقره مااقريتها اني ..

لزمتها اقرها ، اسم فرقد والله  ، بس فرقد شبي ، شنو قتل منين هالحجي ..

خليت اديه على راسي ادك عليه ، اكيد مات فرقد وبلوني اني ، جدي اجه وخالي وتخبلو ، اتصلت امي على خالتي وردت بحجايه مادري مو هالكد علاقتي بيهم ..